"شیطان دستیاب نہیں تو ٹونی بلیئر کو بلاؤ"، سابق برطانوی وزیراعظم کے ہاتھوں غزہ کے انتظام و انصرام پر عالمی صارفین کا دلچسپ تبصرہ
اشاعت کی تاریخ: 27th, September 2025 GMT
جنگ کے بعد غزہ کی پٹی کے عارضی انتظام و انصرام کو سابق برطانوی وزیراعظم کے ہاتھ سونپ دیئے جانیکی خبروں پر تبصرہ کرتے ہوئے عالمی صارفین کا لکھنا ہے کہ "ایک جنگی مجرم" اس خطے میں واپس پلٹنے والا ہے! اسلام ٹائمز۔ وال سٹریٹ جورنل سمیت معروف عالمی میڈیا نے مغربی ایشیائی خطے میں ٹونی بلیئر کی واپسی کی خبر دیتے ہوئے، مغربی ایشیا کے حوالے سے اس سابق برطانوی وزیر اعظم کے "سیاہ ریکارڈ" کی ایک مرتبہ پھر یاددہانی کروائی ہے۔ رپورٹ کے مطابق ٹونی بلیئر نے سال 1997 سے لے کر 2007 تک، برطانیہ کی وزارت عظمی کے دوران، سال 2003 میں عراق پر حملے میں کلیدی کردار ادا کیا تھا۔ اس وقت کے امریکی صدر جارج ڈبلیو بش کے اہم اتحادیوں میں سے ایک کے طور پر، ٹونی بلیئر نے عراق کے خلاف فوجی اتحاد میں شمولیت کا اعلان کرتے ہوئے برطانوی افواج کو اس آپریشن میں باقاعدہ حصہ لینے کے لئے خطے میں بھیجا۔ رپورٹ کے مطابق عراق کے خلاف غیر قانونی جارحیت کے حوالے سے اٹھائے جانے والے تمام اہم فیصلوں میں ٹونی بلیئر براہ راست ملوث رہا کہ جن میں اس غیر قانونی حملے کے لئے سفارتی حمایت اور برطانوی پارلیمنٹ میں جھوٹی انٹیلیجنس رپورٹس پیش کرنا بھی شامل ہے کہ جن میں سے ایک جو "ستمبر فائل" کے نام سے مشہور ہے، میں یہ دعوی بھی کیا گیا تھا کہ "عراق کے پاس بڑے پیمانے پر تباہی پھیلانے والے ہتھیار (WMD) موجود ہیں"۔
ٹونی بلیئر نے عراق کے خلاف حملے کا جواز پیش کرتے ہوئے نہ صرف یہ دعوی کیا کہ عراق کے پاس بڑے پیمانے پر تباہی پھیلانے والے ہتھیار (WMD) موجود ہیں اور صدام حسین خطے سمیت دنیا بھر کے لئے خطرہ ہے، اس سابق برطانوی وزیر اعظم نے اس بات پر بھی اصرار کیا تھا کہ عراق نے اقوام متحدہ کی قراردادوں کی بھی کھلی خلاف ورزی کی ہے اور صدام حکومت کا "القاعدہ" کے ساتھ براہ راست تعلق ہے جبکہ اس بارے بعد میں ثابت ہو گیا کہ القاعدہ کو خود امریکہ نے ہی برطانیہ سمیت مختلف یورپی ممالک اور اسرائیل کی مدد سے، اپنے مذموم سیاسی مقاصد کے حصول کے لئے، تشکیل دے رکھا ہے، نیز بعد ازاں خود مغربی ماہرین و حکام کی جانب سے فراہم کردہ دستاویزات سے یہ بات بھی غلط ثابت ہو گئی کہ عراق کے پاس وسیع پیمانے پر تباہی پھیلانے والے ہتھیار موجود ہیں کہ جس کی بنیاد پر خود برطانیہ ہی کی متعدد معتبر شخصیات نے ٹونی بلیئر کو "پارلیمنٹ کو گمراہ کرنے" اور "جنگی جرائم کے ارتکاب" پر مورد الزام ٹھہرایا۔
اس پس منظر اور انتہاء پسند امریکی صدر ڈونلڈ ٹرمپ کے ساتھ اس سابق برطانوی وزیر اعظم کے گہرے تعلقات کی روشنی میں، عالمی صارفین نے، جنگ کے بعد غزہ پر حکومت کے لئے اسی برطانوی حکمران کی مغربی ایشیا میں واپسی سے متعلق اطلاعات پر دلچسپ تبصرہ کیا ہے۔ اس حوالے سے "وسیع بمباری" کو "ٹونی بلیئر کی کلیدی مہارتوں میں سے ایک" قرار دیتے ہوئے ایک معمر صارف نے سوال و جواب کی شکل میں لکھا کہ؛
سوال: "مسٹر بلیئر، مشرق وسطی پر حکومت میں اہم کردار سنبھالنے کے لئے تمہاری اہلیت کیا ہے؟"
جواب: "میں مشرق وسطی سے واقف ہوں کیونکہ میں نے اس پر بمباری کی ہے"۔ ایک دوسرے صارف نے "بلیئر ہی کیوں؟.
واضح رہے کہ اپنی رپورٹ میں وال سٹریٹ جورنل نے اعلان کیا ہے کہ امریکہ، مسٹر ٹونی بلیئر کو کئی سالوں کے لئے "انٹرنیشنل ٹرانزیشنل اتھارٹی فار غزہ" نامی مبینہ ادارے کا سربراہ مقرر کرنے پر غور کر رہا ہے۔ ادھر ماہرین نے، "بلیئر و ٹرمپ کے درمیان اچھے تعلقات" کے ساتھ ساتھ "عراق پر حملے میں برطانیہ سے متعلق تمام امریکی مطالبات کی کھلی حمایت پر مبنی ٹونی بلیئر کے وسیع ریکارڈ" کو بھی اس انتخاب کی اہم ترین وجوہات میں سے قرار دیا ہے۔
ذریعہ
ذریعہ: Islam Times
کلیدی لفظ: ایک دوسرے صارف نے سابق برطانوی ٹونی بلیئر کرتے ہوئے جنگی مجرم بلیئر نے عراق کے کے ساتھ لکھا کہ تھا کہ کے لئے کے بعد سے ایک
پڑھیں:
کیا فواد خان نے بھی سرجری کروالی؟ نئی تصاویر پر سوشل میڈیا پر بحث
پاکستانی شوبز انڈسٹری کے معروف اداکار اور گلوکار فواد خان ایک بار پھر اپنے منفرد انداز کی وجہ سے سوشل میڈیا پر توجہ کا مرکز بن گئے ہیں۔ حال ہی میں ان کی نئی تصاویر سامنے آئیں، جن میں ان کی شخصیت اور چہرے کے خدوخال پہلے کے مقابلے میں کچھ مختلف دکھائی دیے، جس کے بعد مداحوں کے درمیان دلچسپ بحث چھڑ گئی۔
سوشل میڈیا پر وائرل ہونے والی ان تصاویر نے چند ہی لمحوں میں صارفین کی توجہ حاصل کرلی۔ متعدد افراد نے فواد خان کے نئے انداز پر اپنے خیالات کا اظہار کیا، جبکہ تصاویر مختلف پلیٹ فارمز پر تیزی سے گردش کرنے لگیں۔
بعض مداحوں کا کہنا ہے کہ فواد خان ہر روپ میں پرکشش دکھائی دیتے ہیں اور ان کی شخصیت ہمیشہ کی طرح متاثر کن ہے۔ کچھ صارفین نے رائے دی کہ اداکار کے نئے چہرے کے نقوش معروف ترک اداکاروں سے کافی حد تک مشابہت رکھتے ہیں، جس کی وجہ سے ان کا انداز مزید منفرد محسوس ہو رہا ہے۔
View this post on Instagramدوسری جانب کچھ سوشل میڈیا صارفین نے اس نئے لک پر تنقید بھی کی۔ ان کا دعویٰ تھا کہ فواد خان نے کم عمر دکھائی دینے کے لیے ممکنہ طور پر مختلف کاسمیٹک یا سرجیکل طریقۂ کار اختیار کیے ہیں، تاہم اداکار کی جانب سے ان قیاس آرائیوں پر کوئی ردعمل سامنے نہیں آیا۔
اگرچہ تصاویر پر مختلف آرا سامنے آرہی ہیں، لیکن فواد خان کا نیا انداز ایک بار پھر ثابت کر گیا کہ وہ جہاں بھی نظر آئیں، مداحوں اور سوشل میڈیا صارفین کی توجہ اپنی جانب مبذول کر ہی لیتے ہیں۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی