آپریشن بُنْیَانٌ مَّرْصُوْص میں فیصلہ کامیابی پر شمالی وزیرستان میں یومِ تشکر
اشاعت کی تاریخ: 12th, May 2025 GMT
پاک فوج کی جانب سے بھارت کو آپریشن بُنْیَانٌ مَّرْصُوْص میں فیصلہ کن شکست دینے پر آج شمالی وزیرستان میں یومِ تشکر منایا گیا اور گورنر کاٹیج سے یونس خان اسپورٹس کمپلیکس تک ریلی نکالی گئی۔
ریلی کی قیادت ڈپٹی کمشنر شمالی وزیرستان محمد یوسف کریم نے کی۔ ریلی میں ایڈیشنل ڈپٹی کمشنر، ڈسٹرکٹ پولیس آفیسر، اسسٹنٹ کمشنر و ایڈیشنل اسسٹنٹ کمشنر میران شاہ، پولیس، علما کرام، مشران، تاجر برادری، طلبا اور عام شہریوں کی بڑی تعداد نے بھی شرکت کی۔
یہ بھی پڑھیے: آپریشن بُنیان مّرصُوص کی کامیابی، وزیراعظم کا آج ملک بھر میں یوم تشکر منانے کا اعلان
میڈیا سے گفتگو کرتے ہوئے ڈپٹی کمشنر شمالی وزیرستان محمد یوسف کریم نے کہا کہ افواجِ پاکستان نے دشمن کے ناپاک ارادوں کو کچل کر رکھ دیا ہے، یہ قوم اپنے محافظوں کے ساتھ سیسہ پلائی دیوار ہے۔
اس موقع پر ملک کی سلامتی، افواج پاکستان کی فتح اور شہدا کے درجات کی بلندی کے لیے دعا بھی کی گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آپریشن بنیان مرصوص اجتماع ریلی یوم تشکر.ذریعہ: WE News
کلیدی لفظ: آپریشن بنیان مرصوص ریلی یوم تشکر شمالی وزیرستان
پڑھیں:
‘ایرانی عوام پاکستان کی طرف سے حمایت کبھی نہیں بھولیں گے،’ ایرانی سفیر کا پاکستانی حکومت اور قوم کے لیے اظہار تشکر
پاکستان میں تعینات ایرانی سفیر رضا امیری مغدم نے ایران اسرائیل کشیدگی کے دوران حمایت پر پاکستان کا شکریہ ادا کیا ہے۔
سماجی رابطے کی ویب سائٹ ایکس پر پوسٹ کرتے ہوئے انہوں نے لکھا کہ ایران کے تاریخی اور اہم موڑ پر جب کہ ہماری سرزمین ایک باوقار اور فیصلہ کن جنگ بندی کے نفاذ کے ساتھ ایک عظیم اور جراتمندانہ فتح کا جشن منا رہی ہے، میں پاکستان کی حکومت اور عوام کا دل سے شکریہ ادا کرنا چاہتا ہوں۔
ان کا کہنا تھا کہ صہیونی ریاست کے غیرمنصفانہ اور مسلط کردہ جارحیت کے خلاف، جس کا نشانہ برادر اور دوست اسلامی ملک ایران بنا، پاکستان نے ثابت قدمی اور وقار کے ساتھ ہمارے ساتھ کھڑے ہو کر اپنی غیر متزلزل حمایت اور یکجہتی کا مظاہرہ کیا ہے۔
انہوں نے صدر مملکت آصف علی زرداری، وزیراعظم محمد شہباز شریف، آرمی چیف جنرل فیلڈ مارشل عاصم منیر، نائب وزیراعظم و وزیر خارجہ اسحاق ڈار، وزیر دفاع خواجہ آصف، قومی اسمبلی اور سینیٹ کے ارکان، مذہبی رہنماؤں، سیاسی جماعتوں، اور میڈیا کے نمائندگان کا ان کے ‘اصولی اور جراتمندانہ’ موقف پر شکریہ ادا کیا۔
At this historic and momentous juncture, as the great nation of Iran celebrates a dignified and decisive victory—culminating in the imposition of a just and powerful ceasefire upon the belligerent adversary—I wish to extend my heartfelt appreciation to the government and people…
— Reza Amiri Moghadam (@IranAmbPak) June 25, 2025
ایرانی سفیر نے لکھا کہ میں پاکستان کی وزارت خارجہ کا دلی طور پر شکرگزار ہوں جس نے اقوام متحدہ، سلامتی کونسل اور او آئی سی سمیت مختلف عالمی فورمز پر اسلامی جمہوریہ ایران کے حق میں مسلسل اور مضبوط حمایت فراہم کی ہے۔
انہوں نے کہا کہ ایران اور پاکستان کے عوام اور حکومتیں تاریخی طور پر ہمیشہ ایک دوسرے کے ساتھ کھڑی رہی ہیں، ایران کے عوام پاکستانی قوم کی جانب سے برادری اور حمایت کے اس تاریخی مظاہرے کو کبھی نہیں بھولیں گے۔
رضا امیری نے لکھا کہ یہ تاریخ ساز فتح مسلم امہ کی اجتماعی یادداشت میں فخر، طاقت، خود اعتمادی، ہمت اور سچائی کی بالادستی اور باطل پر حق کے غلبے کی علامت کے طور پر ہمیشہ یاد رکھی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل ایران
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی