بنیان مرصوص‘‘ نے پوری دنیا میں پاک فوج کی دھاک بٹھا دی، حمزہ شہباز’’
اشاعت کی تاریخ: 11th, May 2025 GMT
لاہور:
سابق وزیر اعلیٰ پنجاب حمزہ شہباز شریف نے کہا ہے کہ آپریشن بنیان مرصوص نے پوری دنیا میں پاک فوج کی دھاک بٹھا دی ہے۔
حمزہ شہباز نے پاک بھارت جنگ بندی پر بیان دیتے ہوئے کہا کہ پاکستان کی عظیم کامیابی پر خدائے بزرگ و برتر کے حضور سجدہ شکر بجا لاتے ہیں۔
انہوں نے کہا کہ آپریشن بنیان مرصوص نے پاکستانی مسلح افواج کی پوری دنیا میں دھاک بٹھا دی، اس جنگ میں پاکستانی فوج کی قابلیت اور فضائیہ کی پیشہ ورانہ مہارت کی پوری دنیا میں مثالیں دی جا رہی ہیں۔
حمزہ شہباز نے کہا کہ ملک کا تاریخی دفاع اور دلیرانہ کمان کرنے پر آرمی چیف جنرل عاصم منیر خصوصی تحسین کے مستحق ہیں۔
انہوں نے کہا کہ وزیراعظم شہباز شریف کی زیرک اور بردبار قیادت نے اس مشکل وقت میں ملک کو سرخرو کیا، اس کامیابی میں وزیراعظم پاکستان کی موثر خارجہ پالیسی کا ہاتھ ہے، پاکستان کی فتح نے ثابت کیا کہ یہ قوم ہر مشکل سے نبرد آزما ہونے کی بھرپور صلاحیت رکھتی ہے۔
.ذریعہ: Express News
کلیدی لفظ: پوری دنیا میں نے کہا کہا کہ
پڑھیں:
آپریشن بنیان مرصوص، پاک فوج نے دنیا کی بہترین فوج ہونے کا ثبوت دیا، عظمیٰ بخاری
وزیر اطلاعات پنجاب کا کہنا تھا کہ پاکستان نے دن کے اجالے میں بھارت کو جواب دیا ہے، پاکستان ایک ذمہ دار ملک ہے، الحمدللہ پاکستان کے تمام طیارے محفوظ ہیں۔ ان کا مزید کہنا تھا کہ افواج پاکستان نے چند گھنٹوں میں بھارتی فوج کو ایکسپوز کر دیا ہے۔ اسلام ٹائمز۔ وزیر اطلاعات پنجاب عظمیٰ بخاری نے کہا ہے کہ بنیان مرصوص دنیا کی تاریخ کا کامیاب ترین آپریشن ہے، پاکستان کی فوج نے دنیا کی بہترین اور پروفیشنل فوج ہونے کا ثبوت دیا ہے۔ افواج پاکستان کو خراج تحسین پیش کرتے ہوئے وزیراطلاعات پنجاب عظمیٰ بخاری نے کہا کہ پاکستان کی افواج کے کارنامے سنہری حروف میں لکھے جائیں گے، بھارت نے پاکستان کے صبر کو کمزوری سمجھا تھا۔ عظمیٰ بخاری کا کہنا تھا کہ پچھلے 4 سے 5 دن سے بھارت جھوٹ اور پروپیگنڈے کے ساتھ جارحیت کر رہا تھا، پاکستانی فوج کے 4 گھنٹے بھارت کو جواب دینے کے لیے کافی تھے۔
وزیر اطلاعات پنجاب نے کہا کہ پاکستان نے دن کے اجالے میں بھارت کو جواب دیا ہے، پاکستان ایک ذمہ دار ملک ہے، الحمدللہ پاکستان کے تمام طیارے محفوظ ہیں۔ عظمیٰ بخاری کا کہنا تھا کہ افواج پاکستان نے چند گھنٹوں میں بھارتی فوج کو ایکسپوز کر دیا ہے، پاکستان کا میڈیا بھی خراج تحسین کا مستحق ہے، جس نے بھارتی میڈیا کو صحافتی قواعد و ضوابط سکھائے۔ انہوں نے کہا کہ مودی کا جنگی جنون اس کے گلے پڑ گیا ہے، جو بھارتی میڈیا 5 دن سے جھوٹ بول رہا تھا آج وہی میڈیا پاکستان کی برتری تسلیم کر رہا ہے۔
سفارتی تناؤ کے باعث بنگلہ دیش بھارت کرکٹ سیریز غیر یقینی صورتحال سے دوچار