مودی اپنی "فیس سیونگ" کیلئے خطرناک حد تک جاسکتا ہے، عبدالقادر پٹیل
اشاعت کی تاریخ: 13th, May 2025 GMT
قومی اسمبلی اجلاس میں اظہار خیال کرتے ہوئے رکن قومی اسمبلی کا کہنا تھا کہ بھارتی وزیراعظم لاشوں پر سیاست کرتا ہے، بھارتی وزیراعظم کسی بھی سازش تک جاسکتا ہے، ہمیں ہر وقت چوکنا رہنا ہوگا، سیز فائر اور جنگ بندی اپنی جگہ، بھارتی وزیراعظم اپنی فیس سیونگ کیلئے خطرناک حد تک جاسکتا ہے۔ اسلام ٹائمز۔ پاکستان پیپلز پارٹی کے رکن قومی اسمبلی عبدالقادر پٹیل نے کہا ہے کہ مودی اپنی "فیس سیونگ" کیلئے خطرناک حد تک جاسکتا ہے۔ قومی اسمبلی اجلاس میں اظہار خیال کرتے ہوئے رکن قومی اسمبلی عبدالقادر پٹیل نے کہا کہ ہندوستان کو دہشت گردی کے ثبوت چاہئیں تو ہم سے لیں، بھارت کا ہر شہری اپنی حکومت سے سوال کرے۔ انہوں نے کہا کہ پلوامہ سے پہلگام تو تمہیں نظر آتا ہے، پاکستان میں ہونے والی دہشتگردی ہندوستان کی نظروں سے اوجھل کیوں ہے۔؟ مودی اس وقت شکست خوردہ ہے، مودی اپنی سیاسی شہرت کیلئے لاشیں مانگتا ہے۔
عبدالقادر پٹیل کا کہنا تھا کہ مودی لاشوں پر سیاست کرتا ہے، مودی کسی بھی سازش تک جاسکتا ہے، ہمیں ہر وقت چوکنا رہنا ہوگا، سیز فائر اور جنگ بندی اپنی جگہ، مودی اپنی فیس سیونگ کیلئے خطرناک حد تک جاسکتا ہے۔ رکن قومی اسمبلی نے کہا کہ مودی نے پاکستان میں دہشتگردی کرائی، ہم مودی کا جواب دینے کیلئے ہر وقت تیار بیٹھے ہیں، افواج پاکستان نے کمال کر دیا ہے، ہندوستان کو رافیل پر بڑا ناز تھا، جس کے شروع میں "را" لگے اس نے تو فیل ہونا ہی ہے۔ عبدالقادر پٹیل نے کہا کہ رافیل گرا تو فرانس کے صدر نے کہا یہ کیا ہوا؟، یہودیوں کے ڈرونز گرے تو نیتن یاہو نے کہا یہ کیا ہوا۔؟ امریکی ٹرمپ فوراً درمیان میں کود پڑے کہ کوئی چیز ہماری نہ گرا دیں۔
ذریعہ
ذریعہ: Islam Times
کلیدی لفظ: رکن قومی اسمبلی عبدالقادر پٹیل مودی اپنی فیس سیونگ نے کہا کہ
پڑھیں:
اداکار شان بیگ اور روما مائیکل رشتۂ ازدواج میں منسلک، مداحوں کو خوشخبری سنا دی
پاکستانی شوبز انڈسٹری کے معروف اداکار شان بیگ اور ماڈل سے اداکارہ بننے والی روما مائیکل نے خاموشی سے شادی کرلی۔
اس خوشخبری کا اعلان شان بیگ نے سوشل میڈیا کے ذریعے کیا، جہاں انہوں نے اپنی اہلیہ روما مائیکل کے ساتھ ایک تصویر شیئر کی، جس پر ’Wifey‘ کا اسٹیکر بھی نمایاں تھا۔ بعد ازاں روما مائیکل نے بھی یہی تصویر اپنے انسٹاگرام اکاؤنٹ پر شیئر کرکے اس خبر کی تصدیق کردی۔
شادی کی خبر سامنے آتے ہی مداحوں، شوبز شخصیات اور ساتھی فنکاروں کی جانب سے مبارکباد اور نیک تمناؤں کا سلسلہ شروع ہوگیا۔ روما مائیکل نے اپنی انسٹاگرام اسٹوریز پر موصول ہونے والے متعدد مبارکبادی پیغامات بھی شیئر کیے، جن میں ان کی خوشحال ازدواجی زندگی کے لیے دعائیں کی گئیں۔
اس خوشخبری کے کچھ ہی دیر بعد شان بیگ نے ایک تفصیلی بیان جاری کرتے ہوئے مداحوں اور میڈیا سے اپنی نجی زندگی کا احترام کرنے کی درخواست کی۔ انہوں نے بتایا کہ ان کی سابقہ اہلیہ سے طلاق کا عمل کافی عرصہ پہلے مکمل ہوچکا تھا اور دونوں اپنی اپنی زندگی میں آگے بڑھ چکے ہیں۔ اداکار کے مطابق اب انہوں نے امید، خوشی اور شکرگزاری کے ساتھ زندگی کے ایک نئے باب کا آغاز کیا ہے۔
شان بیگ نے اپنے پیغام میں لوگوں سے اپیل کی کہ وہ ماضی کو ماضی رہنے دیں اور افواہوں، قیاس آرائیوں یا غیر ضروری موازنوں سے گریز کریں۔ ان کا کہنا تھا کہ اس وقت ان کی تمام تر توجہ اپنی نئی ازدواجی زندگی، خاندان، بطور والد اپنی ذمہ داریوں اور مستقبل پر مرکوز ہے۔
شان بیگ پاکستان میں متعدد کامیاب ڈراموں میں اداکاری کے جوہر دکھا چکے ہیں، جبکہ بین الاقوامی سطح پر بھی انہوں نے اپنی صلاحیتوں کا لوہا منوایا ہے۔ وہ حال ہی میں ہالی ووڈ سیریز ’Deli Boys‘ کے دوسرے سیزن میں بھی نظر آئے تھے۔ اداکاری کے ساتھ ساتھ وہ فیشن انفلوئنسر کے طور پر بھی خاصی شہرت رکھتے ہیں اور انہیں 2023 اور 2024 میں فلم فیئر مڈل ایسٹ کی جانب سے ’فیشن انفلوئنسر آف دی ایئر‘ کا اعزاز بھی دیا جا چکا ہے۔
دوسری جانب روما مائیکل نے بطور ماڈل اپنی شناخت قائم کرنے کے بعد اداکاری کے میدان میں قدم رکھا۔ وہ 2023 اور 2024 میں پاکستان کی نمائندگی کرتے ہوئے ’مس چارم‘ اور ’مس گرینڈ بیوٹی‘ پیجنٹس میں بھی شریک رہیں، جبکہ فلم ’کہے دل جدھر‘ سمیت متعدد پراجیکٹس میں اپنی اداکاری کے باعث بھی توجہ حاصل کر چکی ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار