راولپنڈی: چینی کال سینٹر میں نقب زنی کرنے والا 6 رکنی گینگ گرفتار
اشاعت کی تاریخ: 3rd, May 2025 GMT
راولپنڈی:
راولپنڈی: تھانہ صادق آباد پولیس نے چائنیز کال سینٹر میں نقب زنی کی واردات میں ملوث 6 رکنی گروہ کو گرفتار کر لیا۔
ترجمان راولپنڈی پولیس کے مطابق گرفتار ملزمان کے قبضے سے 85 لاکھ روپے مالیت کے 95 مسروقہ لیپ ٹاپ اور پرنٹر برآمد کیے گئے ہیں۔
پولیس کے مطابق چند روز قبل ملزمان نے کال سینٹر کے شیشے توڑ کر قیمتی لیپ ٹاپ اور پرنٹر چوری کیے تھے۔ گرفتار ملزمان میں عبد الواجد، وسیم، بلال، علی، عبد العزیز اور محمد مرزا شامل ہیں۔
صادق آباد پولیس نے واردات کے بعد CCTV کیمروں اور ہیومن انٹیلی جینس کی مدد سے ملزمان کو ٹریس کر کے گرفتار کیا، ملزمان کی گرفتاری اور 100 فیصد ریکوری پر سی پی او سید خالد ہمدانی نے پولیس ٹیم کو شاباش دی۔
.ذریعہ: Express News
پڑھیں:
ایبٹ آباد: میں خاتون سے اجتماعی زیادتی، 3 ملزمان گرفتار
خیبر پختونخوا کے ضلع ایبٹ آباد میں راولپنڈی سے آئی خاتون کے ساتھ مبینہ اجتماعی زیادتی کا واقعہ پیش آیا تھا جس میں اب تک 3 ملزمان کو گرفتار کرلیا گیا ہے۔
یہ بھی پڑھیں: نوشہرہ میں مدرسے کی طالبہ سے اجتماعی زیادتی: ’شور مچانے پر دیگر ملزمان بھاگ گئے’
ترجمان ایبٹ آباد پولیس کے مطابق واقعہ ضلع ابیٹ ابا میں تھانہ بکوٹ کی حدود بیروٹ نامی علاقے میں پیش آیا جہاں ایک خاتون کے ساتھ مبینہ طور پر 3 افراد نے اجتماعی جنسی زیادتی کی۔
پولیس کے مطابق واقعے پولیس کو خفیہ اطلاع ملی جس پر ایس ایچ او تھانہ بکوٹ علاقے میں تفتیش کے لیے گئے تو معلوم ہوا کہ اہل علاقہ میں اس حوالے سے شدید غم و غصہ پایا جاتا ہے۔ ایس ایچ او نے اپنے مدعیت میں ایف آئی آر درج کرکے تحقیقات شروع کی مکان کے مالک کو گرفتار کیا جہاں افسوسناک واقعہ پیش آیا تھا۔
پولیس کے مطابق ابتدائی تفتیش میں گرفتار ملزم نے اعتراف جرم کرتے ہوئے بتایا کہ وہ متاثرہ خاتون کو راولپنڈی سے گاڑی میں ایبٹ آباد لایا جہاں اس نے پہلے خود جنسی زیادتی کی اور بعد ازاں اپنے دو2 ساتھیوں کے ہمراہ پوری رات خاتون کو زیادتی کا نشانہ بنایا اور اس نے دیگر ملزمان کے نام ظاہر کیے جنہیں بعد ازاں گرفتار کر لیا گیا۔
بکوٹ پولیس کے مطابق اجتماعی زیادتی کیس میں 3 ملزمان کو گرفتار کیا گیا ہے۔ ان کو خلاف تھانہ بکوٹ میں تعزیرات پاکستان کی دفعات 375A، 376، اور 34 کے تحت درج مقدمے میں نامزد کیا گیا ہے۔
ڈی پی او عمر طفیل کی ہدایت پر ایس پی محمد اشتیاق کی سربراہی میں ایک خصوصی تحقیقاتی ٹیم تشکیل دی گئی ہے جس میں ڈی ایس پی گلیات امتیاز خان، ڈی ایس پی انوسٹیگیشن سعید یدون، ایس ایچ او بکوٹ، ایس ایچ او چھانگلہ گلی اور دیگر ماہر تفتیشی افسران شامل ہیں۔
مزید پڑھیے: ایبٹ آباد: معمولی تنازع خونی واقعہ میں بدل گیا، 2 افراد قتل، متعدد گھر نذرآتش
ڈی پی او نے ٹیم کو ہدایت دی ہے کہ کیس کی شفاف اور غیر جانب دارانہ تحقیقات یقینی بنائی جائے اور ملزمان کو قانون کے مطابق کیفر کردار تک پہنچایا جائے۔ پولیس حکام کے مطابق کیس کی تفتیش جاری ہے اور جلد مزید پیشرفت متوقع ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایبٹ آباد ایبٹ آباد اجتماعی زیادتی ایبٹ آباد گرفتاریاں
نوازشریف کی زیر صدارت اجلاس، سیاسی صورتحال پر مشاورت، اہم فیصلے