پشاور: پولیس موبائل کے قریب دھماکا، 2 اہلکار زخمی
اشاعت کی تاریخ: 11th, May 2025 GMT
پشاور کے علاقے رنگ روڈ پر پولیس موبائل کے قریب دھماکا ہوا ہے، جس کے نتیجے میں 2 اہلکار زخمی ہوگئے۔
ریسکیو ٹیمیں موقع پر پہنچ گئی ہیں، اور دھماکے کی تصدیق کردی گئی ہے، جبکہ مزید تفصیلات اکٹھی کی جارہی ہیں۔
ریسکیو ترجمان کے مطابق ابتدائی طور پر 2 افراد کے زخمی ہونے کی اطلاع ملی ہے، دھماکے کی نوعیت کے حوالے سے تفصیلات معلوم کی جارہی ہیں۔
انہوں نے کہاکہ دھماکا رنگ روڈ کے قریب واقع مویشی منڈی کے پاس ہوا ہے، جہاں پولیس موبائل گشت پر تھی۔
ایس ایس پی آپریشنز پشاور مسعود بنگش نے دھماکے کی تصدیق کی اور بتایا کہ دھماکا رنگ روڈ مال منڈی کے قریب ہوا ہے جس میں پولیس پولیس موبائل کو نشانہ بنایا گیا۔
ایس ایس پی نے بتایا کہ دھماکے میں سب انسپکٹر سمیت 2 پولیس اہلکار زخمی ہیں، جبکہ پولیس اور بم ڈسپوزل اسکواڈ دھماکے کی نوعیت معلوم کرنے میں مصروف ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پشاور پولیس اہلکار زخمی پولیس موبائل دھماکا وی نیوز.ذریعہ: WE News
کلیدی لفظ: پشاور پولیس اہلکار زخمی پولیس موبائل دھماکا وی نیوز پولیس موبائل اہلکار زخمی دھماکے کی کے قریب
پڑھیں:
کراچی؛ مسلح ملزمان کو پولیس اہلکار سے ڈکیتی کی واردات مہنگی پڑ گئی
کراچی:یونیورسٹی روڈ حسن اسکوائر مچھلی کٹ کے قریب موٹر سائیکل سوار 2 مسلح ملزمان اسلحے کے زور پر گاڑی میں سوار پولیس اہلکار سے لوٹ مار کر رہے تھے اہلکار نے فائرنگ کر دی، جس سے دونوں ڈکیت زخمی ہوگئے۔
تفصیلات کے مطابق پیر کی صبح عزیز بھٹی تھانے کے علاقے یونیورسٹی روڈ حسن اسکوائر مچھلی کٹ کے قریب موٹر سائیکل سوار 2 مسلح ڈاکوؤں نے حسنات اکرم نامی طالب علم سے اسلحے کے زور پر موبائل فون اور نقدی چھین لی جبکہ اسی دوران مسلح ڈاکوؤں نے ایک گاڑی میں سوار شخص کو بھی اسلحے کے زور پر روکا اور لوٹ مار کرنے لگے تو گاڑی میں سوار شخص نے فائرنگ کر دی جس کے باعث دونوں ڈاکو زخمی ہوگئے۔
گاڑی میں سوار شخص نے مدد گار 15 پولیس کو اطلاع کر دی جس پر متعلقہ تھانے کی پولیس موقع پر پہنچ گئی اور دونوں زخمی ڈاکوؤں کو گرفتار کرکے ان کے قبضے سے اسلحہ، طالب علم کا چھینا ہوا موبائل فون اور نقدی برآمد کر لی جبکہ زخمی ڈاکوؤں کو فوری جناح اسپتال منتقل کر دیا گیا۔
عزیز بھٹی پولیس کے مطابق زخمی حالت میں گرفتار ڈاکوؤں کی شناخت صبیح حیدر ولد معید عباس اور محمد عثمان ولد جہانگیر کے نام سے کی گئی ہے۔
انہوں نے بتایا کہ گرفتار ڈاکو طالب علم سے لوٹ مار کرنے کے بعد گاڑی میں سوار پولیس اہلکار طفیل عباس سے لوٹ مار کرنے کی کوشش کر رہے تھے کہ جس پر پولیس اہلکار نے فائرنگ کرکے انہیں زخمی کر دیا۔
پولیس کے مطابق اہلکار طفیل عباس کمانڈ اینڈ کنٹرول روم میں تعینات ہے، واقعے کا مقدمہ متاثرہ طالب علم کی مدعیت میں درج کر لیا گیا جبکہ دوسرا مقدمہ گرفتار ڈاکوؤں سے ملنے والا غیر قانونی اسلحہ کا درج کیا گیا ہے۔
چین پاکستان کی خود مختاری کے تحفظ میں ساتھ دے گا: چینی وزیرِ خارجہ