کراچی: مشتعل شہریوں کے بدترین تشدد اور جلانے سے ڈاکو ہلاک
اشاعت کی تاریخ: 2nd, May 2025 GMT
کراچی:
نیو کراچی میں مشتعل شہریوں نے ڈاکو کو تشدد کے بعد جلاکر ہلاک کردیا۔
نیو کراچی صنعتی ایریا تھانے کے علاقے سیکٹر الیون جی گودھرا کالونی بسم اللہ ہوٹل کے قریب دکان میں ڈکیتی کی واردات کے دوران مزاحمت پر مسلح ڈکیتوں کی فائرنگ سے 2 دکاندار زخمی ہوگئے۔
ایک مبینہ ڈکیت کو شہریوں نے پکڑ لیا جبکہ ایک ڈکیت موقع سے فرارہوگیا، پکڑا جانے والا ڈکیت مشتعل شہریوں کے بدترین تشدد اورجلائے جانے سے موقع پر ہلاک ہوگیا۔
زخمی دکانداراور ہلاک مبینہ ڈکیت کو ایدھی ایمبولیس کے ذریعے عباسی شہید اسپتال منتقل کردیا گیا، واقعے کی اطلاع ملنے پر پولیس بھی موقع پہنچ گئی۔
ایس ایچ او نواز گوندل نے ایکسپریس کو بتایا کہ موٹر سائیکل سوار 2 مسلح ڈکیت نیو کراچی سیکٹرالیون جی میں پرچون کی دکان میں ڈکیتی کے لیے داخل ہوئے تھے جہاں دکانداروں نے مزاحمت کرتے ہوئے ایک ڈکیت کو پکڑ لیا۔
انہوں نے بتایا کہ ڈاکو کا ساتھی فائرنگ کرتے ہوئے موقع سے فرار ہوگیا، فائرنگ سے 2 دکاندار بھائی 38 سالہ محمد فیصل ولد محمد فیروز عالم اور 35 سالہ فیضان ولد محمد فیروز عالم ٹانگوں میں گولیاں لگنے سے زخمی ہوگئے پکڑے جانے والے ڈکیت کومشتعل شہریوں نے تشدد کا نشانہ بنانا شروع کردیا۔
اس دوران مشتعل شہریوں کی جانب سے پکڑے جانے والے ڈکیت کو جلائے جانے کی کوشش کی جا رہی تھی کہ پولیس کوموقع پر پہنچ گئی، پولیس نے ڈکیت کواسپتال منتقل کیا جہاں وہ دم توڑ گیا۔
ایس ایچ و نے بتایا کہ ہلاک ڈاکو کی شناخت محمد اکرم ولد محمد ابراہیم کے نام سے کی گئی، ہلاک ڈکیت کے قبضے سے اسلحہ ملا ہے ایس ایچ اونے بتایا کہ ہلاک ڈکیت کا کرمنل ریکارڈ بھی سامنے آگیا ہے۔
ہلاک ڈکیت میمن گوٹھ تھانے میں منشیات کے مقدمے میں گرفتار ہوچکا تھا، انہوں نے بتایا کہ پولیس نے ڈکیت کے فرار ہونے والے ساتھی کی تلاش میں چھاپہ مار کارروائیوں کا اغاز کردیا ہے۔
.
ذریعہ
ذریعہ: Express News
کلیدی لفظ: مشتعل شہریوں نے بتایا کہ
پڑھیں:
پنکی کے بعد کراچی سے ایک اور منشیات فروش خاتون گرفتار
کراچی کے علاقے گلستان جوہر سے مطلوب منشیات فروش خاتون شیریں شرینہ کو بیٹوں سمیت گرفتار کرلیا گیا۔پولیس کے مطابق شیریں شرینہ ملزمہ کو دونوں بیٹوں کے ساتھ کامران چورنگی سے گرفتار کیا گیا، ملزمہ ہیروئن، چرس اور دیگر منشیات فروخت کرتی تھی۔پولیس حکام کا کہنا ہے کہ ملزمہ چند سال قبل گرفتار ہوکر جیل گئی تھی اور دو سال پہلے واپس آئی تھی، ملزمہ شیریں عرف شیرینہ کے خلاف 35 کے قریب مقدمات درج ہیں، ایک کیس میں ملزمہ کے قبضے سےدستی بم بھی برآمد ہوا تھا۔پولیس حکام کا بتانا ہے کہ ملزمہ اپنے فلیٹ کی کھڑکی سے ڈائریکٹ ہیروئن سپلائی کرتی تھی، گرفتار ملزمہ اور ملزمان سے مذید تفتیش کی جارہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ