بھارت نے دریائے چناب میں اچانک پانی چھوڑ دیا،سیلابی صورتحال کا خدشہ
اشاعت کی تاریخ: 6th, May 2025 GMT
ویب ڈیسک: بھارت کی جانب سے 24 گھنٹے پانی کی بندش کے بعد اچانک دریائے چناب میں پانی چھوڑ دیا گیا جس کے باعث ہیڈ مرالہ کے مقام پر دریا کی سطح میں تیزی سے اضافہ دیکھنے میں آیا ہے۔
محکمہ آبپاشی کے مطابق بھارت کی طرف سے پانی کا یہ غیر متوقع اخراج خطرناک صورتحال پیدا کر سکتا ہے۔ چند گھنٹے قبل خشک نظر آنے والا دریائے چناب اب 28 ہزار کیوسک تک پانی سے بھر چکا ہے، جبکہ آج رات پانی کی سطح مزید بلند ہونے کا امکان ظاہر کیا جا رہا ہے۔ مقامی انتظامیہ کو ہائی الرٹ کر دیا گیا ہے اور ہنگامی اقدامات کی ہدایت جاری کی گئی ہیں۔
اسٹیٹ بینک نے شرح سود میں ایک فیصد کمی کردی
ماہرین کا کہنا ہے کہ بھارت کی جانب سے اس طرح کے اقدامات سندھ طاس معاہدے کی خلاف ورزی کے مترادف ہیں اور اس سے پاکستان کے لیے سیلابی خطرات بڑھ سکتے ہیں۔ انڈس ریور سسٹم اتھارٹی (ارسا) نے بھی دریائے چناب کی صورتحال پر کڑی نظر رکھنے اور پانی کے بہاؤ کے ڈیٹا کو مسلسل مانیٹر کرنے کا فیصلہ کیا ہے تاکہ ممکنہ خطرات سے بروقت نمٹا جا سکے۔
علاوہ ازیں، بھارت کی جانب سے چناب میں پانی روکنے اور چھوڑنے کے اس کھیل کا نقصان مقبوضہ کشمیر کے عوام کو بھی برداشت کرنا پڑ رہا ہے۔ بھارتی حکام نے الرٹ جاری کیا ہے کہ اکھنور کے عوام دریائے چناب کے قریب سے علاقہ خالی کر دیں کیونکہ پانی ایک بار پھر خطرناک حد تک تیز ہو سکتا ہے۔
یہ اپریل ہسٹری کا گرم ترین اپریل کیوں تھا
یاد رہے کہ گزشتہ روز پانی کی سطح کم ہونے کے باعث مقامی لوگ اکھنور میں پیدل دریا عبور کرتے دکھائی دیے تھے۔
.ذریعہ: City 42
کلیدی لفظ: دریائے چناب بھارت کی
پڑھیں:
ایران اسرائیل کشیدگی، پاک ایران سرحد بند، ایندھن اور غذائی قلت کا خدشہ
ایران اور اسرائیل کے درمیان بڑھتی کشیدگی کے پیش نظر حکومت نے پاک ایران سرحد پر آمد و رفت تا حکمِ ثانی معطل کر دی تھی۔
حکومتی حکم کے مطابق سرحدی بندش کے سبب گوادر، کیچ، پنجگور اور تفتان سمیت دیگر سرحدی علاقوں میں پیدل آمد و رفت سمیت تجارتی سرگرمیاں بھی معطل کر دی گئی تھیں۔
یہ بھی پڑھیں:بلوچستان کے کاروبار کا کتنا انحصار ایرانی اشیاء پر ہے؟
تاہم ڈپٹی کمشنر پنجگور کی جانب سے جاری کردہ اعلامیے کے مطابق پاک ایران سرحد پر دو پوسٹس، جیک اور چیدگی، کو کھول دیا گیا ہے۔
ادھر پاک ایران سرحد کی بندش کے باعث سرحدی علاقوں میں ایندھن کی شدید کمی اور غذائی قلت پیدا ہونے لگی ہے۔
وی نیوز سے بات کرتے ہوئے پنجگور کے رہائشی برکت مری نے بتایا کہ انتظامیہ کی جانب سے سرحد کو 2 مختلف مقامات پر کھولنے کے احکامات تو جاری کیے گئے ہیں، لیکن جب کچھ گاڑی مالکان سرحد پر پہنچے تو انہیں سرحد عبور کرنے کی اجازت نہیں دی گئی۔
برکت مری کے مطابق سرحد کی بندش سے پنجگور میں ایندھن کی شدید قلت کا سامنا ہے۔
انہوں نے بتایا کہ اگرچہ پنجگور میں اشیائے خورونوش بلوچستان کے دیگر علاقوں سے بھی آتی ہیں، لیکن پیٹرول نہ ملنے کے باعث کرایوں میں ہوش ربا اضافہ ہو چکا ہے۔
دکانداروں نے ضروری اشیاء کی قیمتوں میں بھی اضافہ کر دیا ہے، جس کی وجہ سے مہنگائی میں 20 سے 30 فیصد تک اضافہ ہو چکا ہے۔ پیٹرول کی عدم دستیابی کے باعث کاروباری سرگرمیاں بھی جزوی طور پر معطل ہو گئی ہیں۔
یہ بھی پڑھیں:کوئٹہ میں پیٹرول نایاب، شہریوں کی پمپس پر لمبی قطاریں
دوسری جانب تربت کے شہری ماجد صمد نے وی نیوز سے بات کرتے ہوئے بتایا کہ ایران اور پاکستان کے درمیان سرحد کی بندش کے باعث نہ صرف پیٹرول کی قلت کا سامنا ہے، بلکہ غذائی اشیا کی کمی بھی شدت اختیار کر گئی ہے۔
ان کا کہنا ہے کہ شہر میں دستیاب کھانے پینے کی اشیاء کے دام آسمان سے باتیں کر رہے ہیں جبکہ مہنگائی میں 40 فیصد تک اضافہ ہو چکا ہے۔ ایران سے آنے والی مختلف اشیا جن میں آٹا، گھی، خوردنی تیل، ٹماٹر، بیکری آئٹمز اور دیگر اشیائے خورونوش شامل ہیں، ناپید ہوتی جا رہی ہیں۔
ماجد کے مطابق تربت میں 80 فیصد خوراک ایران سے آتی ہے، اس لیے علاقے میں شدید غذائی قلت کا خدشہ ہے۔
ماجد صمد نے مزید بتایا کہ ایرانی سرحد کی بندش سے علاقے میں بے روزگاری بھی بڑھ گئی ہے۔ یہاں کے بیشتر نوجوان سرحد پار مزدوری کے لیے جاتے ہیں، جبکہ روزگار کا بڑا ذریعہ بھی سرحدی تجارت ہی ہے، جو اب بند ہو چکی ہے۔ نتیجتاً نوجوان بے روزگار ہو چکے ہیں۔
گوادر کے شہری بہرام بلوچ نے وی نیوز سے بات کرتے ہوئے بتایا کہ گوادر میں تاحال غذائی قلت کا سامنا نہیں، تاہم پیٹرول کی عدم دستیابی کے باعث کرایوں میں ہوش ربا اضافہ ہوا ہے، جس کے اثرات دکانداروں نے اشیائے خورونوش کی قیمتوں میں اضافے کی صورت میں منتقل کیے ہیں۔
ادھر تفتان سمیت دیگر سرحدی علاقوں میں بھی صورتحال یکساں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایران اسرائیل تصادم ایرانی اشیا بلوچستان پاک ایران بارڈر کوئٹہ
ٹیسٹ چیمپئین شپ فائنل؛ اسمتھ کی صورت میں آسٹریلیا کو بڑا دھچکا