عدالت نے 17 جولائی کو پی ٹی آئی رہنماؤں پر فرد جرم عائد کرنے کی تاریخ مقرر کردی
اشاعت کی تاریخ: 12th, May 2025 GMT
عدالت نے 4 اکتوبر کو احتجاج پر تھانہ کورال میں درج مقدمے میں 17 جولائی کو پی ٹی آئی رہنماؤں پر فرد جرم عائد کرنے کی تاریخ مقرر کردی۔
اس مقدمے میں نامزد پی ٹی آئی رہنماؤں بیرسٹر گوہر، علی امین گنڈاپور، بیرسٹر سیف، عمر ایوب اور دیگر مقدمے میں ملزم نامزد ہیں۔
ڈسٹرکٹ اینڈ سیشن کورٹ اسلام آباد میں پی ٹی آئی رہنماؤں کے خلاف 4 اکتوبر کو احتجاج پر تھانہ کورال میں درج مقدمے میں سماعت ہوئی۔
جوڈیشل مجسٹریٹ شائستہ کنڈی نے پی ٹی آئی رہنماؤں کے خلاف کیس کی سماعت کی۔
بانی چیئرمین پاکستان تحریک انصاف ( پی ٹی آئی) عمران خان کے خلاف مزید 5 مقدمات درج کرلیے گے۔
پراسیکیوشن نے پی ٹی آئی رہنماؤں کے خلاف کیس کا چالان عدالت میں پیش کردیا۔
سماعت کے دوران پی ٹی آئی کے 29 ورکرز عدالت میں پیش ہوئے۔
بیرسٹر گوہرعلی، علی امین گنڈاپور، بیرسٹر سیف اور عمر ایوب کی حاضری سے استثنیٰ کی درخواست جمع کروادی گئی۔
عدالت نے 17 جولائی کو پی ٹی آئی رہ نماؤں پر فرد جرم عائد کرنے کی تاریخ مقرر کردی۔
.ذریعہ: Jang News
کلیدی لفظ: پی ٹی ا ئی رہنماؤں کے خلاف
پڑھیں:
کرسٹیانو رونالڈو نے سعودی پرو لیگ میں نئی تاریخ رقم کردی
فٹبال کے عالمی سپر اسٹار کرسٹیانو رونالڈو نے سعودی فٹبال کلب النصر کے لیے شاندار کارکردگی دکھانے کا سلسلہ جاری رکھا ہوا ہے۔
النصر نے نیوم ایس سی کو 1-3 سے شکست دے کر سعودی پرو لیگ میں مسلسل آٹھویں کامیابی حاصل کی، جس کے بعد ٹیم 24 پوائنٹس کے ساتھ پوائنٹس ٹیبل پر سرفہرست ہے۔
میچ کے دوران پرتگالی لیجنڈ رونالڈو نے اپنے کیریئر کا 953 واں گول اسکور کیا، یہ گول 65 ویں منٹ میں اس وقت ہوا جب جواو فیلکس کو رونالڈو کی کک بچانے کے بعد فاؤل کیا گیا اور النصر کو پنالٹی ملی، جسے رونالڈو نے کامیابی سے گول میں تبدیل کیا۔
میچ کے بعد رونالڈو نے انسٹاگرام پر اپنی چند جوشیلی تصاویر شیئر کرتے ہوئے پیغام میں لکھا کہ ہم اپنے خواب پر کام کر رہے ہیں۔
یہ گول رونالڈو کی سعودی پرو لیگ میں 100 ویں براہِ راست شراکت (ڈائریکٹ کنٹریبیوشن) بھی ثابت ہوا، جس میں ان کے 83 گولز اور 17 اسسٹس شامل ہیں، حیرت انگیز طور پر یہ کارنامہ انہوں نے صرف 85 میچز میں انجام دیا، جس سے وہ لیگ کے پہلے غیر ملکی کھلاڑی بن گئے ہیں جنہوں نے یہ سنگِ میل عبور کیا۔
40 برس کی عمر کے قریب پہنچنے کے باوجود رونالڈو کی فٹبال سے وابستگی اور کارکردگی میں کسی قسم کی کمی نظر نہیں آتی۔ وہ اب تاریخ کے واحد فٹبالر بننے کے قریب ہیں جو 1000 کیریئر گولز کا ریکارڈ قائم کریں گے۔
بلوچستان اس وقت سنگین امن و امان کے بحران سے دوچار ہے، علامہ مقصود ڈومکی