مشہور سیریز اسکوئڈ گیم کے تیسرے سیزن کا ٹیزر کب ریلیز ہوگا؟
اشاعت کی تاریخ: 5th, May 2025 GMT
نیٹ فلیکس کی مشہور سیریزاسکوئڈ گیم کے تیسرے سیزن کا پہلا ٹیزر 6 مئی کو ریلیز کیا جائے گا۔
یہ اعلان نیٹ فلیکس کے سوشل میڈیا پلیٹ فارمز کے ذریعے کیا گیا، جس نے مداحوں میں سیریز کے آخری سیزن کے لیے جوش و خروش کو مزید بڑھا دیا ہے۔ اس سیریز کا مکمل ٹریلر رواں ماہ کے آخر میں متوقع ہے۔
اسکوئڈ گیم سیزن 3 عالمی سطح پر 27 جون کو ریلیز ہوگا اور اسے کہانی کا حتمی باب قرار دیا جا رہا ہے۔ اس سیزن میں لی جونگ جے، وی ہا جون، لی بیونگ ہن، ام سی وان اور کانگ ہا نیول جیسے پہلے کے معروف کردار واپس آئیں گے۔
View this post on InstagramA post shared by Netflix Korea | 넷플릭스 코리아 (@netflixkr)
اس مشہور زمانہ سیریز کا دوسرا سیزن ایک سنسنی خیز موڑ پر ختم ہوا تھا، اور نیا سیزن وہیں سے کہانی کو آگے بڑھائے گا، جہاں دل دہلا دینے والے کھیلوں، دھوکہ دہی اور کشمکش کے ساتھ خطرات مزید بڑھ چکے ہوں گے۔
نیٹ فلیکس نے نئی سیریز کے پلاٹ کی تفصیلات خفیہ رکھی ہیں کیونکہ سیزن 3 کے ساتھ اصل کہانی مکمل ہو رہی ہے۔ اسکوئڈ گیم کے اس آخری سیزن کی ریلیز کا مداحوں کو بےصبری سے اتنظار ہے۔
.ذریعہ: Express News
پڑھیں:
بھارت کا بنگلا دیش کا دورہ منسوخ ہونے کا امکان، وجہ کیا بنی؟
بھارت کرکٹ ٹیم کا اگست 2025 میں بنگلا دیش کا دورہ ممکنہ طور پر منسوخ ہو سکتا ہے۔ دورے میں 3 ایک روزہ (ODI) اور 3 ٹی20 (T20I) میچز شامل تھے، لیکن بھارت، پاکستان اور بنگلا دیش کے مابین بڑھتی ہوئی علاقائی کشیدگی کے باعث یہ سیریز خطرے میں پڑ گئی ہے۔
بھارتی کرکٹ بورڈ (BCCI) نے گزشتہ ماہ سوشل میڈیا پر دورے کا ابتدائی شیڈول جاری کیا تھا، جس کے مطابق 4 میچز ڈھاکا کے شیر بنگلہ نیشنل اسٹیڈیم میں ہونا تھے، جبکہ 2 میچز چٹاگام مطیع الرحمٰن اسٹیڈیم میں کھیلے جانے تھے۔
بھارتی میڈیا کے مطابق دورہ فی الحال کیلنڈر کا حصہ ہے، لیکن حتمی فیصلہ نہیں ہوا۔ موجودہ جیو پولیٹیکل صورتحال کے پیش نظر قوی امکان ہے کہ بھارت یہ دورہ نہ کرے۔
مزید پڑھیں: پاکستان کی بنگلا دیش کے خلاف ٹیسٹ سیریز، صاحبزادہ فرحان کپتان ہوں گے
ادھر بنگلا دیش کی ٹیم 17 اور 19 مئی کو متحدہ عرب امارات کے خلاف 2 ٹی20 میچز کھیلے گی، جو شارجہ میں ہوں گے۔ اس کے بعد ٹیم 21 مئی کو پاکستان پہنچے گی اور 25 مئی سے 3 جون تک 5 ٹی20 میچز پر مشتمل سیریز کھیلے گی۔
پاک بنگلا دیش سیریز کے پہلے 2 میچز فیصل آباد کے اقبال اسٹیڈیم میں 25 اور 27 مئی کو ہوں گے کہ جبکہ دیگر میچز لاہور میں ہوں گے۔ بعد ازاں ٹیم سری لنکا کا دورہ کرے گی، جہاں 2 ٹیسٹ، 3 ون ڈے اور 2 ٹی20 میچز شیڈول ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلا دیش بھارت پاکستان ٹی20 سیریز سری لنکا
پہلگام واقعہ: چین نے پاکستان کی بھرپور حمایت کا اعلان کر دیا