انڈیا کا جنوبی ایشیا پر بالادستی کا خواب 10 مئی کے چند گھنٹوں میں چکنا چور ہوگیا، لیاقت بلوچ
اشاعت کی تاریخ: 14th, May 2025 GMT
جماعت اسلامی کے نائب امیر نے کہا ہے کہ آزادی کشمیر اور حقِ خودارادیت کے حصول کے جدوجہد کی تحریک کو دہشت گرد تحریک قرار دینا بھارت کا بہت بڑا جھوٹ اور اقوامِ متحدہ کے چارٹر کی صریح خلاف ورزی ہے۔ اسلام ٹائمز۔ نائب امیر جماعت اسلامی، صدر مجلسِ قائمہ سیاسی قومی امور لیاقت بلوچ نے کہا ہے کہ پہلگام سانحہ کی بنیاد پر انڈیا کے فالس فلیگ جنگی جنون نے خود اس کو ہی بڑا نقصان پہنچایا ہے، انڈیا کا جنوبی ایشیا پر بالادستی کا خواب 10 مئی کے چند گھنٹوں میں چکنا چور ہوگیا انڈیا کے جنگی جنون نے ایشیا کو یونی پولر کی بجائے بائی پولر بنادیا ہے۔ مغرب کے اسلحہ کی برتری کا دبدبہ اور بھرم ٹوٹ گیا اور چین باقاعدہ امریکہ کے ہم پلہ طاقت بن کر سامنے آگیا ہے، امریکہ اور یورپ کو افغانستان، یوکرین، غزہ فلسطین اور یمن کے محاذ پر بڑی ہزیمت کا سامنا ہوا، اب انڈین مودی فاشسٹ کی حماقتوں نے سب کو دیوار سے لگا دیا ہے۔ لیاقت بلوچ نے اسلام آباد میں ملکی حالات کے تناظر میں مشاورتی اجلاس سے خطاب کیا۔ اجلاس سے سید ناصر شیرازی، مفتی گلزار نعیمی، انجینئر نصراللہ رندھاوا، علامہ عارف حسین واحدی، طاہر رشید تنولی، ڈاکٹر شیر سیالوی شریک تھے۔
لیاقت بلوچ نے کہا کہ مقبوضہ کشمیر بھارتی ناجائز قبضہ کے لیے اِسے دنیا کی سب سے بڑی چھاونی بنادیا گیا ہے۔ تحریک آزادی کشمیر لاکھوں کشمیریوں کے بنیادی حقوق کے جدوجہد کی ترجمان ہے، آزادی کشمیر اور حقِ خودارادیت کے حصول کے جدوجہد کی تحریک کو دہشت گرد تحریک قرار دینا بھارت کا بہت بڑا جھوٹ اور اقوامِ متحدہ کے چارٹر کی صریح خلاف ورزی ہے، مقبوضہ جموں و کشمیر پر بھارتی ناجائز قبضہ اور کشمیری قیادت، خواتین، نوجوانوں کو اور عام انسانوں پر ظلم، قتلِ عام کو ازسرِنو پوری دنیا میں بے نقاب کرنا خطے میں امن کے لیے ناگزیر ہوگیا ہے۔ پاک بھارت حالیہ جنگی معرکہ میں پاکستان کا بِلاخوف و تردد پلہ بھاری رہا۔ اِسی سے پاکستان میں وحدت و یکجہتی کی فضا بنی ہے اور ملک کے اندر بیرونِ ملک پاکستانیوں خصوصا کشمیریوں میں نیا جذبہ اور عزم پیدا ہوا ہے اور ملک کے اندر، بیرونِ ملک پاکستانیوں خصوصا کشمیریوں میں مادرپدر آزادی، قوم پرستی کی آڑ میں زہر پھیلانے والے بیانیہ کو زِک پہنچی ہے۔ ملک و ملت کی ساکھ بحال ہوئی اور عوام میں نیا جذبہ اور عزم پیدا ہوا ہے۔
ذریعہ: Islam Times
کلیدی لفظ: لیاقت بلوچ
پڑھیں:
آج آزادی کا دن ہے، کیوں نہ مناؤں: چوہدری انوار الحق مظفرآباد روانہ
فائل فوٹوتحریک عدم اعتماد کا سامنا کرنے والے آزاد کشمیر کے وزیراعظم چوہدری انوار الحق مظفرآباد روانہ ہوگئے۔
روانگی سے قبل انہوں نے کشمیر ہاؤس میں میڈیا سے گفتگو کرتے ہوئے کہا کہ ’آج کے دن سے متعلق ایک ہی بات کہنا چاہتا ہوں کہ شکر الحمدللّٰہ آج آزادی کا دن ہے، کیوں نہ سیلیبریٹ کروں۔‘
انہوں نے نئے آنے والے وزراء کے لیے نیک خواہشات کا اظہار کرتے ہوئے کہا کہ ’اللّٰہ پاک ان کو کامیاب کرے، اللّٰہ تعالیٰ نے تقریباً ڈھائی سال خدمت کا موقع دیا، میں 6 ماہ پہلے ہی جانے کا ارادہ رکھتا تھا۔‘
چوہدری انوار الحق کشمیر ہاؤس سے مظفرآباد روانہوزیراعظم آزاد کشمیر چوہدری انوار الحق کشمیر ہاؤس سے مظفرآباد روانہ ہوئے، جہاں ان کے ہمراہ وزیر حکومت چوہدری اظہر صادق اور عامر الطاف بھی تھے۔
چوہدری انوار الحق آج اپنے خلاف تحریک عدم اعتماد پر رائے شماری میں حصہ لیں گے، آزاد کشمیر قانون ساز اسمبلی کا اجلاس آج دوپہر 3 بجے طلب کیا گیا ہے۔
رائے شماری مکمل ہوتے ہی نامزد وزیراعظم فیصل ممتاز راٹھور اپنے عہدے کا حلف لیں گے جبکہ چوہدری انوار الحق رائے شماری کے بعد عہدے سے سبکدوش ہو جائیں گے۔
روانگی سے قبل چوہدری انوار الحق نے کشمیر ہاؤس میں اسٹاف کے ساتھ تصاویر بھی بنوائیں، آفس اسٹاف اور سیکیورٹی اسٹاف نے علیحدہ علیحدہ تصاویر بنوائیں، وزیراعظم معمولی سیکیورٹی کے ہمراہ مظفرآباد روانہ ہوئے۔
90 کروڑ کا محض ایک سین جو فلم کا حصہ بھی نہ بن سکا، یہ فلم کونسی تھی؟