بھارتی جارحیت کا فوری اور موثر جواب دینے پر پاک فوج کو حریت رہنمائوں کی مبارکباد
اشاعت کی تاریخ: 11th, May 2025 GMT
حریت رہنمائوں کا کہنا ہےکہ پاک افواج کا یہ کامیاب آپریشن نہ صرف پاکستان کی سلامتی اور خودمختاری کا ضامن بنا ہے بلکہ اس نے کشمیری عوام کے حوصلوں کو بھی بلند کیا ہے۔ اسلام ٹائمز۔ کل جماعتی حریت کانفرنس آزاد جموں و کشمیر شاخ کی قیادت نے بھارتی جارحیت اور بین الاقوامی قوانین اور انسانی حقوق کی کھلی خلاف ورزی کرتے ہوئے جان بوجھ کر معصوم اور نہتے عوام بالخصوص بچوں، خواتین اور مقدس مقامات کو نشانہ بنانے کی شدید مذمت کی ہے۔ ذرائع کے مطابق کل جماعتی حریت کانفرنس کی آزاد جموں و کشمیر شاخ کے کنونیر غلام محمد صفی، جنرل سیکریٹری پرویز احمد شاہ، سینئر حریت رہنما محمود احمد ساغر اور دیگر نے اپنے الگ الگ بیانات میں بھارتی جارحیت کا فوری اور موثر جواب دینے پر پاک فوج کو دل کی گہرائیوں سے مبارکباد پیش کی ہے۔ انہوں نے کہا کہ پاکستانی مسلح افواج نے جس پیشہ ورانہ مہارت، جرات اور جذبہ حب الوطنی کا مظاہرہ کرتے ہوئے آپریشن ”بنیان مرصوص” کو کامیابی سے ہمکنار کیا، وہ قابل تحسین ہے۔ انہوں نے کہا کہ مسلح افواج کے بہادر جوانوں نے دشمن کی جارحیت کو نہ صرف ناکام بنایا بلکہ پوری دنیا میں اپنی بے مثال طاقت اور صلاحیتوں کا لوہا منوایا ہے۔ انہوں نے کہا کہ یہ امر باعث اطمینان ہے کہ پاک افواج نے بروقت جرات مندانہ اور فیصلہ کن کارروائی کرتے ہوئے دشمن کے مذموم عزائم کو خاک میں ملا دیا۔
حریت رہنمائوں نے کہا کہ پاک افواج کا یہ کامیاب آپریشن نہ صرف پاکستان کی سلامتی اور خودمختاری کا ضامن بنا ہے بلکہ اس نے کشمیری عوام کے حوصلوں کو بھی بلند کیا ہے۔ حریت رہنمائوں نے خطے میں مسائل کو حل کرنے کیلئے کسی تیسری جگہ پر عالمی ثالثی کی موجودگی میں پاکستان اور بھارت کے درمیان بامقصد مذاکرات کو خوش آئند قرر دیا۔ انہوں نے پاکستان اور بھارت کے درمیان جنگ بندی کا خیر مقدم کرتے ہوئے کہا کہ تنازعات کو حل کرنے کا واحد راستہ مذاکرات ہیں۔ انہوں نے امید ظاہر کی کہ پاکستان اب مسئلہ کشمیر کے منصفانہ اور پائیدار حل کے لیے اپنی سیاسی اور سفارتی کوششیں مزید تیز کرے گا۔ انہوں نے کہا کہ وزیراعظم پاکستان نے قوم کے نام پیغام میں مذاکرات کے لئے کشمیر اور سندھ طاس معاہدے کا ایجنڈا تجویز کر کے درست سمت میں رہنمائی کی ہے۔ یہی ایک صورت ہے جس سے میدان میں جیتی ہوئی جنگ کو میز پر مستحکم کیا جا سکتا ہے۔
انہوں نے کہا کہ کشمیری عوام نے دہائیوں سے حق خودارادیت کے حصول کے لیے بے شمار قربانیاں دی ہیں۔ اب وقت آ گیا ہے کہ عالمی برادری اور بالخصوص اقوام متحدہ اپنی قراردادوں پر عمل درآمد کو یقینی بنائے تاکہ کشمیری عوام بھی اپنی مرضی کے مطابق اپنے سیاسی مستقبل کا فیصلہ کر سکیں۔ حریت رہنمائوں نے بھارتی جارحیت کے نتیجے میں مقبوضہ جموں و کشمیر، آزاد کشمیر اور پاکستان میں شہید اور زخمی ہونے والے تمام افراد کے لواحقین سے دلی یکجہتی کا اظہار کیا اور دعا کی کہ اللہ تعالیٰ شہداء کے درجات بلند فرمائے اور زخمیوں کو جلد صحت یاب کرے۔ انہوں نے عالمی برادری سے مطالبہ کیا کہ وہ بھارتی حکومت کے ان جارحانہ اقدامات کا نوٹس لے اور خطے میں امن و استحکام کو یقینی بنانے کے لیے اپنا کردار ادا کرے۔
ذریعہ: Islam Times
کلیدی لفظ: انہوں نے کہا کہ بھارتی جارحیت حریت رہنمائوں کشمیری عوام کرتے ہوئے کہ پاک
پڑھیں:
بھارتی مسلح افواج کا آپریشن سندور کے بعد سب سے بڑی مشق کولڈ اسٹارٹ کا منصوبہ
بھارتی مسلح افواج کا آپریشن سندور کے بعد سب سے بڑی مشق کولڈ اسٹارٹ کا منصوبہ WhatsAppFacebookTwitter 0 24 September, 2025 سب نیوز
نئی دہلی (آئی پی ایس )بھارت کی تینوں مسلح افواج اکتوبر کے پہلے ہفتے میں ایک مشترکہ مشق کریں گی جسے کولڈ اسٹارٹ کا نام دیا گیا ہے، اس مشق میں ڈرونز اور کانٹر ڈرون سسٹمز کا تجربہ کیا جائے گا، حکام نے اسے آپریشن سندور کے بعد ہونے والی سب سے بڑی مشق قرار دیا ہے۔ بھارتی اخبار دی ہندو نے منگل کو رپورٹ کیا ہے کہ مشق مدھیا پردیش میں ہونے کا امکان ہے۔اس مشق کا مقصد موجودہ فضائی دفاعی صلاحیتوں کی افادیت اور خامیوں کا جائزہ لینا ہے۔ ایک سینئر عہدیدار نے اس کی تصدیق کرتے ہوئے کہا کہ یہ مشق بدلتے ہوئے فضائی خطرات کے مقابلے میں عملی تیاری کا اندازہ لگانے پر مرکوز ہوگی۔
کولڈ اسٹارٹ ڈاکٹرائن بھارتی مسلح افواج نے اس مقصد کے لیے تیار کی تھی کہ تیزی سے اور مربوط انداز میں مشترکہ ہتھیاروں کے ذریعے جارحانہ کارروائیاں کی جا سکیں، اس طرح روایتی سست رفتاری سے فوجی نقل و حرکت کے بجائے محدود وقت میں روایتی اہداف حاصل کیے جا سکتے ہیں۔یہ حکمتِ عملی اس وقت تیار کی گئی جب آپریشن پراکرم نے 2001 میں بھارتی پارلیمان پر حملے کے بعد بھارت کی سست عسکری ردعمل کو بے نقاب کر دیا تھا، اس ڈاکٹرائن کا مقصد دہشت گردی کے خلاف تیز، فیصلہ کن اور محدود فوجی ردعمل دینا ہے تاکہ مکمل جنگ سے گریز کیا جا سکے۔تاہم ماہرین کا کہنا ہے کہ اس حکمت عملی میں تنازع کو جوہری سطح تک لے جانے کا سنگین خطرہ موجود ہے کیونکہ پاکستان کے پاس ٹیکٹیکل جوہری ہتھیار موجود ہیں۔اس مشق میں صنعتکار، تحقیق و ترقی کے ادارے، جامعات اور دیگر اسٹیک ہولڈرز بھی شریک ہوں گے۔
دہلی میں منعقدہ ایک کانفرنس بعنوان کانٹر یو اے ویز اینڈ ایئر ڈیفنس سسٹمز ، دی فیوچر آف ماڈرن وار فیئر سے خطاب کرتے ہوئے بھارت کے چیف آف انٹیگریٹڈ ڈیفنس اسٹاف ایئر مارشل اشوتوش ڈکشٹ نے پاکستان کا حوالہ دیتے ہوئے کہا کہ وہ بھی بھارت جیسا بننے کی کوشش کر رہے ہیں، اس لیے ہمیں ہمیشہ ایک قدم آگے رہنا ہوگا۔دی ہندو کے مطابق ان کا کہنا تھا کہ آپریشن سندور کے دوران ہمارے کانٹر ڈرون اور جی پی ایس جیمنگ سسٹمز نے مثر کارکردگی دکھائی اور دشمن کے ڈرونز سے کوئی نقصان نہیں ہوا، لیکن دشمن نے بھی ہماری صلاحیتیں دیکھ لی ہیں، اگلی بار ہمیں ان سے آگے اور کہیں بہتر ہونا ہوگا۔ ایئر مارشل اشوتوش ڈکشٹ نے مزید کہا کہ مستقبل کا وژن ایک مربوط دفاعی نظام پر مشتمل ہے جو سدرشن چکر کے تصور سے متاثر ہے اور جس کے ذریعے ڈرونز، یو اے ویز، ہائپر سونک ہتھیاروں اور دیگر خطرات کا مقابلہ کیا جا سکے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرغزہ، مزید 59 فلسطینی شہید، یورپی ممالک کا طبی راہداری کھولنے کا مطالبہ غزہ، مزید 59 فلسطینی شہید، یورپی ممالک کا طبی راہداری کھولنے کا مطالبہ پاکستان کی روس یوکرین جنگ کے خاتمے کیلئے کوششوں کی بھرپور حمایت پیرا فورس خواب کی تعبیر، قبضہ کیسز کا فیصلہ 90 روز میں ہوگا: مریم نواز جدہ :کازا دیورا ہوٹلز میں سعودی عرب کے 95ویں یومِ وطنی کی شاندار تقریب غزہ جانے والے گلوبل صمود فلوٹیلا پر اسرائیلی ڈرون حملے، ویڈیوز سامنے آگئیں اسلام آباد ہائی کورٹ کا سی ڈی اے کو پلاٹ قبضے کے لیے آخری انتباہCopyright © 2025, All Rights Reserved
رابطہ کریں ہماری ٹیم
سعودی عرب کے قومی دن پر ملک بھر میں عام تعطیل