کیا عید قربان کے موقع پر بلوچستان میں مویشی نہیں ملیں گے؟
اشاعت کی تاریخ: 6th, May 2025 GMT
اہل ایمان کے دوسرے سب سے بڑے مذہبی تہوار عید الاضحیٰ کی آمد آمد ہے جس کے لیے دنیا بھر میں تیاریوں کا سلسلہ شروع ہوگیا ہے۔ بات کی جائے اگر پاکستان کی تو ملک کے مختلف علاقوں میں مویشی منڈیوں کے قیام کا سلسلہ شروع ہو گیا ہے جہاں بکرے، دنبے، بیل اور اونٹوں کو مویشی منڈیوں میں لایا جارہا ہے۔
عید قربان میں ایک ماہ کا وقت رہ گیا ہے۔ ایسے میں بلوچستان کے مختلف علاقوں سے مویشیوں کو صوبائی دارالحکومت کوئٹہ لایا جارہا ہے۔ بیوپاریوں کے مطابق کوئٹہ میں غیر سرکاری طور پر لگائی جانے والی مویشی منڈیوں میں سبی کے علاقے بھاگ ناڑی اور سندھ سے بیل، ساہیوال اور جنوبی پنجاب کے مختلف علاقوں سے دیسی بکرے جبکہ پہاڑی بکرے اور دنبوں کی مختلف اقسام افغانستان سے کوئٹہ لائی جاتی ہیں جس سے کوئٹہ میں عید قربان کے لیے مویشی پورے کیے جاتے ہیں۔ دراصل کوئٹہ لائے جانے والے جانوروں کا 40 سے 50 فیصد حصہ افغانستان سے آتا ہے۔
ایسے میں یہاں سوال یہ پیدا ہوتا ہے کہ کیا اس بار افغانستان سے کوئٹہ مویشی لائے جائیں گے یا نہیں؟
وی نیوز نے ڈپٹی کمشنر چمن حبیب احمد بنگلزئی سے بارہا رابطہ کرنے کی کوشش کی لیکن ان سے بات کرنے میں کامیابی نہ ہوسکی۔ تاہم چمن کے مقامی شخص ستار خوندائی نے وی نیوز کو بتایا کہ چمن سرحد سے تا حال کسی قسم کے مویشی نہیں لائے جا رہے ہیں کیونکہ سرحد بند ہے۔ اس کے برعکس جانور بڑی تعداد میں سمگل ضرور ہو رہے ہیں جو بلوچستان کے مختلف اضلاع میں پہنچائے جا رہے ہیں۔ قانونی طور پر تاحال مویشیوں کو پاکستان لانے کی اجازت نہیں دی جا رہی ہے۔
دوسری جانب سیکرٹری لائیو اسٹاک طیب لہڑی نے وی نیوز سے گفتگو کرتے ہوئے بتایا کہ افغانستان سے مال مویشی لائے جانے سے متعلق تاحال کچھ کہہ نہیں سکتے۔ البتہ صورتحال یہ ہے کہ محکمہ لائیو اسٹاک کی جانب سے مقامی بیوپاریوں کو سہولت فراہم کی گئی تھی جس سے کوئٹہ میں مال مویشیوں کی بڑی کمی کا سامنا نہیں ہوگا، تاہم مویشیوں کی کمی کا اثر قیمتوں پر ضرور پڑ سکتا ہے۔
دوسری جانب عید قربان سے 10 روز قبل محکمہ لائیو اسٹاک اپنی مویشی منڈیاں بھی قائم کرے گا جس سے مویشیوں کی کمی پوری ہو جائے گی۔
وی نیوز سے بات کرتے ہوئے مقامی بیوپاری وقاص خان نے بتایا کہ کوئٹہ میں لگائی جانے والی مویشی منڈیوں میں 40 سے 50 فیصد پہاڑی بکرے اور دنبے افغانستان سے لائے جاتے ہیں تاہم اس بار مال مویشی نہ ہونے کے برابر افغانستان سے آرہے ہیں جس کی وجہ سے اب تک کوئٹہ کی مقامی مویشی منڈیاں سونی پڑی ہیں۔
’اگر صورتحال یہی رہی تو عید قربان پر مویشیوں کی قلت کا بڑا سامنا کرنا پڑ سکتا ہے اور یوں منڈیوں میں موجود جانوروں کی قیمتیں بھی 30 سے 40 گنا بڑھ سکتی ہیں۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: افغانستان سے منڈیوں میں مویشیوں کی کوئٹہ میں کے مختلف سے کوئٹہ
پڑھیں:
وزیراعظم شہباز شریف، فیلڈ مارشل عاصم منیر آج کوئٹہ کا دورہ کریں گے
اسلام آباد:وزیراعظم شہبازشریف، فیلڈ مارشل عاصم منیر اور وفاقی وزرا آج کوئٹہ کا ایک روزہ دورہ کریں گے۔
وزیراعظم شہباز شریف کے دورہ کوئٹہ پر ان کے ہمراہ فیلڈ مارشل عاصم منیر اور وفاقی وزرا بھی کوئٹہ میں جرگے میں شرکت کریں گے، جرگے میں گورنر بلوچستان جعفر خان مندوخیل، وزیراعلیٰ بلوچستان سرفراز بگٹی اور صوبائی وزرا کو بھی مدعو کیا گیا۔
کوئٹہ میں ہونے والے جرگے میں اراکین اسمبلی، قبائلی اور سیاسی عمائدین کو بھی مدعو کیا گیا ہے، جرگے میں بلوچستان کی امن وامان سمیت مجموعی صورت حال پر تبادلہ خیال کیا جائے گا۔
کوئٹہ میں ہونے والے جرگے میں صوبے کے عمائدین کو مختلف امور پر اعتماد میں لیا جائے گا۔
آئی ایم ایف کیساتھ بجٹ اہداف پر اتفاق رائے نہ ہو سکا، مذاکرات جاری رکھنے کا اعلان