آزادی صحافت ،جمہوریت ،شفاف حکمرانی اور انسانی حقوق کے تحفظ کی ضامن ہے،عطا تارڑ
اشاعت کی تاریخ: 3rd, May 2025 GMT
اسلام آبا د(اُردو پوائنٹ اخبارتازہ ترین - آن لائن۔ 03 مئی2025ء)وفاقی وزیر اطلاعات عطاء اللہ تارڑ نے عالمی یوم صحافت پر پیغام میں کہا ہے کہ آزادی صحافت جمہوریت، شفاف حکمرانی اور انسانی حقوق کے تحفظ کی ضامن ہے، پاکستان میں میڈیا نے جمہوریت کے استحکام، قانون کی بالادستی اور عوامی شعور کی بیداری میں ہمیشہ کلیدی کردار ادا کیا،وفاقی وزیر اطلاعات کا پاکستانی میڈیا کو مقبوضہ جموں و کشمیر میں جاری بربریت، انسانی حقوق کی سنگین خلاف ورزیوں اور فلسطینی عوام پر اسرائیلی مظالم کو اجاگر کرنے میں موثر کردار ادا کرنے پر خراج تحسین کیا ہے،عالمی ضمیر کو جھنجوڑنے اور مظلوموں کی آواز عالمی فورمز تک پہنچانے میں صحافی برادری نے جراتمندانہ کردار ادا کیا،یہی وہ آزاد اور باشعور صحافت ہے جو انسانی ہمدردی اور حق گوئی کی اصل ترجمان ہوتی ہے،وفاقی وزیر اطلاعات نے بھارتی جارحانہ اقدامات پر میڈیا کے محتاط، ذمہ دارانہ اور قومی مفادات کو مقدم رکھنے کے رویئے کو سراہا،پاکستان کا میڈیا ریاستی موقف کو عالمی سطح پر موثر انداز میں اجاگر کر رہا ہے جو قومی سلامتی، خارجہ پالیسی اور قومی وحدت کے لئے نہایت اہم ہے،حکومت پاکستان آزادی اظہار رائے پر مکمل یقین رکھتی ہے،میڈیا کے تمام اداروں کو اپنا پیشہ ورانہ فریضہ آزادانہ طور پر انجام دینے کا حق حاصل ہے، آزادی اظہار رائے اور معلومات تک رسائی کسی بھی جمہوری معاشرے کی پہچان ہے،حکومت صحافیوں کے تحفظ، فلاح و بہبود اور پیشہ ورانہ تربیت کے لئے ہر ممکن اقدامات کر رہی ہے۔
(جاری ہے)
ایک ذمہ دار اور باخبر میڈیا ہی ملک کو درپیش چیلنجز سے نمٹنے میں معاون ثابت ہو سکتا ہے، حکومت آزادی صحافت کو یقینی بنانے اور میڈیا اداروں کے ساتھ تعمیری مکالمہ جاری رکھنے کے لئے پرعزم ہے۔ *** 03-05-25/--12 #h# امریکہ میں بھارتی سفارت خانے کے باہر فرینڈز آف کشمیر کا احتجاج ،مظاہرے میں پاکستانی ، کشمیری ، اور سکھ کیمونٹی کی بڑی تعداد میں ،سخت نعرے بازی ،پلے کارڈز اور بینرز بھی اٹھا رکھے تھے پہلگام واقعہ مودی کا فالس فلیک آپریشن تھا، بھارتی حکومت اور بھارتی ایجنسیوں کی دہشت گردی کی مذمت کرتے ہیں،مقررین #/h# ا*واشنگٹن(آن لائن )واشنگٹن میں بھارتی سفارت خانے کے باہر فرینڈز آف کشمیر نے چیئرپرسن غزالہ حبیب کی قیادت میں شدید احتجاج کیا ہے ،مظاہرے میں پاکستانی ، کشمیری ، اور سکھ کیمونٹی کی بڑی تعداد نے شرکت کی ،مظاہرین کا مودی کے خلاف سخت نعرے بازی ،مظاہرین نے پلے کارڈز اور بینرز بھی اٹھا رکھے تھے جن پر مودی کے خلاف نعرے درج تھے ،مظاہرے میں سکھ فار جسٹس کے بلو ندر سنگھ چھٹا سمیت سکھوں کی ایک بڑی تعداد بھی شامل تھیں۔مظاہرے سے خطاب کرتے ہوئے غزالہ حبیب اور دیگر مقررین نے کہا کہ پہلگام واقعہ دراصل مودی کا فالس فلیک آپریشن تھا،ہم بھارتی حکومت اور بھارتی ایجنسیوں کی دہشت گردی کی مذمت کرتے ہیں ،دنیا جان گئی ہے کہ پہلگام دہشت گردانہ حملے سے کس کو فائدہ ہوا،2000 میں بھارتی صدر بل کلنٹن کے دورے کے دوران بھی بھارتی ایجنسیوں نے قاتلانہ ڈرامہ رچایا تھا،اس دوران بھی 35 سکھوں کا قتل عام کرکے پاکستان کے خلاف پروپیگنڈا کیا گیا تھا ،پہلگام فالس فلیک آپریشن امریکی نائب صدر نے ڈی ونس کے دورہ بھارت کے دوران رچایا گیا جو بھارتی منصوبہ بندی تھی ،مودی نے ریاستی دہشت گردی کے زریعے تحریک آزادی کشمیر کے خلاف امریکی خارجہ پالیسی کو متاثر کرنے کی کوشش کی ،مودی حکومت نے تحریک آزادی کشمیر کو دہشت گردی کا لیبل لگا کر بدنام کرنے کی کوشش کی ،ہندوتوا حکومت کینیڈا ، امریکہ ، برطانیہ اور پاکستان میں دہشت گردی میں ملوث ہے ،پہلگام واقعہ کے تمام تر ثبوت و شواہد بھارتی حکومت کے خلاف جاتے ہیں ،پاکستان نہ پہلگام واقعے میں ملوث ہے اور نہ ہی پہلگام واقعے کا بینیفشری ہے۔.ذریعہ: UrduPoint
کلیدی لفظ: تلاش کیجئے کے خلاف
پڑھیں:
آزادی صحافت کا عالمی دن: صدر، وزیراعظم کا جانیں قربان کرنے والے صحافیوں کو خراج عقیدت
عالمی یوم آزادی صحافت کے موقع پر صدر مملکت آصف علی زرداری اور وزیراعظم شہباز شریف نے فرائض کی انجام دہی کے دوران اپنی جانیں گنوا دینے والے صحافیوں کو خراج عقیدت پیش کیا ہے۔
صدر مملکت آصف زرداری نے اپنے بیان دستور پاکستان کے آرٹیکل 19 کا حوالہ دیتے ہوئے کہاکہ یہ آزادی اظہار اور آزاد صحافت کی ضمانت دیتا ہے۔ انہوں نے زور دیا کہ میڈیا مکالمے کو فروغ دینے اور سماجی، اقتصادی اور ماحولیاتی مسائل کو اُجاگر کرنے کے لیے ناگزیر ہے۔ اُن کا کہنا تھا کہ بدعنوانی کو بے نقاب کرنے اور پسماندہ طبقات کے لیے آواز بلند کرنے میں میڈیا کا ایک اہم کردار ہے۔
یہ بھی پڑھیں فلسطینی صحافیوں نے غزہ کوریج پر یونیسکو کا آزادی صحافت کا عالمی ایوارڈ جیت لیا
صدر مملکت نے کہاکہ اُن کی حکومت نے صحافیوں کے تحفظ اور فلاح و بہبود کے لیے بہت سے اقدامات کیے ہیں، تاہم انہوں نے اس بات پر زور دیا کہ صحافیوں کو محفوظ اور سازگار ماحول فراہم کرنے کے لیے مزید اقدامات کی ضرورت ہے۔ انہوں نے کہا کہ ایسا ماحول وقت کی ضرورت ہے جہاں صحافی خوف و ہراس کے بغیر اپنے فرائض سرانجام دے سکیں۔
آصف علی زرداری نے میڈیا پر زور دیا کہ وہ اعلیٰ صحافتی معیار، خبروں میں درستگی اور پیشہ ورانہ مہارت کو برقرار رکھے۔ انہوں نے کہا کہ جعلی خبروں، غلط معلومات اور سنسنی کے ماحول میں میڈیا کی ذمہ داری اور بھی بڑھ گئی ہے۔
صدر مملکت نے شہریوں کے حقوق، ذمہ داریوں اور سماجی و اقتصادی مسائل کے بارے میں آگاہی پیدا کرنے میں میڈیا کے اہم کردار کو سراہا۔ انہوں نے جمہوری عمل میں عوام کی شرکت کی حوصلہ افزائی کے لیے بھی میڈیا کے کردار کو اہم قرار دیا۔ اُن کا کہنا تھا کہ پریس کو عوام اور سرکاری اداروں کے درمیان پل کا کردار ادا کرنا چاہیے اور بے آواز لوگوں کی آواز بننا چاہیے۔
صدر مملکت نے آزادی صحافت کو جمہوریت کا ایک لازمی عنصر قرار دیتے ہوئے آزادی صحافت کے تحفظ اور فروغ کے اپنے عزم کی تجدید کی۔ انہوں نے امید ظاہر کی کہ حکومت آزادی صحافت، صحافیوں کے تحفظ، وقار اور آزادی کے لیے کام جاری رکھے گی اور پاکستانی میڈیا قومی اور عالمی اہمیت کے مسائل پر آگاہی فراہم کرنے میں اپنا اہم کردار ادا کرتا رہے گا۔
وزیراعظم شہباز شریف نے اپنے بیان میں کہاکہ دنیا کو حقائق فراہم کرنے کی جدوجہد میں صحافیوں کی قربانیاں تاریخ کا سنہری باب ہیں۔ انہوں نے اطلاعات کی آزادانہ ترسیل اور حقائق کو عوام تک پہنچانے میں صحافیوں کے اہم کردار کو سراہا۔
شہباز شریف نے جدید دور میں میڈیا کو درپیش چیلنجز کا بھی ذکر کیا، جس میں جھوٹ، فیک نیوز اور پروپیگنڈا شامل ہیں۔ انہوں نے زور دیا کہ میڈیا کو اِن منفی اثرات سے محفوظ رکھنا ضروری ہے۔
اپنے پیغام میں وزیر اعظم نے غزہ اور غیر قانونی طور پر بھارت کے زیر تسلط جموں و کشمیر میں صحافیوں پر ہونے والے مظالم کی شدید مذمت کی۔ انہوں نے انٹرنیشنل فیڈریشن آف جرنلسٹس کے اعداد و شمار کا حوالہ دیتے ہوئے بتایا کہ غزہ میں اسرائیلی جارحیت کے نتیجے میں بڑی تعداد میں صحافی شہید ہوئے ہیں۔
انہوں نے قومی مفادات کے حوالے سے پاکستانی میڈیا کے ذمہ دارانہ کردار کی تعریف کی اور حالیہ بھارتی آبی جارحیت کے معاملے پر میڈیا کے بروقت اور درست رپورٹنگ کو سراہا۔ انہوں نے امید ظاہر کی کہ پاکستانی میڈیا مستقبل میں بھی قومی اور عوامی مفادات کے تحفظ کے لیے اپنا کردار ادا کرتا رہے گا۔
وزیر اعظم نے آئین پاکستان میں رائے اور اظہار کی آزادی کی ضمانت کا اعادہ کیا اور کہا کہ حکومت صحافت کو آئین اور جمہوریت کی روح سمجھتی ہے۔ انہوں نے صحافیوں کے حقوق کے تحفظ اور ایک سازگار ماحول کی فراہمی کے لیے حکومت کے عزم کا اظہار کیا۔ انہوں نے مزید کہا کہ حکومت صحافیوں کے جائز مسائل کے حل کے لیے بھی کوشاں ہے۔
یہ بھی پڑھیں صحافی کو 16 سال قید کی سزا سنا دی گئی
وزیر اعظم نے عالمی یوم آزادی صحافت پر تمام میڈیا ورکرز کو یقین دلایا کہ حکومت ان کی بہتری کے لیے ہر ممکن کوشش کرےگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئین پاکستان آزادی صحافت خراج عقیدت صحافی صدر مملکت وزیراعظم وی نیوز
پاک بھارت کشیدہ صورتحال، وزیر داخلہ کا سول ڈیفنس مکمل فعال کرنے کا اعلان