کسانوں سے سستے داموں گندم کی خریداری کے باوجود آٹے کی قیمت میں یکدم بڑا اضافہ
اشاعت کی تاریخ: 5th, May 2025 GMT
لاہور (اُردو پوائنٹ اخبارتازہ ترین۔ 05 مئی2025ء) کسانوں سے سستے داموں گندم کی خریداری کے باوجود آٹے کی قیمت میں یکدم بڑا اضافہ ، پنجاب کی فلور ملز کی جانب سے گندم کے 20 کلو تھیلے کی قیمت میں 100 روپے اضافے کا اعلان کر دیا گیا۔ تفصیلات کے مطابق فلور ملوں نے 20 کلو آٹے کے تھیلے کی ایکس مل قیمت میں 100 روپے کا اضافہ کر دیا ہے جس سے اس کی قیمت 1100 روپے سے بڑھ کر 1200 روپے ہو گئی ۔
اسی طرح پرچون سطح پربھی 20 کلو آٹے کے تھیلے کی قیمت میں 100 روپے اضافہ ہو گیا ہے اور اس کی قیمت 1250 روپے سے بڑھ کر 1350 روپے ہو گئی ہے ۔فلور مل مالکان کے مطابق 20 کلو آٹے کے تھیلے کی قیمت میں اضافہ اوپن مارکیٹ میں گندم مہنگی ہونے پر کیا گیا ہے ۔اوپن مارکیٹ میں ایک من گندم کی قیمت میں 200 روپے کا اضافہ ہوا ہے اور اس کی قیمت 2200 روپے سے بڑھ کر2400 روپے ہو گئی ہے۔(جاری ہے)
واضح رہے کہ آٹے کی قیمت میں ایک ایسے وقت میں اضافہ کیا گیا ہے جب پنجاب کے کسانوں سے انتہائی سستے داموں گندم خرید کر کسانوں کا بے تحاشہ نقصان کیا جا چکا۔ اس حوالے سے سابق وزیر اعظم شاہد خاقان عباسی نے اپنے ایک بیان میں کہا کہ گندم کی لاگت 3 ہزار روپے ہے لیکن کسان کو 2100 روپے میں گندم بیچنے پر مجبور کیا جا رہا ہے، کسان کی تباہی ملکی تباہی کے مترادف ہے، اگر کسان ہی پریشان ہو گا تو سب متاثر ہوں گے۔ جبکہ اس حوالے سے لاہور ہائیکورٹ میں ہوئی ایک سماعت کے دوران ریمارکس دیے گئے کہ حکومت جتنے بھی ٹریکٹر دے دیں اگلے سال کسان گندم نہیں اگائے گا، 1 من گندم پر 2 ہزار سے یا 2500 سے کم خرچ ممکن ہی نہیں ہے، کسانوں کو مڈل مین کے رحم و کرم پر چھوڑنے کے نتائج بہت سنگین ہوں گے۔.
ذریعہ: UrduPoint
کلیدی لفظ: تلاش کیجئے کی قیمت میں گندم کی
پڑھیں:
بجلی کی قیمت میں ایک روپے 75 پیسے فی یونٹ کمی کی منظوری
اسلام آباد(ڈیلی پاکستان آن لائن) نیپرا نے بجلی کی قیمت میں ایک روپے 75 پیسے فی یونٹ کمی کی منظوری دیدی۔
نجی ٹی وی چینل ایکسپریس نیوز کے مطابق اتھارٹی نے سی پی پی اے کی سہہ ماہی ایڈجسٹمنٹ کی مد میں درخواست پر سماعت مکمل کر لی، نیپرا اتھارٹی ڈیٹا کا مزید جائزہ لینے کے بعد فیصلہ جاری کرے گی
مالی سال2024،25 کی چوتھی سہ ماہی کیلئے بجلی سستی کرنے کی وجوہات کا جائزہ لیا گیا، بجلی کی قیمتوں میں کمی سے صارفین کو 53 ارب 39 کروڑ روپے سے زائد ریلیف کا ملے گا ۔
سہ ماہی ایڈجسٹمنٹ کا اطلاق کے الیکٹرک سمیت سرکاری ڈسکوز پر بھی ہوگا، اتھارٹی کو بتایا گیا کہ سرکلر ڈیٹ 780 ارب روپے کم ہو گیا ہے۔
کوئٹہ سے پشاور جانے والی جعفر ایکسپریس ٹرین پر حملے کی خبریں ، ترجمان ریلویز کی وضاحت آ گئی
حکام نے کہا کہ سرکلر ڈیٹ 2300 ارب روپے کم ہو کر 1600 ارب روپے رہ گیا ہے، بجلی تقسیم کار کمپنیوں کی کارکردگی بہتر ہونے سے 200 ارب روپے سرکلر ڈیٹ کم ہوا، نیلم جہلم ہائیڈرو پاور پلانٹ بند ہونے سے 18 ارب روپے کا فرق آیا ہے۔
حکام کے مطابق ٹرانسمشن اینڈ ڈسٹری بیوشن لاسز میں بھی کمی ہوئی ہے، تمام ڈسکوز کی بجلی کی کھپت میں اوسطا 31 فیصد اضافہ ہوا ہے، صرف کوئٹہ الیکٹرک سپلائی کمپنی کی بجلی کی فروخت کم ہوئی ہے۔
اتھارٹی نے بجلی کی صنعتی گروتھ میں اضافے کے سوال اٹھائے، ڈسکوز کا کوئی بھی سی ای او اتھارٹی کو تسلی بخش جواب نہیں دے سکا۔
کل سے 10اگست تک شدید بارشوں کا امکان ، سیلاب کی وارننگ،نیشنل ایمرجنسی آپریشن سینٹر کی رپورٹ جاری
حکام نے کہا کہ حکومت ڈائریکٹ سبسڈی اور کراس سبسڈی میں اصلاحات پر کام کر رہی ہے، بنکوں سے 1275 ارب روپے کا قرضہ لے کر واپسی کیلئے کوئی الگ سرچارج نہیں لگے گا، اوور بلنگ کے معاملہ پر بجلی تقسیم کار کمپنیوں کیخلاف انکوائری وزیر اعظم کو بھجوا دی ہے۔
حکام کے مطابق لیسکو کے متعدد افسران کے خلاف ایکشن لیا گیا ہے، الیکٹریسٹی ڈیوٹی ختم کرنے کا معاملہ صوبوں کے ساتھ بات چیت چل رہی ہے۔
پاور ڈویژن حکام نے کہا کہ دو صوبوں نے ابھی تک جواب نہیں دیا۔
مزید :
پاکستان نے انٹرنیشنل بائیولوجی اولمپيڈ میں گولڈ میڈل جیت لیا