قوم کا دہشتگردی کے خلاف عزم غیر متزلزل ہے: حمزہ شہباز
اشاعت کی تاریخ: 7th, May 2025 GMT
بلوچستان کے علاقے مچھ میں سیکیورٹی فورسز پر حملے کے نتیجے میں 7 جوانوں کی شہادت پر سابق وزیراعلی پنجاب حمزہ شہباز شریف نے کہا ہے کہ بزدل دشمن اور اس کے آلہ کاروں کی کارروائیوں سے اس قوم کے حوصلوں کا کچھ نہیں بگاڑا جا سکتا۔ قوم کا دہشتگردی کے خلاف عزم غیر متزلزل ہے۔
ان کا کہنا تھا کہ اس وطن کی حفاظت کے لئے پاکستان کی بہادر افواج کی عظیم قربانیوں کو خراج عقیدت پیش کرتے ہیں۔بہادر سپوتوں نے وطن عزیز کے امن کی خاطر اپنی جانیں قربان کیں۔
حمزہ شہباز نے کہا کہ قوم کا دہشتگردی کے خلاف عزم غیر متزلزل ہے۔شہدا کے خاندانوں سے تعزیت اور ان کے صبر جمیل کے لئے دعاگو ہیں۔
.ذریعہ: Express News
پڑھیں:
پنجاب اسمبلی: دہشتگردی سے متاثرہ شہریوں کی امداد بڑھانے کیلیے ترمیمی بل پیش
data-id="863a0a8" data-element_type="widget" data-widget_type="theme-post-content.default">
پنجاب اسمبلی میں دہشتگردی سے متاثرہ شہریوں کی امداد بڑھانے کے لیے ترمیمی بل 2025 پیش کیا گیا ہے۔
اس بل کے مطابق شہید شہریوں کے لواحقین کی امدادی رقم 10 لاکھ سے بڑھا کر 25 لاکھ روپے کرنے کی تجویز دی گئی ہے، جبکہ زخمی ہونے والے شہریوں کے لیے امداد 5 لاکھ سے بڑھا کر 10 لاکھ روپے مقرر کرنے کی تجویز سامنے آئی ہے۔
بل کے متن میں واضح کیا گیا ہے کہ بڑھتی ہوئی مہنگائی اور اخراجات کے پیش نظر یہ اضافہ ناگزیر ہوچکا ہے اور اس قانون کو فوری طور پر نافذالعمل کیا جانا چاہیے۔ یہ بل رکن اسمبلی ایاز احمد نے پیش کیا جس کے بعد اسپیکر پنجاب اسمبلی نے مزید غور کے لیے اسے قائمہ کمیٹی کے سپرد کردیا۔
یہ ترمیم دہشتگردی سے متاثرہ شہریوں اور ان کے خاندانوں کو زیادہ بہتر مالی معاونت فراہم کرنے کی ایک اہم پیش رفت سمجھی جا رہی ہے۔
‘اجے دیوگن میری اداکاری اور انداز کی نقل کرتے ہیں،’ سینیئر اداکار توقیر ناصر کا بڑا انکشاف