بھارت کا پاکستانی پائلٹ چاہت فتح علی خان کو گرفتار کرنے کا دعویٰ، گلوکار بھی بول اٹھے
اشاعت کی تاریخ: 13th, May 2025 GMT
بھارت اور پاکستان کے مابین حالیہ کشیدگی کے بعد پاکستان نے بھارتی جارحیت کا منہ توڑ جواب دیتے ہوئے ان کی متعدد ائیر فیلڈ کو تباہ کیا جس کے بعد بھارتی میڈیا یہ دعویٰ کرتے نظر آئے کہ انہوں نے پاکستانی پائلٹ کو گرفتار کر لیا ہے۔
انڈین میڈیا پر پاکستانی پائلٹ کی جو تصویر دکھائی گئی وہ اصل میں کسی پاکستانی پائلٹ کی نہیں بلکہ اپنی انوکھی گلوکاری سے شہرت پانے والے پاکتسانی گلوکار چاہت فتح علی خان کی تھی۔
انڈین میڈیا کی ویڈیوز سوشل میڈیا پر وائرل ہوئیں تو پاکستانی صارفین اس کا مذاق بناتے نظر آئے کہ یہ تو کمال ہو گیا کہ انڈیا نے ہمارا پائلٹ چاہت فتح علی خان پکڑ لیا ہے۔
انڈیا نے ھمارا پائلٹ چاھت فتح علی خان پکڑ لیا ھے۰
شاباش انڈیا تمہیں پاکستان کا یہ پائلٹ پکڑنا مبارک ھو۰
کمال ھو گیا۰۰۰۰???????????? pic.
— بِٹــــــــــــــــــــــــو ???????? (@BIT0420) May 11, 2025
ان ویڈیوز پر ردعمل دیتے ہوئے سوشل میڈیا سینسیشن چاہت فتح علی خان کا بیان بھی سامنے آیا ہے۔ ان کا کہنا ہے کہ جنگ کے دوران انڈین میڈیا چیلنز نے مجھے پاکستانی یونیفارم پہنا دی اور ظاہر کیا کہ میں پاکستانی ایئر فورس کا پائلٹ ہوں جو گرفتار ہوا تھا۔
انہوں نے کہا کہ حیرانگی کی بات یہ ہے کہ بڑی بڑے انڈین اینکرز مجھے یونیفارم پہنا کر بات کرتے رہے ہیں۔ ان کا کہنا تھا کہ انڈیا کی 30 ریاستوں میں میرے فینز ہیں انہوں نے اس خبر کے بعد مجھے فون کرنا شروع کر دیے، یورپ سے فون آئے کہ آپ ٹھیک ہیں۔
چاہت فتح علی خان کا کہنا تھا کہ لوگ انہیں افواجِ پاکستان میں شامل ہونے پر مبارکباد دے رہے تھے۔ ان کا مزید کہنا تھا کہ انڈیا کی خوبصورت اداکاراؤں نے مجھے فون کیے ہیں کہ آپ انڈیا آئے ہیں اور ہم سے ملے بغیر واپس چلے گئے ہیں۔ جس پر میں نے کہا کہ انشاء اللہ پھر آ جائیں گے۔
Indian media didn’t spare Chahat … pic.twitter.com/EbI1WiZf4E
— Murtaza Ali Shah (@MurtazaViews) May 13, 2025
ان کا مزید کہنا تھا کہ بھارتی ایکٹرز نے کہا کہ آپ آئے بمباری کی اور چلے گئے تو میں نے کہا کہ میں شو کرنے کے لیے واپس ضرور آؤں گا۔ چاہت فتح علی خان کا کہنا تھا کہ مجھے خوشی ہے کہ انڈینز مجھ سے کتنا پیار کرتے ہیں کہ آپ نے مجھے پاکستان کی یونیفارم پہنا دی ہے، آپ نے مجھے پکڑ بھی لیا ہے اور میں اس وقت دلی سینٹرل جیل میں قید ہوں۔
چاہت فتح علی خان کا کہنا تھا کہ یہ بھی ویڈیوز آنا شروع ہو گئیں کہ انڈیا نے مجھے مار دیا ہے۔ انہوں نے وضاحت کی کہ میں زندہ ہوں، بھنگڑے ڈال رہا ہوں اس وقت اپنے گھر لاہور میں موجود ہوں۔
یاد رہے کہ چاہت فتح علی خان نے پنجابی گانے ’اکھ لڑی بدوبدی‘ کو اپنے منفرد انداز میں گانے کے بعد شہرت حاصل کی تھی، اس گانے کو پہلی بار ملکہ ترنم نورجہاں نے 1973 میں ریلیز ہونے والی پاکستانی فلم ’بنارسی ٹھگ‘ کے لیے گایا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاک بھارت کشیدگی پاکستانی پائلٹ گرفتار چاہت فتح علی خان رافیل طیارے سیز فائر
ذریعہ
ذریعہ: WE News
کلیدی لفظ: پاک بھارت کشیدگی پاکستانی پائلٹ گرفتار چاہت فتح علی خان رافیل طیارے سیز فائر چاہت فتح علی خان کا ان کا کہنا تھا کہ پاکستانی پائلٹ نے کہا کہ کہ انڈیا انہوں نے نے مجھے کے بعد
پڑھیں:
سیکیورٹی فورسز کی مستونگ میں کارروائی کے دوران فتنہ الہندوستان کے 6 دہشت گرد ہلاک
اسلام آباد: سیکیورٹی فورسز نے مستونگ میں کارروائی کے دوران فتنہ الہندوستان کے 6 دہشت گردوں کو ہلاک اور متعدد کو گرفتار کرلیا. گرفتار شدگان میں سہولت کار سمیت مرد اور خواتین خودکش بمبار بھی شامل ہیں۔بلوچستان میں انٹیلی جنس بیسڈ آپریشن کامیابی سے جاری ہے. سیکیورٹی فورسز نے کارروائیاں تیز کرتے ہوئے دہشت گردوں کے خلاف گھیرا مزید تنگ کردیا۔سیکیورٹی ذرائع کے مطابق سیکیورٹی فورسز نے بلوچستان میں مستونگ کےعلاقہ کھڈ کوچہ میں بروقت کارروائی کرتے ہوئے فتنہ الہندوستان کے 6 دہشت گرد وں کو جہنم واصل کر دیا۔سیکیورٹی ذرائع کے مطابق خفیہ اطلاعات کی بنیاد پر کی گئی سیکیورٹی فورسز کی اس کارروائی کے دوران متعدد دہشت گردوں کو گرفتار بھی کر لیا گیا. گرفتار دہشت گردوں میں سہولت کار سمیت مرد اور خواتین خودکش بمبار بھی شامل ہیں۔سیکیورٹی ذرائع کے مطابق سیکیورٹی فورسز کی مؤثر کاروائی میں دہشت گردوں کی متعدد کمین گاہیں مکمل طور پر تباہ کر دی گئیں. کارروائی کے دوران دہشت گردوں کے ٹھکانوں سے بھاری مقدار میں اسلحہ اور گولہ بارود بھی برآمد کر لیا گیا۔آپریشن کے دوران علاقے میں سرچ اور کلیئرنس کارروائیاں جاری ہیں، سیکیورٹی فورسز کی جانب سے مکمل نگرانی برقرار ہے. حالیہ دنوں میں مستونگ کےعلاقہ کھڈ کوچہ میں دہشتگردوں کی مذموم کاروائیوں کے بعد سیکیورٹی فورسز کی جانب سے انٹیلی جنس بیسڈ آپریشن تیز کر دیے گئے ہیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا