عامر ڈوگر پر مبینہ پولیس تشدد کا معاملہ، 2ایس ایچ اوز اور اے ایس آئی معطل
اشاعت کی تاریخ: 7th, May 2025 GMT
عامر ڈوگر پر مبینہ پولیس تشدد کا معاملہ، 2ایس ایچ اوز اور اے ایس آئی معطل WhatsAppFacebookTwitter 0 7 May, 2025 سب نیوز
راولپنڈی (سب نیوز)پاکستان تحریک انصاف کے چیف وہپ عامر ڈوگر پر اڈیالہ جیل راولپنڈی کے باہر مبینہ پولیس تشدد کے معاملے پر 2 ایس ایچ اوز اور ایک اے ایس آئی کو معطل کردیا گیا جبکہ پولیس افسران کو سی پی او راولپنڈی نے آر پی او کی ہدایت پر معطل کیا۔
واضح رہے کہ گزشتہ روز پولیس کی جانب سے پی ٹی آئی کے رکن قومی اسمبلی عامر ڈوگر پر اڈیالہ جیل کے قریب مبینہ طور پر تشدد کیا تھا۔ جس کے بعد عامر ڈوگر نے الزام عائد کیا تھا کہ پولیس نے ان کے کپڑے پھاڑ دیے اور ان پر تشدد کیا۔اس معاملے کا نوٹس لیتے ہوئے ریجنل پولیس آفیسر (آر پی او) راولپنڈی کی ہدایت پر سٹی پولیس آفیسر نے راولپنڈی پولیس کے 2 ایس ایچ اوز اور ایک اے ایس آئی کو معطل کردیا۔
نوٹیفکیشن کے مطابق معطل معطل ہونے والے ایس ایچ اوز میں سب انسپکٹر طیب بیگ، سب انسپکٹر سلیم قریشی اور اے ایس آئی ماجد شامل ہیں جبکہ معطل پولیس افسران سے فوری طور پر عہدوں کا چارج بھی واپس لے لیا گیا ہے۔معطل پولیس افسران کو کلوز لائن کرکے ان کے خلاف انکوائری کا آغاز کرتے ہوئے ڈی پی او جہلم انکوائری آفیسر مقرر کر دیے گئے ہیں۔
سب انسپکٹر طیب بیگ کو گزشتہ شب تھانہ چکری سے تبدیل کرکے ایس ایچ او نیو ٹان تعینات کیا گیا تھا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبروزارت خارجہ میں غیرملکی سفیروں کا اجلاس، بھارتی جارحیت پر بریفنگ وزارت خارجہ میں غیرملکی سفیروں کا اجلاس، بھارتی جارحیت پر بریفنگ لیفٹیننٹ کرنل ظہیرعباس طوری کے صاحبزادے کی نماز جنازہ ادا کر دی گئی، آئی ایس پی آر پنجاب میں تمام اسکول کالجز کل معمول کے مطابق کھلے رہیں گے، ترجمان پنجاب حکومت بھارتی کارروائی کے بعد پاکستان میں ایکس کو بحال کردیا گیا چیئرمین سی ڈی اے محمد علی رندھاوا سے صدر پنجاب بینک ظفر مسعود کی وفد کے ہمراہ ملاقات بھارتی فوج نے بٹل سیکٹر کی مزید2پوسٹوں پر گھٹنے ٹیک دیے، سفید جھنڈا لہرا دیاCopyright © 2025, All Rights Reserved
رابطہ کریں ہمارے بارے ہماری ٹیم.ذریعہ: Daily Sub News
کلیدی لفظ: عامر ڈوگر پر ایچ اوز اور اے ایس آئی
پڑھیں:
نوشہرہ ورکاں: پرانی دشمنی پر بھتیجے سمیت 6 افراد قتل، ملزم، ساتھی مبینہ مقابلے میں ہلاک
لاہور؍ نوشہرہ ورکاں؍ تتلے عالی (نامہ نگار+ نمائندہ نوائے وقت+ نامہ نگار) چچا نے بھتیجے سمیت 6 افراد کو قتل کر دیا۔ پولیس مقابلے میں ملازم خود بھی ساتھی سمیت ہلاک، قاتل کی فائرنگ سے ایس ایچ او تتلے عالی زخمی، نوشہرہ ورکاں کے نواحی گاؤں اڑتالی ورکاں میں خوفناک خاندانی سانحہ پیش آیا، جہاں آئس کے نشے میں دھت شخص عمران شیر ورک گزشتہ روز علی الصبح گوجرانوالہ شیخوپورہ روڈ پر واقع اپنے بھتیجوں کے ملکیتی پٹرول پمپ پر پہنچا، جہاں اس کا بھتیجا عثمان سرفراز ورک اپنے بھائی سفیان ورک اور تین گن مینوں کے ہمراہ موجود تھا۔ عمران شیر نے دروازہ کھٹکھٹایا جیسے ہی عثمان نے دروازہ کھولا تو ملزم نے اندھا دھند فائرنگ کر دی، جس کے نتیجے میں عثمان ورک موقع پر ہی جاں بحق ہو گیا۔ ملزم نے بھاگنے کی کوشش کرنے والے دو گن مین، وقاص جمیل اور عمر حمید کو بھی فائرنگ کر کے قتل کر دیا جبکہ تیسرا گن مین سلمان بھنڈر بعد ازاں ڈی ایچ کیو ہسپتال میں زخموں کی تاب نہ لاتے ہوئے دم توڑ گیا جبکہ دوسرے بھتیجے سفیان سرفراز ورک نے پٹرول پمپ کے عقبی دروازہ سے بھاگ کر جان بچائی۔ قاتل نے پٹرول پمپ سے روانگی کے بعد اڑتالی ورکاں گاؤں میں داخل ہو کر ایک اور شخص عمران ارائیں کو گھر سے بلا کر قتل کیا اور کھیتوں میں کام کرتے افضل ولد خوشی کو بھی نشانہ بنا کر قتل کر دیا۔ پولیس نے ملزم کی تلاش شروع کی تو تتلے عالی کے علاقے میں عمران شیر ورک سے آمنا سامنا ہو گیا۔ گرفتاری کی کوشش کے دوران عمران نے پولیس پر فائرنگ کر دی جس سے ایس ایچ او صفدر عطاء بھٹی ٹانگوں میں گولیاں لگنے سے زخمی ہو گئے۔ پولیس کی جوابی کارروائی میں عمران شیر موقع پر ہی ہلاک ہو گیا، جبکہ اس کا ساتھی فقیر حسین ساکن قاضی کوٹ شدید زخمی ہوا جو ہسپتال میں دم توڑ گیا۔ مقتولین کی نعشیں پوسٹ مارٹم کے لیے ٹی ایچ کیو ہسپتال منتقل کر دی گئیں۔ سی پی او گوجرانوالہ رانا ایاز سلیم نے زخمی ایس ایچ او کی عیادت کی اور پولیس پارٹی کی بہادری کو سراہا۔ چھ افراد کے سفاکانہ قتل سے گاؤں اڑتالی ورکاں میں ہر طرف کہرام برپا ہو گیا، چھ خاندانوں کے چراغ گل ہو گئے جبکہ شدید فائرنگ سے ہر طرف خوف وہراس طاری رہا۔ سی پی او رانا ایاز سلیم کے مطابق ملزم عمران شیر ورک آئس کا عادی تھا، مزید تفتیش جاری ہے۔ تحصیل بار ایسوسی ایشن نے سردار خان ورک سے اظہار یکجہتی کرتے ہوئے مکمل ہڑتال کی۔ دریں اثناء انسپکٹر جنرل پولیس پنجاب ڈاکٹر عثمان انور نے گوجرانوالہ کے تھانہ تتلے عالی کے علاقے اڑتالی ورکاں میں پرانی دشمنی پر جاں بحق ہونے پر آر پی او گوجرانوالہ سے رپورٹ طلب کی۔ آئی جی پنجاب ڈاکٹر عثمان انور نے سی پی او گوجرانوالہ کو فائرنگ میں ملوث ملزموں کی، جلد گرفتاری کیلئے احکامات جاری کیے۔ جس کے بعد سی پی او گوجرانوالہ نے ملزموں کی گرفتاری کے لئے ٹیمیں تشکیل دیں۔
بھارتی ماہرین نے بھی مودی سرکار کے پاکستان مخالف پروپیگنڈے کی قلعی کھول دی