کراچی: تاجر کے اغوا اور بھتہ خوری کا واقعہ، ایس ایچ اوجمشید کوارٹر معطل، انکوائری کا حکم
اشاعت کی تاریخ: 4th, May 2025 GMT
جمشید کوارٹر پولیس اور پرائیوٹ افراد کی تاجر کی شارٹ ٹرم کڈنیپنگ اوربھتہ خوری کی واردات کا واقعہ، ایس ایس پی ایسٹ نے ایس ایچ اوجمشید کوارٹرکو معطل کرکے انکوائری کا حکم دے دیا
رپورٹ کے مطابق جمشید کوارٹر پولیس اور پرائیوٹ افراد کی تاجر کی شارٹ ٹرم کڈنیپنگ اور بھتہ خوری کی واردات کا واقعہ ایس ایس پی ایسٹ ڈاکٹر فرخ رضا نے ایس ایچ او جمشید کوارٹر اشرف جوگی کو معطل کرکے انکوائری کا حکم دے دیا۔
ایڈیشنل آئی جی کراچی جاوید عالم اوڈھو کی جنب سے واقعہ کا نوٹس لیا گیا ہے، ایس ایس پی ایسٹ سابق ایس ایچ او جمشید کوارٹراشرف جوگی سے تحقیقات کریں گے۔
ذرائع کے مطابق اے ایس آئی رضوان، کانسٹیبل عمر شیخ، فیضان عرف فیضی، عادل پٹھان اورخلیل نے تاجر عبدالغفار کے اے ٹی ایم سے رقم نکلوائی اور 18 موبائل فون چھین لیے گئے تھے۔
واردات کے دوران تاجر سے چھینے گئے 18 موبائل فونز کہاں گئے، تحقیقات شروع کردی گئی۔
ذرائع کے مطابق 29 اپریل کو گرومندر پر موبائل فون مارکیٹ کے تاجر عبد الغفار کو جمشید کوارٹر پولیس اوراسپیشل پارٹی نے حراست میں لیا، تاجر عبد الغفارکواغوا کرکے 1 لاکھ 50 ہزارروپے تاوان طلب کیا اور18 موبائل فونزاورقیمتی گھڑی چھین لی۔
سابق ایس ایچ اوجمشید کوارٹر اشرف جوگی نے کمزور مقدمہ بناکر اہلکاروں کو بچانے کی کوشش کی۔
سابق ایس ایچ او نے تاجر کا 154 کا بیان بھی بدلا اورمرضی کا مقدمہ کیا، ملزم فیضان عرف فیضی کا کریمنل ریکارڈ بھی سامنے آگیا۔۔
گرفتار ملزم اس سے قبل بھی پولیس اورقانون نافذ کرنے والے اداروں کے ہاتھوں گرفتارہوچکا ہےواقعہ کی تحقیقات کی جارہی ہیں۔
.
ذریعہ
ذریعہ: Express News
کلیدی لفظ: جمشید کوارٹر پولیس اور ایس ایچ
پڑھیں:
کراچی میں شہریوں کی رہنمائی کیلیے روڈ سیفٹی آفیسر یونٹ قائم کرنے کرنا کا فیصلہ
ٹریفک پولیس کی جانب سے شہریوں کے لیے ’’روڈ سیفٹی آفیسر یونٹ‘‘ کے قیام کا فیصلہ کیا گیا ہے۔
تفصیلات کے مطابق ٹریفک پولیس نے شہریوں کو بہتر سہولیات کی فراہمی، روڈ سیفٹی کے فروغ اور عوام دوست پولیسنگ کے وژن کو مزید مؤثر بنانے کے لیے "روڈ سیفٹی آفیسر یونٹ" قائم کرنے کا فیصلہ کیا ہے۔
روڈ سیفٹی آفیسرز شہر کی اہم اور مصروف شاہراہوں بشمول شاہراہ فیصل ، ماڑی پور روڈ ، کورنگی روڈ اور شاہراہ لیاقت پر تعینات کیے جائیں گے جہاں وہ ٹریفک کی روانی کو بہتر بنانے، شہریوں کو متبادل راستوں اور سفری سہولیات سے متعلق معلومات فراہم کرنے اور بروقت مدد کے فرائض انجام دیں گے۔
ترجمان کے مطابق یونٹ کے قیام سے شہریوں کو محفوظ سفری ماحول میں رہنمائی ملے گی ، یہ یونٹ شہریوں اور ٹریفک پولیس کے درمیان رابطے کو مضبوط بنانے کے ساتھ ساتھ دوران سفر پیش آنے والی مشکلات کے فوری حل اور مؤثر رہنمائی میں اہم کردار ادا کریگا۔
یونٹ کا مقصد ٹریفک قوانین ، روڈ سیفٹی اقدامات اور ذمہ دارانہ طرز ڈرائیونگ کے حوالے سے عوامی شعور اجاگر اور اس میں مزید اضافہ کرنا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ