سری لنکا میں زائرین کی بس کو حادثہ، 21 افراد ہلاک
اشاعت کی تاریخ: 11th, May 2025 GMT
سری لنکا میں خوفناک حادثے کے باعث زائرین کی بس کھائی میں گرگئی جس سے21 افراد جان سے گئے۔
سری لنکا کے وسطی پہاڑی علاقے میں بدھ مت کے زائرین کو لے جانے والی بس خوفناک حادثے کا شکار ہو گئی، بس کھائی میں گرنے کے نتیجے میں کم از کم 21 افراد ہلاک اور کئی شدید زخمی ہو گئے، بس میں 70 کے قریب مسافر سوار تھے۔
حادثہ اتوار کی صبح کوٹمالے کے قریب پیش آیا، جو دارالحکومت کولمبو سے تقریباً 140 کلومیٹر دور واقع ہے۔
سری لنکن نائب وزیر برائے ٹرانسپورٹ و ہائی ویز پراسانا گنا سینا کے مطابق ہلاک ہونے والوں کی شناخت کی جا رہی ہے۔
وزیر کا کہنا ہے کہ مقامی لوگوں نے فوری طور پر امدادی کارروائیوں میں حصہ لے کر کئی جانیں بچائیں، ورنہ ہلاکتوں کی تعداد مزید بڑھ سکتی تھی۔
زخمیوں کو قریبی اسپتالوں میں منتقل کر دیا گیا ہے جبکہ حادثے کی تحقیقات جاری ہیں۔
Post Views: 2.ذریعہ: Daily Mumtaz
پڑھیں:
تھائی ملائیشیا کشتی حادثے کے 11 لاشیں نکالی اور 13 افراد کو بچا لیا گیا
تھائی لینڈ، ملائیشیا (ویب ڈیس) سمندری سرحد کے قریب تارکینِ وطن کو لے جانے والی کشتی ڈوبنے سے کم از کم 11 افراد ہلاک ہوگئے، جبکہ 13 افراد کو زندہ بچا لیا گیا۔
رپورٹس کے مطابق ڈوبنے والی کشتی میں تقریباً 70 افراد سوار تھے، جس میں میانمار، روہنگیا اور بنگلادیشی تارکینِ وطن شامل تھے۔
تھائی حکام نے اطلاع دی کہ اب تک چار لاشیں نکالی گئی ہیں، جس میں دو بچے شامل ہیں، جب کہ ملائیشین میری ٹائم ایجنسی کے مطابق سات لاشیں برآمد کی گئی ہیں۔
دونوں ممالک کے ریسکیو آپریشن جاری ہیں اور مزید افراد کی تلاش کے لیے سمندری گشت بڑھا دیا گیا ہے۔
ادھر حکام نے یہ بھی تصدیق کی ہے کہ 230 مسافروں کو لے جانے والی ایک اور کشتی بھی لاپتا ہے، جس کی تلاش کے لیے ملائیشین کوسٹ گارڈ اور تھائی میری ٹائم فورس مشترکہ کارروائی کر رہی ہیں۔
خبر ایجنسی کے مطابق ایک کشتی دو ہفتے قبل میانمار سے روانہ ہوئی تھی جس میں تقریباً 300 افراد سوار تھے۔
نیپالی گلوکار کا پاکستانی سنگر ریشماں کو زبردست خراج تحسین