پہلگام ڈرامہ، بھارت کی سفارتی ناکامی
اشاعت کی تاریخ: 4th, May 2025 GMT
پہلگام دہشت گرد حملے میں پاکستان کو ملوث کرنے کی ناکام سازش نے مودی سرکار کے مسلم دشمن عزائم مزید بے نقاب کر دئیے ہیں۔ مغربی دنیا سے پینگیں بڑھانے کے بعد بھارت اس زعم میں مبتلا تھا کہ اپنی اقتصادی ترقی اور گہرے تجارتی تعلقات کی قوت استعمال کر کے وہ پاکستان کو کونے سے لگا دے گا۔ لیکن بھارتی توقعات کے برعکس معاملات کچھ اور رخ اختیار کر گئے۔ جس بھونڈے طریقے سے پہلگام میں سیاحوں کے قتل کے بعد پاکستان کے خلاف بے بنیاد پروپیگنڈہ کیا گیا اس نے عالمی برادری کی آنکھیں کھول دی ہیں ۔ بھارت کو توقع تھی کہ اس کے دوست ممالک فوری طور پر پاکستان کو دہشت گردی کا مرتکب قرار دے دیں گے ۔ اس زہریلی خواہش کی تکمیل نہ ہو سکی۔ امریکہ ، برطانیہ فرانس، جاپان اور یورپی یونین کی جانب سے بھارت کے موقف کی تائید سامنے نہیں آئی۔ان تمام ممالک نے اگرچہ دہشت گردی کی مذمت تو کی تاہم کسی بھی ملک نے آنکھیں بند کر کے پاکستان کو دہشت گردی کا مرتکب قرار دینے کے بجائے دونوں ممالک کو پرامن طریقے سے شفاف تحقیقات کی بنیاد پر دہشت گردی کے معاملے کو سلجھانے کا مشورہ دیا۔ اس سفارتی ناکامی پر مودی سرکار تلملا اٹھی ہے۔
بھارتی معاشرے میں موجود سنجیدہ طبقات کی جانب سے پہلگام ڈرامے کی سازش پر سوالات اٹھائے گئے ہیں۔ عالمی برادری میں خاطر خواہ پذیرائی نہ ملنے کے باعث مودی سرکار تنقید کی زد میں ہے۔ پاکستان نے ریاستی سطح پر مشترکہ شفاف تحقیقات کی پیشکش کر کے مودی سرکار کو مزید مصیبت میں مبتلا کر دیا ہے۔ بھارت کبھی بھی مشترکہ شفاف تحقیقات کے لیے رضامندی ظاہر نہیں کرے گا۔ سفارتی محاذ پر ناکامی کے ساتھ ساتھ پہلگام ڈرامہ بھارت کے مسلم دشمن عزائم کو بھی بے نقاب کر رہا ہے۔ پاکستان پر اچھالا گیا کیچڑ بھارت کے چہرے کو ہی داغدار کر رہا ہے۔ یہ حقیقت دنیا پر زیادہ واضح ہوتی جا رہی ہے کہ بر صغیر میں بد امنی کی ایک بڑی وجہ جموں کشمیر پر بھارت کا غیر قانونی اور ناجائز قبضہ ہے۔ انسانی حقوق کی پامالی اور حق رائے دہی کو چھین کر غاصب بھارت نے کشمیر میں بد امنی کے بیج بوئے ہیں۔
مودی سرکار کی مسلم دشمنی کے مزید ثبوت دنیا کے سامنے بے نقاب ہوئے ہیں ۔پہلگام فالس فلیگ آپریشن کے بعد بھارتی میڈیا پر جاری نفرت انگیز مہم کے نتیجے میں پورے ہندوستان میں مسلمانوں پر زمین تنگ کر دی گئی ہے۔ جنونی ہندو مسلمانوں پر حملے کر رہے ہیں مساجد اور وقف املاک کو سرکاری بندوبست کے تحت ضبط کیا جا رہا ہے ۔حالات اس قدر بگڑ چکے ہیں کہ جنونی ہندوں نے گزشتہ دنوں ایک نہتی مسلمان خاتون پر وحشی کتے چھوڑ دئیے ۔بھارتی میڈیا کے غیر ذمہ دارانہ رویے اور جنگی جنون نے پورے بھارتی معاشرے کی اخلاقیات کو تباہ کر دیا ہے۔ بھارت کے غیر ذمہ دارانہ رویے کی وجہ سے خطے میں نیوکلیائی تصادم کے خطرات بڑھتے چلے جا رہے ہیں۔ یہ حقیقت بھی روز روشن کی طرح ہے عیاں ہوتی جا رہی ہے کہ بھارت پاکستان کے وجود کو دل سے تسلیم نہیں کرتا۔ پاکستان کو چوٹ پہنچانے اور عدم استحکام کا شکار کرنے کے لئے بھارت نے لسانی اور مذہبی جنونی دہشت گرد گروہوں کی سرپرستی کا سلسلہ جاری رکھا ہوا ہے۔ بلوچستان اور صوبہ سرحد میں اٹھنے والی دہشت گردی کی لہر کا سرپرست اور معاون دراصل بھارت ہی ہے۔ اس بحرانی کیفیت میں پاکستانی ریاست نے نہایت سنجیدہ اور بردبار حکمت عملی اپنائی ہے۔
عسکری قیادت کے جرات مندانہ اور دو ٹوک موقف کے باعث بھارت کے ایوانوں میں کھلبلی مچ گئی ہے۔ سپہ سالار کے دلیرانہ بیانات کے بعد بھارت کی سیاسی اور عسکری قیادت پہ سکتہ طاری ہے ۔صاف دکھائی دے رہا ہے کہ اپنی سفارتی ناکامی کو چھپانے کے لئے بھارت پاکستان کے خلاف فوجی مہم جوئی کے منصوبوں پر عمل کرنے سے پہلے ہزار مرتبہ سوچے گا۔ تاہم یہ امکان رد نہیں کیا جا سکتا کہ مودی جیسے جنونی کسی بھی وقت سیاسی فائدہ حاصل کرنے کے لیے کوئی احمقانہ اقدام اٹھا کر پورے خطے کے امن کو تہ و بالا کر سکتے ہیں۔
ذریعہ: Daily Ausaf
کلیدی لفظ: مودی سرکار پاکستان کو بھارت کے رہا ہے کے بعد
پڑھیں:
پہلگام واقعے پر پاکستان کی سفارتی کامیابی اور بھارت کی سفارتی ہزیمت، وجوہات کیا ہیں؟
پہلگام واقعے پر دنیا اور سفارتی ماہرین، پاکستان کو سفارتی محاذ پر کامیاب قرار دے رہے ہیں جبکہ بھارت اِس بار سفارتی محاذ پر برے طریقے سے ناکام ہوا ہے۔
اقوام متحدہ سلامتی کونسل میں پہلگام واقعے پر جو قرارداد سامنے آئی اُس میں اِس واقعے کو جموں و کشمیر کے تناظر میں دیکھا گیا، نہ کہ ایک بھارتی علاقے کے طور پر، یہ بھارت کی ایک بہت بڑی ناکامی تھی۔ پاکستان کی جانب سے یہ مؤقف کہ وہ روس اور چین کی شمولیت کے ساتھ اِس معاملے کی غیر جانبدارانہ تحقیقات کے لیے تیار ہے، اس مؤقف نے بین الاقوامی طور پر پاکستان کے مؤقف کو مزید تقویت دی۔
بھارت جو اکثر معاملات پر دنیا بھر میں اپنے مؤقف کی حمایت حاصل کرنے میں کامیاب رہتا ہے، اِس بار ناکام کیوں ہوا؟ جب بھارت کے اپنے سنجیدہ تجزیہ نگار بھی بھارت کو سفارتی محاذ پر ناکام قرار دے رہے ہیں، ایسے میں بھارت کی اِس سفارتی ناکامی کی وجوہات کیا ہیں؟ لیکن ان سوالات کے جوابات تلاش کرنے سے پہلے ہم دیکھیں گے کہ دنیا کے معروف سفارتی تجزیہ نگار بھارت کی سفارتی جارحیت کی ناکامی کو کیسے دیکھتے ہیں۔
یہ بھی پڑھیے پہلگام حملے کی تحقیقات کے لیے اقوام متحدہ کا کمیشن تشکیل دیا جائے، پاکستان کی پیشکش
خارجہ اُمور کے معروف پاکستانی تجزیہ کار سابق وفاقی وزیر مشاہد حسین سید نے گزشتہ روز ایکس پر اپنے ٹوئٹر پیغام میں لکھا کہ ’بھارت کے لیے سفارتی مایوسی؛ بھارت کی جانب سے کشمیر میں خودساختہ مسئلے پر دنیا کی 3 بڑی طاقتوں امریکا، روس اور چین نے ایک جیسی حکمتِ عملی اپناتے ہوئے پاکستان کے خلاف بھارت کے بیانیے کو ماننے سے انکار کرتے ہوئے صورت حال کو پُرامن بنانے پر زور دیا ہے۔ اور اِس کے علاوہ نیویارک ٹائمز اور بلومبرگ کا کہنا ہے کہ بھارت پہلگام واقعے کو پاکستان سے جوڑنے کے لیے کوئی شواہد پیش نہیں کر سکا۔
Diplomatic Disappointment for India: The 3 Major Global Powers: China, United States of America & Russia have adopted a similar position on India’s contrived Kashmir crisis, refusing to accept Indian false narrative against Pakistan & urging calming situation+ New York Times &…
— Mushahid Hussain Sayed (@Mushahid) May 1, 2025
ولسن سنٹر کے ڈائریکٹر برائے جنوبی ایشیا مائیکل کوگلمین کا کہنا ہے کہ ’بھارت کی جانب سے بغیر ثبوت پاکستان پر الزام تراشی نے بھارت کے اسٹریٹجک اتحادی امریکا کو ہچکچاہٹ کا شکار کر دیا۔ امریکا کی جانب سے غیر جانبدارانہ مؤقف اور دہشتگردی کی بجائے مسئلہ کشمیر پر زور دینا، بھارت کے لیے ایک سفارتی دھچکا ہے ‘۔
افغانستان میں بھارت کے سابق سفیر وویک کاٹجو نے ایک ٹی وی مذاکرے میں کہا کہ ’بھارت کی جانب سے سندھ طاس معاہدے کا معطل کیا جانا ایک بڑا اور واضح اشارہ ہے لیکن بین الاقوامی حمایت کے بغیر اس بات کا خطرہ ہے کہ یہ صرف ایک علامتی اشارہ ہی رہے گا۔‘
بھارت میں پاکستان کے سابق سفیر عبد الباسط نے ایک ٹی وی مذاکرے میں کہا ’ بھارت کی سفارتی جارحیت میں وہ طاقت نہیں کہ اس الزام کو پاکستان پر تھوپ سکے۔ سفیروں کی ملک بدری اور بارڈرز کی بندش ایسے اقدامات ہیں جن کی توقع کی جا سکتی ہے لیکن عالمی اتفاقِ رائے کے بغیر ان اقدامات کے کچھ بھی نتائج نہیں نکل سکتے‘۔
بھارت کے سابق اہلکار اور ماہر اُمور کشمیر راھا کمار نے کہا ’پاکستان پر الزام عائد کرنا آسان لیکن پہلگام میں ہماری انٹیلی جنس ناکامی سے کوئی انکار نہیں کر سکتا۔ اس حملے پر سیاست کرنے کی جلد بازی نے بیرونی دنیا میں بھارت کی ساکھ کو متاثر کیا ہے جہاں بحث مباحثے کی بجائے شواہد کی اہمیت ہے‘۔
یہ بھی پڑھیے پاکستان اور بھارت کشیدگی کا ذمہ دارانہ حل نکالیں، امریکا کا مطالبہ
جارج ٹاؤن یونیورسٹی امریکا میں سکیورٹی امور کی پروفیسر کرسٹین فیئر نے ایک امریکی تِھنک ٹینک مقالے میں کہا کہ کینیڈا اور امریکا غیر عدالتی قتل واقعات میں بھارتی ریاست کا کردار سامنے آنے کے بعد بھارت کا پاکستان کے خلاف مقدمہ کمزور ہو گیا ہے۔ اِس تناظر کی وجہ سے مغربی دنیا پہلگام واقعے پر نئی دہلی کے مؤقف کی مکمل حمایت کرنے سے قاصر ہے‘۔
چائنہ انسٹیٹوٹ آف کونٹیمپوریری انٹرنیشل ریلیشنز (چینی ادارہ برائے معاصر بین الاقوامی تعلقات) کے چینی تجزیہ نگار وانگ شیدا نے دی پرنٹ انڈیا میں لکھا ہے کہ بھارت کی جانب سے فوجی کارروائی کی بجائے سفارتی اقدامات اُس کے محتاط روّیے کو ظاہر کرتے ہیں لیکن بھارت کو نہ ملنے والی بین الاقوامی حمایت نے اُس کے کمزوریوں کو عیاں کر دیا ہے۔ پاکستان کے مؤقف کو حمایت ملی ہے اور بھارت کا مؤقف کمزور ہوا ہے‘۔
22 اپریل کے بعد پاکستان کی سفارتی کوششیںگزشتہ روز وزیراعظم شہباز شریف اور امریکی وزیرخارجہ مارکو روبیو کے درمیان ٹیلی فونک گفتگو ہوئی جس میں پہلگام واقعے کے بعد پیدا ہونے والی صورتحال پر غور کیا گیا۔ امریکی دفتر خارجہ ترجمان ٹیمی بروس کے مطابق مارکو روبیو نے شہباز شریف سے پہلگام واقعے کی مذمت پر زور دیا۔
22 اپریل پہلگام واقعے پر پاکستانی دفترِ خارجہ نے فوراً اِس حادثے میں جاں بحق اور زخمی ہونے والوں کی صحتیابی کے لیے دعا کی۔ 24 اپریل کو سیکرٹری خارجہ آمنہ بلوچ نے اسلام آباد میں مقیم غیر ملکی سفیروں سے ملاقات کی۔ اُنہیں پاکستان کی قومی سلامتی کمیٹی اجلاس میں کیے جانے والے فیصلوں سے آگاہ کیا اور بھارت کی جانب سے جھوٹی خبریں پھیلائے جانے کی مہم کو مسترد کیا۔ اس کے بعد 25 اپریل کو اُنہوں نے ایک بار پھر سفیروں کو پاکستانی مؤقف سے آگاہ کرتے ہوئے بھارت کی جانب سے بے بنیاد الزامات کو مسترد کیا۔
پاکستان کے نائب وزیرِاعظم وزیرخارجہ اسحاق ڈار اب تک 18 ملکوں کے وزرائے خارجہ سے بذریعہ ٹیلی فون بات چیت کر کے پہگام واقعے پر تبادلہ خیال کر چُکے ہیں۔
پاکستانی وزیر خارجہ پہلگام واقعے کے تناظر میں اب تک سعودی وزیر خارجہ فرحان بن فیصل، ایرانی وزیرِ خارجہ آغا عباس عراقچی، آذربائیجان کے وزیرخارجہ جیہون بیراموف، مصری وزیرخارجہ بدر محمد عبد العاطی، ترکئے کے وزیرخارجہ حاکان فیدان، چینی وزیرِخارجہ وانگ یی، برطانوی خارجہ سیکرٹری ڈیوڈ لیمی، قطری وزیرِاعظم و وزیرخارجہ محمد شیخ محمد بن عبدالرحمان الثانی، متحدہ عرب امارات کے نائب وزیراعظم و وزیرخارجہ شیخ عبداللہ بن زائد النہیان، ہنگری کے وزیرخارجہ و وزیرتجارت پیتر سیارتو، کویت کے وزیر خارجہ عبداللہ علی الیحیٰی، بحرین کے وزیرِ خارجہ ڈاکٹر عبداللطیف بن راشد الزیانی، عمانی وزیر خارجہ سید بدر بن حمد بن حمود البوسیدی، جنوبی کوریا کے وزیرخارجہ چو تائی یُل، صومالی وزیر خارجہ عبدالسلام عبدی علی، سلووینیا کے وزیر خارجہ تانجا فیجون، پانامہ کے وزیر خارجہ ہاوئیر ایدواردو مارتینز اور ڈنمارک کے وزیرخارجہ لارس لوکے راسموسن سے ٹیلی فونک گفتگو کرکے اُنہیں پاکستانی مؤقف سے آگاہ کر چُکے ہیں۔ اِس کے علاوہ اُنہوں نے 26 اپریل کو چینی سفیر جیانگ زائی ڈونگ، برطانوی ہائی کمشنر جین میریٹ اور 30 اپریل کو امریکی ناظم الاُمور نیٹلی بیکر سے اِسلام آباد میں ملاقات کی۔
بھارت کی سفارتی ناکامی کے اسباببھارت نے بغیر ثبوت پاکستان پر الزام عائد کر دیا جس کو دنیا اور بین الاقوامی میڈیا میں سنجیدہ نہیں لیا گیا اور خاص طور پر اِس وجہ سے بھی کہ ماضی میں بھارت اس طرح کے غیر سنجیدہ الزامات لگاتا چلا آیا ہے۔
بین الاقوامی میڈیا میں بھی اِس واقعے کو نظرانداز کیا گیا حتٰی کہ بھارت کی مشہور صحافی برکھا دت نے ایک ٹویٹ میں لکھا کہ میں اس وقت نیویارک میں ہوں اور ٹی وی اسکرینوں پر کہیں یہ واقعہ دکھائی نہیں دیتا، جی کرتا ہے کہ ٹی وی توڑ دوں۔
مزید پڑھیے پہلگام واقعہ:سابق گورنر مقبوضہ کشمیر نے مودی سے جوابدہی کا مطالبہ کر دیا
بھارت کا بیانیہ اِس لیے بھی ناکام ہوا کہ اُس کے اپنے حکام جیسا کہ سابق را چیف امرجیت سنگھ اور دیگر فوجی حکام نے اُسے سکیورٹی ناکامی قرار دیا۔
بھارت کی جانب سے ایک بین الاقوامی سندھ طاس معاہدے کی معطلی اور سفیروں کی بے دخلی نے اُس کی جانب سے اُٹھائے گئے اقدامات کو مزید بے اثر کر دیا۔
تحقیقات کے بغیر الزام تراشی نے بھارت کا مقدمہ خراب کیا: ایمبیسیڈر وحید احمدپاکستان کے سابق سفارتکار ایمبیسیڈر وحید احمد نے وی نیوز سے خصوصی گفتگو کرتے ہوئے کہا کہ اس طرح کے واقعات میں روایت یہ ہوتی ہے کہ کسی بھی مُلک کا دفتر خارجہ دوسرے مُلکوں کے سفیروں کو بریفنگ دیتا ہے۔ بھارت نے یہ کیا کہ واقعے کے 5 منٹ کے اندر ہی پاکستان کو مورد الزام ٹھیرانا شروع کر دیا جسے کوئی مُلک تسلیم نہیں کر سکتا۔ کسی بھی واقعے کی باقاعدہ تحقیقات ہوتی ہیں اور پھر اُن تحقیقات کے بعد کوئی الزام عائد کیا جاتا ہے۔ دنیا کے ممالک کسی بھی معاملے پر رائے دینے کے لیے اپنے سفراء کی رائے پر اعتبار کرتے ہیں۔ بھارت میں جو سفراء کو بریفنگ دی گئی اُس میں کوئی خاص چیز سامنے نہیں آ سکی اور پاکستانی دفتر خارجہ نے بھارت کی جانب سے اسی روّیے پر یہاں متعیّن سفراء کو بریفنگ دی۔ بھارت میں اُن کا میڈیا جنگی جنون پیدا کر رہا ہے۔
پاکستان کی سفارتکاری بہت کامیاب رہی؛ علی سرور نقویسینٹر فار انٹرنیشنل اسٹریٹجک سٹڈیز کے ایگزیکٹو ڈائریکٹر سابق سفارتکار علی سرور نقوی نے وی نیوز کے ساتھ گفتگو کرتے ہوئے کہا کہ پاکستان کی سفارتکاری بہت کامیاب رہی۔ ہمارے مؤقف کی درستگی کو دنیا بھر میں تسلیم کیا گیا اور بھارت پاکستان پر الزام عائد کرنے میں ناکام رہا۔ بھارت کی جانب سے کی جانے والی کوششیں ناکام ہو گئیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلوچستان کا رہائشی چنئی میں دوران علاج چل بسا، بقایات جات نہ ملنے پر لاش پاکستان لانے سے روک دی گئی