بنگلہ دیشی اسپنر رشادحسین نے ڈیرل مچل اور ٹام کرن سے متعلق اپنے تبصروں پر معذرت کرلی
اشاعت کی تاریخ: 12th, May 2025 GMT
بنگلہ دیش کے لیگ اسپنر رشاد حسین نے پی ایس ایل کے ساتھی ڈیرل مچل اور ٹام کرن کے بارے میں الجھن اور تنازعہ کو جنم دینے والے اپنے تبصروں پر معافی مانگ لی ہے۔
پاک بھارت کشیدگی کے دوران پاکستان سپر لیگ کی معطلی کے بعد رشاد حسین ہفتہ کو ڈھاکہ واپس پہنچے تھے، تاہم دبئی ایئرپورٹ پر قیام کے دوران انہوں نے ایک مختصر انٹرویو دیتے ہوئے ڈیرل مچل کے حوالے سے کہا تھا کہ وہ پاکستان واپس نہیں آئیں گے۔
رشاد حسین نے راولپنڈی میں قریبی دھماکوں کے بعد کشیدہ لمحات کے دوران ٹام کرن کو ’بچوں کی طرح روتے ہوئے‘ بتایا تھا، ان کے یہ تبصرے تیزی سے آن لائن گردش کرنے لگے، جس پر تنقید اور تشویش دونوں نوعیت کے رد عمل سامنے آئے۔
یہ بھی پڑھیں:
اپنے متنازع تبصروں پر بالآخر گزشتہ روز رشاد حسین نے سوشل میڈیا پر صورتحال کو واضح کرتے ہوئے لکھا کہ وہ جانتے ہیں کہ ان کے ایک حالیہ تبصرے سے الجھن پیدا ہوئی ہے اور بدقسمتی سے میڈیا میں غلط تاثر پیدا کرنے کے لیے اسے غلط طریقے سے پیش کیا گیا ہے۔
رشاد حسین کے مطابق ان کا مذکورہ تبصرہ بنگلہ دیشی صحافیوں کے ساتھ ایک مختصر انٹرویو کے دوران کیا گیا جب وہ دبئی ایئرپورٹ پر ٹرانزٹ میں تھے۔ ’اس میں مکمل سیاق و سباق کی کمی تھی اور غیر ارادی طور پر اس میں شامل جذبات کو بڑھا چڑھا کر پیش کیا گیا۔‘
رشاد حسین کا کہنا تھا کہ اس کی وجہ سے ہونے والی کسی بھی غلط فہمی پر انہیں دلی طور پر افسوس ہے، اور انہوں نے ڈیرل مچل اور ٹام کرن کو غیر مشروط معافی کی پیشکش کی ہے کیونکہ وہ اپنے ساتھی کھلاڑیوں کا بیحد احترام کرتے ہیں۔
مزید پڑھیں:
’میں قلندر بھائی چارے کی واقعی قدر کرتا ہوں، جہاں ہم ہمیشہ ایک دوسرے کے ساتھ کھڑے ہوتے ہیں، چاہے کچھ بھی ہو، میں پاکستان سپر لیگ کے دوبارہ شروع ہونے پر اپنی ٹیم میں دوبارہ شامل ہونے کا منتظر ہوں۔‘
22 سالہ رشاد حسین نے لاہور قلندرز کے ساتھ پی ایس ایل سیزن 10 میں کامیاب ڈیبیو کیا، اور 5 میچوں میں 9 وکٹیں حاصل کیں، ہندوستان اور پاکستان کے درمیان جنگ بندی کے معاہدے پر عملدرآمد کے بعد پی ایس ایل ایک ہفتے کے اندر دوبارہ شروع ہونے کی امید ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلہ دیش پی ایس ایل ٹام کرن ڈیرل مچل رشاد کرکٹ لاہور قلندر لیگ اسپنر.ذریعہ: WE News
کلیدی لفظ: بنگلہ دیش پی ایس ایل ٹام کرن ڈیرل مچل کرکٹ لاہور قلندر لیگ اسپنر پی ایس ایل ڈیرل مچل کے دوران ٹام کرن
پڑھیں:
شجاعت حسین سے جرمن سفیر کی ملاقات، دوطرفہ تجارت کیلئے عملی اقدامات پر زور
لاہور(ڈیلی پاکستان آن لائن)مسلم لیگ ق کے صدر اور سابق وزیراعظم چودھری شجاعت حسین سے جرمن سفیر اینا لیپل نے ملاقات کی جس میں دوطرفہ تجارت کے لیے عملی اقدامات پر زور دیا گیا۔
نجی ٹی وی چینل دنیا نیوز کے مطابق صوبائی وزیر صنعت و تجارت چودھری شافع حسین اور وفاقی وزیر اوورسیز پاکستانیز چودھری سالک حسین بھی موجود تھے، باہمی دلچسپی کے امور اور دوطرفہ تجارت پر بات چیت ہوئی۔
جرمنی کی سفیر اینا لیپل نے چودھری شجاعت حسین کی خیریت دریافت کی اور دوطرفہ تجارت بڑھانے کیلئے عملی اقدامات کی ضرورت پر زور دیا گیا، پاکستان اور جرمنی کے سرمایہ کاروں کے مابین جوائنٹ وینچرز کے امکانات کا جائزہ لیا گیا۔
عالم اسلام متحد نہ ہوا تو حالت غزہ اور مقبوضہ کشمیر کی طرح ہوگی: خواجہ آصف
چودھری شجاعت حسین نے کہا کہ جرمن ٹیکنالوجی شاندار ہے، پاکستان کو جرمن ٹیکنالوجی سے استفادہ کرنا چاہئے، پاکستان اور جرمنی کو دوطرفہ تجارت بڑھانے کی ضرورت ہے، پاکستان اور جرمنی کے سرمایہ کار مشترکہ منصوبے شروع کرنے کا جائزہ لیں۔
انہوں نے یہ بھی کہا کہ سکل ڈویلپمنٹ کی بہتری اور پنک سالٹ کی ویلیو ایڈیشن کیلئے جرمن ٹیکنالوجی سے استفادہ کیا جاسکتا ہے۔
صوبائی وزیر صنعت و تجارت شافع حسین نے پنجاب کے مختلف شعبوں میں سرمایہ کاری کے مواقع سے آگاہ کیا اور کہا کہ پنجاب کے سپیشل اکنامک زونز میں غیر ملکی سرمایہ کاری کے وسیع مواقع موجود ہیں۔
آئینی ترمیم کے 80 فیصد نکات پر مشاورت مکمل ہوچکی ،آج مکمل کرلیا جائے گا،فاروق ایچ نائیک
انہوں نے بتایا کہ سپیشل اکنامک زونز میں عالمی معیار کا صنعتی انفراسٹرکچر موجود ہے، یہاں سرمایہ کاری پر غیر ملکی سرمایہ کاروں کو خصوصی مراعات حاصل ہیں، فیڈمک کے زیر اہتمام انڈسٹریل اسٹیٹس میں غیر ملکی سرمایہ کاروں کیلئے کمیونٹی سینٹر بنایا جارہا ہے ۔
انہوں نے یہ بھی بتایا کہ قائداعظم بزنس پارک شیخوپورہ میں گارمنٹ سٹی بن رہا ہے، گارمنٹ سٹی میں ملکی اور غیر ملکی سرمایہ کار ٹیکسٹائل انڈسٹری لگائیں گے، جرمنی کے سرمایہ کار پنجاب میں سرمایہ کاری کے مواقع سے فائدہ اٹھائیں۔
اس موقع پر وفاقی وزیر چودھری سالک حسین نے اپنی وزارت کے امور سے آگاہ کیا کہ بیرون ممالک ہنر مند افرادی قوت کی بہت ڈیمانڈ ہے، فیڈمک کے زیر اہتمام انڈسٹریل اسٹیٹس میں بڑے غیر ملکی سرمایہ کار گروپوں نے سرمایہ کاری کر رکھی ہے، جرمنی کے سرمایہ کار بھی پاکستان میں سرمایہ کاری کر سکتے ہیں۔
مجوزہ ترامیم کے بعد اگر عمران خان الیکشن کے ذریعے اقتدار میں آ بھی جائیں تو کچھ نہیں کر پائیں گے،نجم سیٹھی
جرمنی کی سفیر اینا لیپل نے کہا کہ جرمنی کا سکل ڈویلپمنٹ میں پاکستان بالخصوص پنجاب کے ساتھ اشتراک موجود ہے، جرمنی کے سرمایہ کاروں کو پاکستان میں سرمایہ کاری کے مواقع سے آگاہ کیا جائے گا، پنجاب کے ساتھ مختلف شعبوں میں تعاون بڑھایا جائے گا۔
اس موقع پر پنجاب سرمایہ کاری بورڈ کے ڈائریکٹر ڈاکٹر عمران ہاشمی اور کئی صنعت کار بھی موجود تھے۔
کون سے مریض حج پر نہیں جاسکتے، سعودی وزارت نے وضاحت جاری کردی