امید ہے ایڈن الیگزینڈر کی رہائی ایک جامع مذاکرات کا پیش خیمہ بنے گی، حماس
اشاعت کی تاریخ: 12th, May 2025 GMT
اپنے ایک جاری بیان میں ڈونلڈ ٹرامپ کا کہنا تھا کہ یہ اقدام امریکہ کی نیک نیتی اور غزہ میں وحشیانہ جنگ کے خاتمے و تمام صیہونی قیدیوں کی زندہ یا مردہ واپسی کیلئے قطر و مصر کی ثالثانہ کوششوں سے انجام پایا۔ اسلام ٹائمز۔ فلسطین کی مقاومتی تحریک "حماس" کے ترجمان "جہاد طحٰہ" نے کہا کہ ہم نے ثالثین کی کوششوں اور واشنگٹن کے اقدامات کا امریکی نژاد صیہونی فوجی "ایڈن الیگزینڈر" کی رہائی کے ذریعے جواب دیا۔ اس امریکی نژاد صیہونی فوجی کی رہائی، جنگ بندی اور بارڈر کراسنگ کی دوبارہ بحالی کے لئے کوششوں کا حصہ ہے۔ انہوں نے ان خیالات کا اظہار العربی الجدید سے گفتگو میں کیا۔ اس موقع پر جہاد طحٰہ نے کہا کہ ہمیں امید ہے کہ یہ قدم جنگ بندی کے لئے وسیع مذاکرات کا مقدمہ بنے گا۔ واضح رہے کہ آج قبل از دوپہر حماس کی عسکری شاخ "القسام بریگیڈ" کے ترجمان "ابو عبیدہ" نے اعلان کیا کہ ہم نے امریکی نژاد صیہونی فوجی ایڈن الیگزینڈر کو آج رہا کرنے کا فیصلہ کیا ہے۔
قبل ازیں امریکی صدر ڈونلڈ ٹرامپ نے بھی اپنے پیغام میں اس فوجی کی مستقبل قریب میں رہائی کا عندیہ دیا۔ ڈونلڈ ٹرامپ نے اس فوجی کی رہائی میں شامل کرداروں کا شکریہ ادا کیا۔ انہوں نے کہا کہ یہ اقدام امریکہ کی نیک نیتی اور غزہ میں وحشیانہ جنگ کے خاتمے و تمام صیہونی قیدیوں کی زندہ یا مردہ واپسی کے لئے قطر و مصر کی ثالثانہ کوششوں سے انجام پایا۔ دوسری جانب غزہ میں حماس کے سربراہ "خلیل الحیہ" نے ایک جاری بیان میں اعلان کیا کہ حماس نے جنگ بندی کے لیے ثالثوں کی کوششوں کے نتیجے میں امریکی حکومت کے ساتھ رابطہ قائم کیا اور جذبہ خیر سگالی کے تحت نیک نیتی کا مظاہرہ کرتے ہوئے ایڈن الیگزینڈر کو رہا کیا۔
ذریعہ
ذریعہ: Islam Times
کلیدی لفظ: کی رہائی
پڑھیں:
چیک ریپبلک میں فوجی ہیلی کاپٹر گر کر تباہ؛ ایک فوجی ہلاک اور 4 زخمی
چیک ریپبلک کے مشرقی حصے میں ایک فوجی ہیلی کاپٹر گر کر تباہ ہوگیا جس کے نتیجے میں ایک فوجی ہلاک جبکہ تین دیگر زخمی ہو گئے۔
عالمی خبر رساں ادارے کے مطابق چیک وزارتِ دفاع اور فوج کی جانب سے جاری بیان میں کہا گیا ہے کہ حادثہ بدھ کے روز نامیشت ناد اوسلاوو ایئر فورس بیس پر پیش آیا جو دارالحکومت پراگ سے تقریباً 180 کلومیٹر جنوب مشرق میں واقع ہے۔
حادثے کا شکار ہونے والا ہیلی کاپٹر UH-1Y Venom تھا، جس میں مجموعی طور پر 5 فوجی اہلکار سوار تھے۔ حادثے میں ایک اہلکار موقع پر ہی جان کی بازی ہار گیا جبکہ تین زخمیوں کو فوری طور پر قریبی اسپتال منتقل کیا گیا۔
مقامی میڈیا رپورٹس کے مطابق ہیلی کاپٹر معمول کی فوجی تربیتی سرگرمی کے سلسلے میں پرواز کر رہا تھا، تاہم حکام نے ابھی تک اس کی باضابطہ تصدیق نہیں کی۔ حادثے کی وجوہات جاننے کے لیے فوج نے خصوصی تحقیقاتی ٹیم تشکیل دیدی ہیں۔
چیک حکام کا کہنا ہے کہ اس بات کا جائزہ لے رہے ہیں، آیا حادثہ تکنیکی خرابی، موسمی حالات یا انسانی غلطی کے باعث پیش آیا۔ تحقیقات کے نتائج سے میڈیا کو آگاہ کیا جائے گا۔
رمضان میں سحر و افطار کے دوران لوڈشیڈنگ نہ کرنے کا حکم، گیس فراہمی کا بھی اعلان