نادیہ حسین کا بھاری میک اپ ؛ مداح ٹرانس جینڈرز میں ملانے لگے
اشاعت کی تاریخ: 12th, May 2025 GMT
پاکستان شوبز کی ماڈل و اداکارہ نادیہ حسین کو مداحوں کی جانب سے شدید تنقید کا نشانہ بنایا جارہا ہے یہاں تک کہ کچھ صارفین نے انھیں ٹرانس جینڈرز تک میں ملا دیا۔
نجی ٹی وی سے نشر ہونے والے ڈرامے میں نادیہ حسین کے بھاری میک اپ اور بگڑے ہوئے نقوش پر صارفین انھیں حد سے زیادہ سرجریز کروالے کا بھی طعنہ دے رہے ہیں۔
یہ پہلی بار نہیں ہے کہ نادیہ حسین پر بھاری میک اپ اور سرجریز کی وجہ سے بننے والی مصنوعی خوبصورتی پر تنقید کی جارہی ہے، بلکہ اس سے قبل بھی وہ تنقید کا نشانہ بنتی رہی ہیں۔ ڈرامے میں ان کے بدلے ہوئے چہرے نے ناظرین میں شدید ردعمل پیدا کیا ہے۔ مداحوں کا کہنا ہے کہ سرجریز کی وجہ سے وہ اپنے جذبات تک کو صحیح طریقے سے ادا نہیں کر پا رہیں۔
نادیہ حسین کے چہرے پر کی گئی سرجریز اور بہت زیادہ میک اپ پر ناظرین نے سخت تنقید کی ہے۔ ایک صارف نے لکھا: ’’اوہ خدا! نادیہ حسین کے ساتھ آخر ہوا کیا ہے؟ فیلرز اور بوٹوکس نے ان کے چہرے کو تباہ کردیا ہے۔‘‘
ایک اور صارف نے کہا: ’’وہ اپنے چہرے پر اتنا میک اپ لگاتی ہیں، مجھے حیرت ہوتی ہے کہ بغیر میک اپ کے ان کی شکل کیسی ہوگی۔‘‘ کسی نے تبصرہ کیا: ’’فیلرز کے بعد تو وہ صحیح طریقے سے ایکسپریشن بھی نہیں دے پا رہیں۔‘‘
جب کہ بہت سے لوگوں نے کہا کہ ’’وہ یا تو کسی ٹرانسجینڈر جیسی لگتی ہیں یا پھر کسی فلم کے ولن کیریکٹر جیسی۔‘‘ ایک اور صارف نے لکھا: ’’انہیں کبھی اتنا بوٹوکس لگوانے کی ضرورت ہی نہیں تھی۔‘‘
TagsShowbiz News Urdu.
ذریعہ
ذریعہ: Al Qamar Online
کلیدی لفظ: نادیہ حسین میک اپ
پڑھیں:
حیسکو میں ایک ارب 6 کروڑ سے زائد کی کرپشن کا انکشاف
حیدرآباد الیکٹرک سپلائی کمپنی (حیسکو) میں تنخواہوں اور الاؤنسز کی مد میں ایک ارب 6 کروڑ سے زائد کرپشن کا انکشاف ہوا ہے۔
قومی اسمبلی کی پبلک اکاؤنٹس کمیٹی کے اجلاس میں آڈٹ حکام نے انکشاف کیا کہ حیسکو میں گھوسٹ ملازمین، ڈبل تنخواہوں کے ذریعے قومی خزانے کو نقصان پہنچایا گیا اور وفاقی تحقیقاتی ادارہ (ایف آئی اے)99 کروڑ 62 لاکھ کی مبینہ کرپشن کی تحقیقات کر رہا ہے۔
آڈٹ حکام نے مزید انکشاف کیا کہ حیسکو کی اندرونی انکوائری میں مزید 6 کروڑ 78 لاکھ روپے کی مشتبہ ادائیگیاں ہوئی ہیں۔
چیئرمین کمیٹی شاہدہ اختر کی زیرصدارت اجلاس میں ایف آئی اے حکام نے بتایا کہ اس معاملے میں ایف آئی آرز کی تعداد 5 ہوگئی تھی، 151 ملزمان تھے جن میں سے 14 کو گرفتار کیا گیا جبکہ دیگر ضمانت پر ہیں، ایک ارب روپے میں سے 13 کروڑ روپے کی ریکوری ہوئی ہے۔
رکن کمیٹی قاسم نون نے کہا کہ 13 کروڑ روپے کچھ بھی نہیں ہیں، سخت ایکشن لیا جائے، سید امین الحق نے کہا کہ گھوسٹ ملازمین کی تصدیق بھی کی گئی کہ وہ موجود ہیں۔
سینیٹر افنان اللہ خان نے کہا کہ وزارت کو چاہیے کہ وہ مداخلت کرے اور ذمہ داران کا تعین کرے۔
چیئرمین کمیٹی شاہد اختر نے کہا کہ یہ تو آڈٹ نے نشان دہی کر دی ہے، لگتا ہے کہ پاور ڈویژن کا کوئی چیک اینڈ بیلنس نہیں ہے، جس پر سی ای او حیسکو نے بتایا کہ 756 ملین روپے کی ذمہ داری بھی فکس ہو چکی ہے۔
شاہدہ اختر نے کہا کہ عدالت کے حکم تک یہ آڈٹ پیرا زیر التوا رہے گا، رکن کمیٹی سید حسین طارق نے سوال کیا کہ حیسکو میں بائیو میٹرک سسٹم کیوں نہیں ہے۔
پاکستان پیپلزپارٹی (پی پی پی) کی رکن شازیہ مری نے کہا کہ ہم ڈسکوز کو یہاں کمنٹس کے لیے نہیں احتساب کے لیے بلاتے ہیں، یہ لوگوں کو چور کہتے ہیں اور اپنی پرفارمنس کے گیت گاتے نہیں تھکتے۔
پبلک اکاؤنٹس کمیٹی نے ہدایت کی کہ 13 کروڑ روپے کی ریکوری کی آڈٹ سے تصدیق کرائی جائے، جو ریکوری رہ گئی ہے وہ معاملہ زیر التوا رہے گا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی