زرمبادلہ کی مارکیٹ میں ڈالر کی قدر میں اضافے کا سلسلہ جاری
اشاعت کی تاریخ: 14th, May 2025 GMT
کراچی:
نئے وفاقی بجٹ کی 290 روپے کے شرح تبادلہ پر تیاری، پاکستان پر واجب الادا قرضوں کے بڑھتے ہوئے حجم اور خام تیل کی عالمی قیمتوں میں اضافے کے رحجان سے زرمبادلہ کی دونوں مارکیٹوں میں بدھ کو بھی ڈالر کی قدر میں اضافے کا تسلسل برقرار رہا۔
عالمی مالیاتی ادارہ (آئی ایم ایف) سے ایک ارب 2کروڑ 30لاکھ ڈالر کی قسط موصول ہونے اور مثبت سینٹیمنٹس کے باعث زرمبادلہ کی دونوں مارکیٹوں میں ڈالر کی قدر میں اضافہ محدود رہا۔
انٹربینک مارکیٹ میں کاروباری دورانیے کے دوران ڈالر کی قدر میں ایک موقع پر 15پیسے کی کمی بھی واقع ہوئی، جس سے ڈالر 281 روپے 52پیسے کی سطح پر آگیا تھا لیکن معیشت میں درآمدی نوعیت کی طلب بڑھنے سے بعد دوپہر ڈالر کی قدر میں اضافے کا سلسلہ شروع ہوا۔
کاروبار کے اختتام پر ڈالر کی قدر 4 پیسے کے محدود اضافے سے 281روپے 71پیسے کی سطح پر بند ہوئی۔
اوپن کرنسی مارکیٹ میں بھی ڈالر کی قدر 3 پیسے کے محدود اضافے سے 283روپے 72پیسے کی سطح پر بند ہوئی۔
.ذریعہ: Express News
کلیدی لفظ: ڈالر کی قدر میں میں اضافے
پڑھیں:
سٹاک مارکیٹ میں نیا ریکارڈ، انڈیکس ایک لاکھ 69 ہزار پوائنٹس کی حد کو چھو گیا
سرمایہ کاروں کا اعتماد بحال ہونے سے پاکستان سٹاک ایکسچینج میں ریکارڈ پر ریکارڈ بننے لگے۔کاروباری ہفتے کے پانچویں اورآخری روز بھی کاروبار کے آغاز پر سٹاک مارکیٹ میں زبردست تیزی دیکھنے میں آئی، جس سے پاکستان سٹاک ایکسچینج میں 100 انڈیکس ایک لاکھ 69 ہزار پوائنٹس کی حد بھی عبور کر گیا۔کاروبار کے دوران 900 سے زائد پوائنٹس کے اضافے کے ساتھ سٹاک مارکیٹ میں ہنڈرڈ انڈیکس ایک لاکھ 69 ہزار 450 پوائنٹس کی بلند ترین سطح پر پہنچ گیا ہے۔واضح رہے گزشتہ کاروباری روز کے اختتام پر انڈیکس 2849 پوائنٹس کے اضافے کیساتھ 1 لاکھ 68 ہزار 489 پوائنٹس کی سطح پر بند ہوا تھا۔
نیش کپ اسکواش ٹورنامنٹ، پاکستان نے فائنل جیت لیا