بھارت کو سمجھ جانا چاہیے کہ فالس آپریشن کا اسے جواب مل رہا ہے، حافظ نعیم الرحمان
اشاعت کی تاریخ: 10th, May 2025 GMT
امیر جماعت اسلامی پاکستان کا اپنے خصوصی ویڈیو پیغام میں کہنا ہے کہ حکومت کی ذمہ داری ہے بھارتی جھوٹ کو دنیا کے اربوں لوگوں تک پہنچائے، وزراء دانشوری چھوڑ کر پاکستان کا پیغام بیرونی ممالک تک پہنچائیں، بھارت جارحانہ کاروائیوں سے باز نہ آیا تو ہماری طرف سے کوئی گارنٹی نہیں۔ اسلام ٹائمز۔ امیر جماعت اسلامی پاکستان حافظ نعیم الرحمان نے بھارتی جارحیت کیخلاف پاکستان کی جوابی کاروائی پر خصوصی ویڈیو پیغام جاری کر دیا ہے۔ حافظ نعیم الرحمان نے اپنے ویڈیو پیغام میں کہا ہے کہ ’’نصر من اللہ و فتح قریب، ہماری افواج نے بھارت پر کاری ضرب لگائی ہے، پوری قوم جس آپریشن کا انتظار کر رہی تھی، اس کا آغاز ہو گیا ہے۔ حافظ نعیم الرحمن نے کہا کہ بھارتی میزائل جہاں گرتا ہے وہاں لوگ جمع ہو جاتے ہیں، یہ ہے پاکستان، ابھی پاکستان کا میزائل چلتا بھی نہیں، انڈیا میں افراتفری پیدا ہو جاتی ہے، یہ ہے ہندوستان۔
حافظ نعیم الرحمن نے کہا کہ بھارت کو سمجھ آجانی چاہیے کہ فالس آپریشن کا اسے جواب مل رہا ہے، بھارت نے ہماری مسجدوں، بچوں، سویلین کو ٹارگٹ کیا، ہماری افواج نے عورتوں، بچوں، سویلین پر نہیں بھارتی ملٹری تنصیبات پر حملہ کیا ہے۔ امیر جماعت اسلامی نے کہا کہ افواج پاکستان نے میچورٹی اور ذمہ داری کا مظاہرہ کیا، حکومت سے کہتا ہوں اب ڈپلومیٹک محاذ پر کام کرنے کی ضرورت ہے، حکومت کو سفارتی محاذ پر کام کرنا ہے اور قوم کو بھی متحد کرنا ہے۔ حافظ نعیم الرحمن نے کہا کہ حکومت کی ذمہ داری ہے بھارتی جھوٹ کو دنیا کے اربوں لوگوں تک پہنچائے، وزراء دانشوری چھوڑ کر پاکستان کا پیغام بیرونی ممالک تک پہنچائیں، بھارت جارحانہ کاروائیوں سے باز نہ آیا تو ہماری طرف سے کوئی گارنٹی نہیں۔
ذریعہ: Islam Times
کلیدی لفظ: پاکستان کا حافظ نعیم نے کہا کہ
پڑھیں:
وزیراعظم کا حافظ نعیم کو فون، بھارت پر جوابی حملے کی تفصیلات سے آگاہ کیا
لاہور:وزیر اعظم شہباز شریف نے ہفتہ کی صبح امیر جماعت اسلامی حافظ نعیم الرحمٰن کو فون کرکے بھارت کو دیے جانے والے جواب کی تفصیلات سے آگاہ کیا۔
جماعت اسلامی کی جانب سے جاری اعلامیہ کے مطابق اس موقع پر حافظ نعیم کا کہنا تھا کہ جماعت اسلامی ہندوستان کو ٹھوس جواب دینے پر مبارک باد پیش کرتی ہے۔
انہوں نے کہا کہ سفارت کاری پر مزید توجہ دی جائے، دنیا کو صورت حال اور اپنے موقف سے آگاہ کیا جائے، تمام اختلافات ختم پوری قوم یک جان ہے۔
حافظ نعیم الرحمن نے مزید کہ کہ جماعت اسلامی حکومت اور فوج کی پشت پر ہے اور پوری قوم جذبے سے سرشار ہے۔
پاکستان نے بھارت سے ہر قسم کی اشیا کی درآمد پر پابندی لگا دی، نوٹیفکیشن جاری