بھارت کے بزدلانہ ڈرون حملے میں شہید ہونیوالے 8 بہنوں کے اکلوتے بھائی کی دردناک کہانی
اشاعت کی تاریخ: 13th, May 2025 GMT
6 اور 7 مئی 2025 کی شب شروع ہونے والے بھارت کے بزدلانہ حملوں کے نتیجے میں کئی معصوم شہریوں، خواتین، بچوں اور بزرگوں کی جانیں ضائع ہوئیں۔ان شہیدوں میں لاہور کے علاقے کوٹ لکھپت کا 20 سالہ چپس فروش حیدر علی بھی شامل تھا جس کی شہادت نے کئی آنکھوں کو نم کردیا۔
رپورٹ کے مطابق حیدر علی پی ایس ایل میچ کے دوران راولپنڈی کرکٹ سٹیڈیم کے نزدیک لگائے گئے فوڈ سٹال پر چپس اور دیگر کھانے پینے کی اشیاءفروخت کرتا تھا اور اسے یہ سٹال لگائے صرف 3 روز ہی گزرے تھے کہ بزدل دشمن کے حملے نے حیدر علی کی زندگی کا چراغ ہمیشہ کیلئے بجھا دیا۔
7 مئی کی شب حیدر علی پنڈی سٹیڈیم کے نزدیک واقع فوڈ سٹریٹ میں ایک ریسٹورنٹ کے شیڈ کے نیچے دوسرے مزدوروں کے ساتھ سورہا تھا، صبح 10 بجے کے قریب بھارت کی جانب سے داغے گئے ڈرون حملے نے حیدر علی کی جان لے لی۔
رپورٹ کے مطابق ڈرون حیدر علی سے آٹکرایا جس کے بعد دھماکا ہوا اور ریسٹورنٹ کے شیشوں سمیت شیڈ بھی گرگیا ، حملے کے دوران حیدر علی سمیت دیگر شہریوں کو شدید چوٹیں آئیں تاہم حیدر زخموں کی تاب نہ لاتے ہوئے بینظیر بھٹو شہید ہسپتال میں دم توڑ گیا۔
حیدر علی کے چچا زاد بھائی نے اردو نیوز کو بتایا کہ ’حید ر اپنے گھر کا واحد کفیل تھا جو چند روز پہلے ہی روزگار کی امید میں راولپنڈی گیا تھا لیکن اس کی میت اس کے آبائی شہر پہنچائی گئی جہاں اسے سپرد خاک بھی کیاجاچکا ہے‘۔
.ذریعہ: Daily Ausaf
کلیدی لفظ: حیدر علی
پڑھیں:
باذن اللہ! صیہونی رجیم دردناک اور تلخ انجام کا سامنا کریگی، سید علی خامنہ ای
دشمن کے حملوں میں چند کمانڈر اور سائنسدان شہید ہوئے۔ ان کے جانشین اور ساتھی ان شاء اللہ فوری طور پر اپنی ذمہ داریاں سنبھال لیں گے۔ آج صبح کے وقت صیہونی حکومت کے حملوں کے بعد رہبر معظم انقلاب اسلامی حضرت آیت اللہ سید علی خامنہ ای کی طرف سے ایران کی عظیم قوم کے نام پیغام جاری کیا گیا ہے۔
پیغام کا متن حسب ذیل ہے:
بسمالله الرحمن الرحیم۔
عظیم ملت ایران!
صیہونی حکومت نے آج صبح ہمارے پیارے وطن کیخلاف اپنے پلید اور خون آلود ہاتھوں سے جنایت انجام دی اور رہائشی مراکز کو نشانہ بنا کر اپنی خباثت کو پہلے سے زیادہ آشکارکیا ہے، اب صیہونی رجیم دردناک انجام کی فکر کرے۔ اسلامی جمہوریہ کی مسلح افواج باذن اللہ انہیں چھوڑیں گی نہیں۔ دشمن کے حملوں میں چند کمانڈر اور سائنسدان شہید ہوئے۔ ان کے جانشین اور ساتھی ان شاء اللہ فوری طور پر اپنی ذمہ داریاں سنبھال لیں گے۔ اس جرم کے بعد صیہونی حکومت ایک تلخ اور دردناک انجام کی مستحق ہے، قطعا اس کو بھگتے گی۔
سید علی خامنہ ای
آلائشیں ٹھکانے لگانے کے بعد گلی محلوں کو عرق گلاب سے دھویا جارہا ہے: کمشنر لاہور