ایپل کا نئے آئی فونز کی قیمتیں بڑھانے کا فیصلہ
اشاعت کی تاریخ: 12th, May 2025 GMT
لاس اینجلس(نیوز ڈیسک)ایپل کے آئی فون 17 سیریز کے ماڈلز ستمبر میں متعارف کرائے جائیں گے۔
آئی فون 17، آئی فون 17 ائیر، 17 پرو اور 17 پرومیکس پر کمپنی کی جانب سے کام کیا جا رہا ہے جن میں سے آئی فون 17 ائیر اس کمپنی کا پتلا ترین فون ہوگا۔
ان ڈیوائسز کے بارے میں لیکس مہینوں سے سامنے آرہی ہیں اور بظاہر کچھ بھی ایسا نہیں جس سے یہ کمپنی صارفین کو چونکا سکے۔
مگر ان فونز کی قیمت کیا ہوسکتی ہے؟ یہ وہ سوال ہے جو صارفین کے ذہنوں میں کافی عرصے سے موجود ہے۔
اب ایک نئی لیک میں آئی فون 17 سیریز کی قیمتوں میں اضافے کے بارے میں بتایا گیا ہے۔
وال اسٹریٹ جرنل کی رپورٹ کے مطابق ایپل کی جانب سے نئے آئی فونز کی قیمتوں میں اضافے کی منصوبہ بندی کی جا رہی ہے۔
چین پر عائد امریکی ٹیرف کے باعث آئی فونز کی قیمتوں میں اضافہ کیا جائے گا۔
چین پر عائد امریکی ٹیرف کے باعث ایپل کو رواں سال کی تیسری سہ ماہی کے دوران 90 کروڑ ڈالرز کا نقصان پہنچنے کا امکان ہے اور اس کی ڈیوائسز کی قیمتیں بھی متاثر ہوسکتی ہیں۔
خیال رہے کہ امریکا اور چین کے درمیان 11 مئی کو تجارتی معاہدے پر اتفاق ہوا ہے جس میں دوطرفہ ٹیرف کا نفاذ 90 دن تک روکنے پر اتفاق کیا گیا ہے۔
رپورٹ میں یہ نہیں بتایا گیا کہ ایپل کی جانب سے آئی فون 17 سیریز کی قیمتوں میں کتنا اضافہ کیا جائے گا۔
اس سے قبل مختلف لیکس میں بتایا گیا تھا کہ آئی فون 17 سیریز میں بیک پر اسکوائر کیمرا سیٹ اپ کو ختم کر دیا جائے گا اور اس کی جگہ نیا ڈیزائن اپنایا جائے گا۔
درحقیقت آئی فونز کا بیک کیمرا ڈیزائن کافی حد تک گوگل پکسل فونز کے پل (pill) کیمرا بار جیسا ہو جائے گا۔
اس سے قبل مختلف رپورٹس میں آئی فون 17 ائیر کے بارے میں کافی لیکس سامنے آئی تھیں۔
یہ نیا فون ایپل کا اب تک کا سب سے پتلا آئی فون ہوگا۔
9 ٹو 5 میک کی ایک رپورٹ کے مطابق آئی فون 17 ائیر ایپل کے آئی فون پرو ماڈلز کے مقابلے میں 25 فیصد پتلا ہوگا۔
درحقیقت یہ کسی بھی کمپنی کی جانب سے تیار کیا جانے والا سب سے پتلا آئی فون ہوگا۔
مزیدپڑھیں:پاک بھارت ایٹمی جنگ،امریکی صدر نے خوفناک انکشاف کرڈالا
ذریعہ
ذریعہ: Daily Ausaf
کلیدی لفظ: آئی فون 17 سیریز کی قیمتوں میں فون 17 ائیر کی جانب سے آئی فونز فونز کی جائے گا
پڑھیں:
عالمی منڈی میں تیل کی قیمتیں 100 ڈالر سے تجاوز کر گئیں
گزشتہ تین ہفتوں سے تیل کی قیمتوں میں مسلسل اضافہ دیکھنے میں آ رہا ہے، جبکہ آج کی ٹریڈنگ کے دوران برینٹ آئل کی قیمت میں اب تک تقریباً 6.5 فیصد اضافہ ریکارڈ کیا گیا۔ اسلام ٹائمز۔ عالمی منڈی میں خام تیل کی قیمتوں میں نمایاں اضافہ ریکارڈ کیا گیا ہے، جہاں برینٹ خام تیل کی قیمت 100 ڈالر فی بیرل کی سطح سے تجاوز کر گئی۔ عالمی ذرائع ابلاغ کی رپورٹوں کے مطابق گزشتہ تین ہفتوں سے تیل کی قیمتوں میں مسلسل اضافہ دیکھنے میں آ رہا ہے، جبکہ آج کی ٹریڈنگ کے دوران برینٹ آئل کی قیمت میں اب تک تقریباً 6.5 فیصد اضافہ ریکارڈ کیا گیا۔ رپورٹ کے مطابق ایران اور خطے کے خلاف امریکی فوجی کارروائیوں کے بعد آبنائے ہرمز اور باب المندب میں بحری نقل و حمل متاثر ہونے اور دوبارہ بندش کے خدشات نے عالمی منڈی میں تیل کی قیمتوں کو اوپر دھکیل دیا، جس کے باعث برینٹ خام تیل کی قیمت 100 ڈالر فی بیرل سے تجاوز کر گئی۔
بھارت سے جنگ اور افغانستان میں کارروائی خارج ازامکان نہیں، وزیردفاع