شہباز شریف کا رجب طیب اردوان کی پاکستانی عوام کی حمایت اور یکجہتی پر خیر مقدم
اشاعت کی تاریخ: 14th, May 2025 GMT
سماجی رابطے کی ویب سائٹس "ایکس" پر اپنے پیغام میں وزیراعظم کا کہنا تھا کہ پاکستان کو ترکیہ کے ساتھ اپنے دیرینہ برادرانہ تعلقات پر فخر ہے۔ اسلام ٹائمز۔ وزیراعظم شہباز شریف نے ترکیہ کے صدر کی جانب سے پاکستان کی بھرپور حمایت اور یکجہتی کا خیرمقدم کیا ہے۔ سماجی رابطے کی ویب سائٹس "ایکس" پر اپنے پیغام میں شہباز شریف کا کہنا تھا کہ پاکستان کو ترکیہ کے ساتھ اپنے دیرینہ برادرانہ تعلقات پر فخر ہے۔ انہوں نے کہا کہ دونوں ملکوں کےتعلقات ہر نئے چیلنج کےساتھ مزید مضبوط ہوئے ہیں، جنوبی ایشیا میں امن کے فروغ کے لیے ترک صدر کے تعمیری کردار پر شکرگزار ہوں۔ اپنے پیغام میں وزیراعظم نے دونوں ملکوں کے عوام کے روشن اور خوشحال مستقبل کی تعمیر کے لیے مل کر کام کرنے کا عزم بھی کیا۔
.ذریعہ: Islam Times
پڑھیں:
وزیراعظم شہباز شریف نے پاکستان کے نئے سفیروں کی تعیناتی کی منظوری دیدی
وزیراعظم شہباز شریف نے پاکستان کے نئے سفیروں کی تعیناتی کی منظوری دے دی۔
ذرائع کے مطابق وزیر خارجہ اسحاق ڈار کی سفارش پر دو تعیناتیوں کے لیے بھیجی گئی سمری منظور کر لی گئی ہے، پاکستان نے متحدہ عرب امارات اور روس میں نئے سفیر تعینات کرنے کا فیصلہ کیا ہے۔
ذرائع نے بتایا کہ شفقت علی خان کو متحدہ عرب امارات میں پاکستان کا سفیر تعینات کرنے کی منظوری دی گئی ہے جو کہ اس وقت وزارت خارجہ کے ترجمان ہیں۔
ذرائع کے مطابق شفقت علی خان اس سے پہلے پولینڈ اور روس میں پاکستان کے سفیر رہ چکے ہیں۔
ذرائع نے بتایا کہ امارات میں بطور پاکستانی سفیر موجود فیصل نیاز ترمذی کو روس میں نیا سفیر تعینات کرنے کی منظوری دے دی گئی ہے۔
ذرائع کے مطابق روس میں موجود پاکستانی سفیر خالد جمالی وزارت خارجہ میں ایڈیشنل سیکریٹری تعینات ہوں گے۔
کراچی میں دہشتگردوں کی فائرنگ، مولانا رجب علی بنگش کے بیٹے سمیت 2 افراد شہید، 3 زخمی