بھارتی جارحیت: لاہور سمیت پنجاب بھر میں پولیس کو ہائی الرٹ کر دیا گیا
اشاعت کی تاریخ: 7th, May 2025 GMT
سٹی42: بھارتی جارحیت کے پیش نظر پنجاب بھر میں سیکیورٹی سخت کر دی گئی ہے۔ لاہور سمیت تمام شہروں میں حساس مقامات پر نگرانی میں اضافہ کر دیا گیا ہے جبکہ بارڈر ایریاز میں بھی سیکیورٹی فورسز کو الرٹ کر دیا گیا ہے۔
ڈی آئی جی آپریشنز فیصل کامران کے مطابق سرحدی علاقوں میں دیہات کے افراد رضاکارانہ طور پر پاک فوج کی مدد کے لیے میدان میں نکل آئے ہیں جو قومی جذبے کی عکاسی کرتا ہے۔ انہوں نے کہا کہ بھارت کے بزدلانہ حملے پر شہریوں کا جذبہ قابلِ فخر ہے اور قوم کا مطالبہ تھا کہ دشمن کو منہ توڑ جواب دیا جائے۔
میچ کے دوران بولر دل کا دورہ پڑنے سے انتقال کرگیا
فیصل کامران نے مزید کہا کہ پاک فوج نے بروقت اور بھرپور کارروائی کرتے ہوئے دشمن کو مؤثر جواب دیا ہے اور سیکیورٹی ادارے ہر ممکن خطرے سے نمٹنے کے لیے مکمل تیار ہیں۔
حکام کے مطابق،پولیس کی تمام نفری کو الرٹ کر دیا گیا ہے اور لاہور سمیت تمام بڑے شہروں میں اہم تنصیبات کی سیکیورٹی مزید سخت کر دی گئی ہے۔
.ذریعہ: City 42
کلیدی لفظ: سٹی42 کر دیا گیا
پڑھیں:
ڈاکٹر عبدالقدیر قوم کے محسن، انہیں خراج عقیدت پیش کرتے ہیں، علامہ مقصود ڈومکی
اپنے بیان میں علامہ مقصود ڈومکی نے کہا کہ ہم جنگ سے نفرت اور امن و اخوت کے علمبردار ہیں، مگر جب دشمن جارحیت پر آمادہ ہو تو اسکا منہ توڑ جواب دینا ایک زندہ، غیرت مند اور خوددار قوم کی نشانی ہے۔ اسلام ٹائمز۔ مجلس وحدت مسلمین پاکستان کے مرکزی رہنما مقصود علی ڈومکی نے یوم تکبیر کے موقع پر اپنے پیغام میں کہا ہے کہ ڈاکٹر عبدالقدیر خان مرحوم نے اپنی طویل جدوجہد اور علمی صلاحیتوں کے ذریعے پاکستان کو ایٹمی قوت بنایا، جس سے ملک کو دشمن کے مکروہ عزائم سے محفوظ رکھنے میں مدد ملی۔ زندہ قومیں ہمیشہ اپنے محسنوں کی قدر کرتی ہیں، اور ڈاکٹر عبدالقدیر خان بلاشبہ پاکستانی قوم کے محسن اور ہیرو ہیں جن کی خدمات کو ہم خراج تحسین پیش کرتے ہیں۔ انہوں نے کہا کہ مشرف کے آمرانہ دور میں ڈاکٹر عبدالقدیر خان کی توہین اور ان کی بے قدری ہماری قومی تاریخ پر ایک بدنما داغ ہے، جس کی مذمت ضروری ہے۔ علامہ مقصود علی ڈومکی نے کہا کہ بھارت اور مودی سرکار کی جنگی جنونیت اور جارحیت کا مقابلہ کرنے کے لئے پاکستان کا دفاع مضبوط اور مستحکم ہونا ناگزیر ہے۔ ہم جنگ سے نفرت کرتے ہیں اور امن و اخوت کے علمبردار ہیں، مگر جب دشمن جارحیت پر آمادہ ہو تو اس کا منہ توڑ جواب دینا ایک زندہ، غیرت مند اور خوددار قوم کی نشانی ہے۔ الحمدللہ، پاکستان نے بھارتی جارحیت کا مقابلہ کرکے اپنے دفاع کی صلاحیت کو منوایا ہے، جس پر ہم اللہ تعالیٰ کا شکر ادا کرتے ہیں۔
انہوں نے کہا کہ مہذب دنیا کو چاہئے کہ ایٹمی ہتھیاروں اور انسانیت کو تباہ کرنے والے مہلک اسلحے کے پھیلاؤ کے بجائے دنیا میں امن، استحکام اور اخوت کے قیام کے لیے جدوجہد کرے۔ اصولی طور پر ہم ایٹمی ہتھیاروں کے حامی نہیں، مگر جب دشمن خود ایسے مہلک ہتھیار رکھتا ہو تو ملکی دفاع کے لیے اس ٹیکنالوجی کا حصول ناگزیر بن جاتا ہے۔ علامہ ڈومکی نے کہا کہ امریکہ کی جانب سے ہیروشیما اور ناگاساکی پر ایٹم بم کے استعمال نے لاکھوں معصوم انسانوں کو خاک و خون میں نہلا دیا، جو انسانی تاریخ کا سیاہ باب ہے۔ آج بھی امریکہ اور اسرائیل، فلسطین اور غزہ کے مظلوم مسلمانوں پر ظلم و ستم کی نئی داستانیں رقم کر رہے ہیں، جس پر پوری انسانیت سراپا احتجاج ہے۔ انہوں نے عالمی برادری سے مطالبہ کیا کہ وہ اسرائیل کو ایک ناجائز ریاست تسلیم کرنے کے ساتھ ساتھ "سمندر سے نہر تک" مکمل آزاد فلسطین کا اعلان کرے اور مقبوضہ فلسطینی علاقوں کو فلسطینی عوام کے منتخب نمائندوں کے حوالے کرے، تاکہ ایک آزاد، باوقار اور خودمختار فلسطینی ریاست کا قیام ممکن ہو سکے۔
”لگتاہے آپ چرس پی کر آئے ہیں؟ چیئرمین پی ٹی اے کاایمل ولی پرطنز