پاکستانی امریکن بزنس مین انوش احمد کا پاکستان کی مسلح افواج کو بھارت کیخلاف فیصلہ کن کارروائی پر خراج تحسین
اشاعت کی تاریخ: 14th, May 2025 GMT
اسلام آباد(نیوز ڈیسک) معروف پاکستانی امریکن بزنس مین ڈاکٹر انوش احمد نے کہا ہے کہ پاکستان کی مسلح افواج نے بھارتی جارحیت کا پیشہ ورانہ انداز میں بھرپور اور موثر جواب دیا ہے۔ انہوں نے وطن عزیز کے دفاع کیلئے پاک فوج کی آپریشنل کارکردگی اور غیر متزلزل عزم کی تعریف کرتے ہوئے کہا کہ یہ دنیا کے لئے ایک واضح پیغام ہے کہ پاکستان اپنی سا لمیت اور عوام کے تحفظ کیلئے ہمہ وقت تیار ہے۔ اپنے ایک بیان میں ڈاکٹر انوش احمد نے مسلح افواج کی بہادری، ہمت ، نظم و ضبط اور موثرردعمل کو خراج تحسین پیش کرتے ہوئے کہا کہ مسلح افواج نے ایک بار پھر ثابت کیا کہ پاکستان متحد ہے اور اپنی علاقائی سا لمیت کے دفاع کی بھرپور صلاحیت رکھتا ہے۔ انہوں نے واضح کیا کہ پاکستان نے اشتعال انگیزی کی صورت میں امن اور سا لمیت کیلئے اپنے عزم کو برقرار رکھتے ہوئے ہمیشہ تحمل کا مظاہرہ کیا ۔ ڈاکٹر احمد نے عوام کے اپنے دفاع کے حق کیلئے حمایت اور مسلسل جارحیت کے باوجود ان کے حوصلے اور ثابت قدمی کو سراہا۔ڈاکٹر انوش احمد نے عالمی طاقتوں پر زور دیا کہ وہ مقبوضہ جموں و کشمیر میں طویل ناانصافیوں اور انسانی حقوق کی سنگین خلاف ورزیوں کا ادراک کریں جو پاکستان اور بھارت کے درمیان تنازعہ کی بنیادی وجہ ہے۔انہوں نے زوردیا کہ کسی بھی منصفانہ اور پائیدار حل میں کشمیری عوام کی خواہشات اور وقار کا احترام لازم ہے ۔ انہوں نے تحمل و برداشت پر زور دیتے ہوئے کہا کہ میں اس بات پر پختہ یقین رکھتا ہوں کہ جنگ کبھی بھی کسی مسئلے کا حل نہیں ہوتی، امن بزورطاقت نہیں بلکہ انصاف، باہمی احترام اور علاقائی ہم آہنگی کیلئے سنجیدگی کی بنیاد پر قائم ہوسکتا ہے۔ڈاکٹر انوش احمد نےکہا کہ بھارت مسلسل جارحیت اور اشتعال انگیزی جاری رکھے ہوئے ۔ان کا کہنا تھا کہ ہر غلط قدم ہمیں بہت پیچھے دھکیل دیتا ہے۔ علاقائی امن صرف خواہش نہیں ہے بلکہ یہ انتہائی ضروری ہے۔ تاریخ نے ثابت کیا ہے کہ تنازعات سے مشکلات اور تکالیف ہی جنم لیتی ہیں۔یہ تاریخ سے سیکھنے کا وقت ہے۔ انہوں نے کہا کہ آئیں ہم نفرت کی میراث آئندہ نسلوں کو منتقل نہ کریں۔آئیں، ایسا جنوبی ایشیا تعمیر کریں جہاں تصادم کی بجائے تعاون اور امن ہو ۔ ان کا کہنا تھا کہ حقیقی ترقی کا دارومدار امن پر ہے۔ امن کے بغیر خوشحالی کا خواب چکنا چور ہوجاتا ہے۔
Post Views: 5.ذریعہ: Daily Mumtaz
کلیدی لفظ: ڈاکٹر انوش احمد نے کہ پاکستان مسلح افواج انہوں نے کہا کہ
پڑھیں:
بھارت کے ساتھ نیا تجارتی معاہدہ دونوں ملکوں کے لیے تاریخی ہوگا، ٹرمپ کا اعلان
data-id="863a0a8" data-element_type="widget" data-widget_type="theme-post-content.default">
واشنگٹن: امریکی صدر ڈونلڈ ٹرمپ نے ایک نئے تجارتی معاہدے کا اعلان کرتے ہوئے کہا ہے کہ امریکا اور بھارت کے درمیان تعلقات ایک نئے دور میں داخل ہونے جا رہے ہیں۔
بین الاقوامی خبر رساں اداروں کے مطابق وائٹ ہاؤس میں منعقدہ تقریب میں خطاب کرتے ہوئے ٹرمپ نے کہا کہ یہ ڈیل ماضی کے تمام معاہدوں سے بالکل مختلف ہوگی اور اس سے دونوں ممالک کو زبردست اقتصادی فوائد حاصل ہوں گے۔ اس نئے معاہدے سے دوطرفہ تجارت کو وسعت ملے گی، سرمایہ کاری بڑھے گی اور کاروباری مواقع میں خاطرخواہ اضافہ ہوگا۔
صدر ٹرمپ نے بھارت کے روس سے تیل کی خریداری ختم کرنے کے فیصلے کو خوش آئند قرار دیتے ہوئے کہا کہ امریکا اس عمل میں بھارت کی مکمل مدد کرے گا تاکہ توانائی کے شعبے میں نئی راہیں کھل سکیں۔ انہوں نے عندیہ دیا کہ واشنگٹن جلد بھارت پر عائد محصولات میں کمی کے اقدامات کرے گا تاکہ تجارتی تعلقات کو مزید مضبوط بنیاد فراہم کی جا سکے۔
ٹرمپ نے اعتراف کیا کہ گزشتہ کچھ عرصے میں دونوں ملکوں کے تعلقات میں کچھ تناؤ ضرور آیا تھا، مگر اب حالات بہتر ہو رہے ہیں۔ انہوں نے کہا کہ فی الحال بھارت ہمیں پسند نہیں کرتا، لیکن مجھے یقین ہے کہ وہ جلد ہی دوبارہ امریکا کو پسند کرنے لگے گا۔
اپنے خطاب میں صدر ٹرمپ نے شام، ترکی اور اسرائیل کے تعلقات پر بھی روشنی ڈالتے ہوئے کہا کہ امریکا ان ممالک کے درمیان استحکام کے لیے مصروفِ عمل ہے۔ انہوں نے کہا کہ شام کے ساتھ تعلقات کی بہتری مشرق وسطیٰ میں امن کے لیے نہایت ضروری ہے اور واشنگٹن اس مقصد کے لیے اسرائیل کے ساتھ مل کر کام کر رہا ہے۔
ٹرمپ نے امریکی حکومت کے شٹ ڈاؤن پر گفتگو کرتے ہوئے دعویٰ کیا کہ انہیں ڈیموکریٹس کی حمایت حاصل ہے اور جلد ہی حکومت معمول کے مطابق کام کرنے لگے گی۔ انہوں نے کہا کہ سیاسی اختلافات وقتی ہیں، مگر عوامی مفاد میں تمام فریقین کو ایک ساتھ آنا ہوگا۔
اپنے خطاب کے اختتام پر صدر ٹرمپ نے بھارت میں نئے امریکی سفیر کی تقرری کا اعلان کیا۔ انہوں نے بتایا کہ سرجیو گور بھارت کے لیے امریکی سفیر مقرر کیے گئے ہیں، جنہوں نے اپنے عہدے کا حلف بھی اٹھا لیا ہے۔
جامعات میں 200+ افغان اسٹوڈنٹس کے زیرِتعلیم ہونے کا انکشاف