مودی انتقام کی آگ میں جل رہا ہوگا، آپ نے الرٹ رہنا ہے، عمران خان کا پیغام
اشاعت کی تاریخ: 13th, May 2025 GMT
پاکستان تحریک انصاف (پی ٹی آئی) کے بانی عمران خان نے کہا ہے کہ نریندر مودی اس وقت انتقام کی آگ میں جل رہا ہوگا، آپ نے الرٹ رہنا ہے۔
بانی پی ٹی آئی کی ہمشیرہ علیمہ خان نے عمران خان سے جیل میں ملاقات کے بعد میڈیا سے گفتگو کرتے ہوئے بتایا کہ عمران خان کا کہنا ہے کہ مودی پاکستان سے سخت نفرت کرتا ہے، اور کسی بھی وقت پاکستان پر حملہ کر سکتا ہے۔
یہ بھی پڑھیں پاک فضائیہ کی جانب سے بھارتی فضائیہ کو پہنچائے گئے نقصان کی تفصیلات سامنے آگئیں
واضح رہے کہ آج عمران خان کی تینوں بہنوں نے اڈیالہ جیل میں بھائی سے ملاقات کی، جس کے بعد میڈیا سے گفتگو بھی کی۔
علیمہ خان نے کہاکہ ہم نے عمران خان کو پاک بھارت کشیدگی کے حوالے سے بتایا کہ قوم کس قدر جذبے سے سرشار تھی اور کوئی خوف نہیں تھا۔
انہوں نے کہاکہ عمران خان کا کہنا تھا کہ جنگ میں فوری جواب دینا بہت اہم ہوتا ہے۔
علیمہ خان نے کہاکہ ہم نے عمران خان کو بتایا کہ فوج کے ساتھ عوام نے بھی بھارت کو بھرپور جواب دیا ہے، اور سوشل میڈیا وار میں بھی پاکستان نے فتح حاصل کی ہے، جس پر عمران خان کا کہنا تھا کہ اب بھارت پاکستان پر معاشی حملہ کر سکتا ہے۔
عمران خان کا کہنا تھا کہ جنگ کے دوران لوگوں کی سپورٹ بہت اہم ہوتی ہے، ہم نے لوگوں کو انصاف مہیا کرنا ہے۔
علیمہ خان نے کہاکہ عمران خان کا کہنا ہے کہ جب بھارت سے مذاکرات ہوں گے تو مودی کے سامنے کون بولے گا۔
بانی پی ٹی آئی کی ہمشیرہ کے مطابق عمران خان نے کہاکہ جنید اکبر کو ساری توجہ پارٹی کی تنظیم سازی پر دینی چاہیے، اگر وہ ساتھ میں پی اے سی کی چیئرمین شپ بھی چلا سکتے ہیں تو بے شک عہدہ اپنے پاس ہی رکھیں۔
یہ بھی پڑھیں ہمارے والد کو سزائے موت کی دھمکیاں مل رہی ہیں، رہائی کیلئے ٹرمپ سے اپیل کریں گے، عمران خان کے بیٹوں کا انٹرویو
علیمہ خان نے کہاکہ ہم نے جب کہاکہ اس وقت آپ کو جیل سے باہر ہونا چاہیے تھا، تاہم انہوں نے اس پر کوئی بات نہیں کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بانی پی ٹی آئی پاک بھارت جنگ جیل سے پیغام علیمہ خان عمران خان مودی سرکار وی نیوز.ذریعہ: WE News
کلیدی لفظ: بانی پی ٹی ا ئی پاک بھارت جنگ جیل سے پیغام علیمہ خان مودی سرکار وی نیوز علیمہ خان نے کہاکہ عمران خان کا کہنا پی ٹی ا ئی
پڑھیں:
راولپنڈی پولیس نے عمران خان کی بہنوں کو تحویل میں لے لیا
راولپنڈی (ڈیلی پاکستان آن لائن)پولیس نے بانیٔ پی ٹی آئی کی بہنوں علیمہ خان اور نورین نیازی کو داہگل ناکے پر تحویل میں لے لیا۔ پولیس علیمہ خان اور نورین نیازی کو وین میں لے کر چکری انٹرچینج روانہ ہو گئی۔
علیمہ خان نے پی ٹی آئی کے کارکنوں کے ہمراہ اڈیالہ جیل کے قریب داہگل ناکے پر دھرنا دے رکھا تھا۔ اس موقع پر دھرنے کی وجہ سے اڈیالہ روڈ پر ٹریفک کی روانی متاثر ہوئی اور گاڑیوں کی قطاریں لگ گئی تھیں۔دھرنے میں سلمان اکرم راجہ، نیاز اللّٰہ نیازی، نعیم پنجوتھا و دیگر وکلاء بھی علیمہ خان کے ساتھ موجود تھے۔
چھاتی کے کینسر سے نمٹنے کیلئے ہر شعبے کو مل کراپنا کردارادا کرنا ہو گا،آصفہ بھٹوزرداری
علیمہ خان نے بیرسٹر سلمان اکرم راجہ کے ہمراہ میڈیا سے گفتگو میڈیا کرتے ہوئے کہا تھا کہ یہ چاہیں تو رات 12 بجے بھی بانیٔ پی ٹی آئی سے ملاقات کرا سکتے ہیں، مجھے 3 ماہ سے جبکہ دیگر بہنوں کو 6 ہفتوں سے ملاقات کرانے نہیں دی گئی۔ان کا کہنا تھا کہ آج ہم اڈیالہ جیل ملاقات کے لیے آئے تھے، ہمیں جیل سے دور روکا گیا، میں نے ضمانت نہیں کرائی ہے، حراست میں لینا ہے تو لے لیں، ہمیں سمجھ نہیں آ رہی کہ ہم انصاف کے لیے کہاں جائیں؟ موجودہ حکومت کو اپنا ڈر ہے، یہ بانیٔ پی ٹی آئی کو تنہا کرنا چاہتے ہیں، ہم جیل کے باہر بیٹھ جائیں گے کیونکہ ملاقات کرنے نہیں دی جاتی، اگر ملاقات کرنے نہیں دی گئی تو ہم آج یہیں بیٹھے رہیں گے۔
میو ہسپتال میں نرسنگ افسران پر کرپشن الزامات، محکمہ صحت کی تحقیقات شروع
بعد میں بیرسٹر سلمان اکرم راجہ اڈیالہ جیل سے واپس روانہ ہو گئے تھے اور دھرنے کے باعث اڈیالہ روڈ کو کلیئر کرکے ٹریفک کی روانی بحال کردی گئی تھی، تاہم علیمہ خان اپنی بہن نورین نیازی کے ہمراہ اڈیالہ جیل کے قریب داہگل ناکے پر موجود تھیں۔پولیس حکام نے علیمہ خان اور نورین نیازی سے واپس جانے کی درخواست کی تھی تاہم انہوں نے دھرنا ختم کرنے سے انکار کر دیا تھا۔
مزید :
مرسڈیزگاڑیوں کی ورکشاپ میں آگ لگ گئی، 15 سے زائد گاڑیاں جل گئیں