بھارتی فلمی دنیا میں رہتے ہیں، حقیقت کیا ہے پاک آرمی نے بتا دیا، بہروز سبزواری
اشاعت کی تاریخ: 15th, May 2025 GMT
پاکستان شوبز کے سینئر اداکار بہروز سبزواری نے بھارت سے معرکہ حق میں شاندار کامیابی سے نوازنے کیلئے خدا کا شکر ادا کرتے ہوئے جنگ میں پاک افواج کی کارکردگی کو خوب سراہا ہے۔
انہوں نے بھارت کیخلاف جنگ میں کامیابی پر یومِ تشکر مناتے ہوئے خدا کا شکر ادا کیا انہوں نے خوشی کا اظہار کرتے ہوئے کہا ’اللہ کا بڑا کرم ہے اللہ کا بڑا انعام ہے اور سب سے اہم پاک افواج زندہ باد‘۔
بہروز سبزواری نے پاک افواج کو خراج تحسین پیش کرتے ہوئے کہا کہ ہماری افواج نے کیا بہترین کام کر کے دکھا دیا طبعیت خوش کردی۔ انہوں نے وسیم بادامی کو مخاطب کرتے ہوئے کہا کہ دراصل بات یہ ہے کہ فلمی دنیا میں بڑا دم ہے۔
https://www.instagram.com/reel/DJpNqO0IYbL/
انہوں نے کہا کہ ’مجھے یہ لگتا ہے کہ بھارت کے سارے لوگ چاہے سیاستدان ہوں، افواج ہوں یا اداکار ہوں وہ سب فلمی دنیا میں رہتے ہیں لیکن رئیلٹی اب معلوم ہوئی ہے ان کو کہ حقیقت کیا ہوتی ہے اور یہ ہماری پاک افواج نے ان کو بتایا ہے پاکستان مستحکم ہے اس نے اور عوام نے بتایا‘۔
یاد رہے کہ بھارت کے خلاف آپریشن بنیان المرصوص کی کامیابی پر ملک بھر میں یوم تشکر جوش و خروش کیساتھ منایا جارہا ہے۔ پاکستان نے بھارتی جارحیت کیخلاف منہ توڑ جواب دے کر چند ہی گھنٹوں میں بھارتی افواج کو گھٹنے ٹیکنے پر مجبور کردیا تھا۔ پاک افواج کا یہ آپریشن مقبوضہ کشمیر میں ہونے والے پہلگام واقعے کے بعد الزامات لگانے اور پاکستان پر جارحانہ حملے کرنے کے جواب میں کیا گیا تھا۔
ذریعہ: Express News
کلیدی لفظ: کرتے ہوئے پاک افواج
پڑھیں:
کرناٹک حکومت جی ایس ٹی نقصان پر عدالت جائے گی، سدارامیا
میڈیا سے خطاب کرتے ہوئے کرناٹک کے وزیراعلٰی نے مودی حکومت کے اقدام پر تنقید کرتے ہوئے کہا کہ ایسا لگتا ہے کہ یہ آئندہ بہار انتخابات سے متاثر ہے۔ اسلام ٹائمز۔ بھارتی ریاست کرناٹک کے وزیراعلٰی سدارامیا نے کہا کہ جی ایس ٹی کو آسان بنانے سے ریاست کو 15,000 کروڑ روپے کا تخمینہ نقصان اٹھانا پڑے گا اور وہ مودی حکومت سے اس رقم کی وصولی کے لئے قانونی کارروائی کا سہارا لے گی۔ اپنی رہائش گاہ پر میڈیا سے خطاب کرتے ہوئے وزیراعلٰی سدارامیا نے مودی حکومت کے اقدام پر تنقید کرتے ہوئے کہا کہ ایسا لگتا ہے کہ یہ آئندہ بہار انتخابات سے متاثر ہے۔ انہوں نے کہا کہ ہم فنڈز کی وصولی کے لئے قانونی کارروائی کا سہارا لیں گے۔ انہوں نے مزید کہا کہ 2017ء میں طے کی گئی جی ایس ٹی کی شرح گزشتہ آٹھ سالوں میں حد سے زیادہ تھیں۔
انہوں نے سوال کیا "کیا اب حکومت عوام سے وصول کئے گئے اضافی جی ایس ٹی کو واپس کرے گی، جی ایس ٹی کی شرحوں کو ابھی کم کرنا اور ان انتخابی کٹوتیوں کے لئے خود کو مبارکباد دینا مناسب نہیں ہے"۔ مرکزی گرانٹس میں تاخیر کا ذکر کرتے ہوئے وزیراعلیٰ نے کہا کہ تخمینہ 17,000 کروڑ میں سے صرف 3,200 کروڑ ہی کرناٹک کو جاری کئے گئے ہیں۔ انہوں نے اس کا موازنہ اترپردیش سے کیا، جسے مرکزی فنڈز کا 18 فیصد ملتا ہے، جبکہ کرناٹک کو صرف 3.5 فیصد ملتا ہے۔ انہوں نے کہا کہ کرناٹک نے مرکز کو ٹیکسوں میں 4.5 لاکھ کروڑ روپےکا تعاون دیا ہے، پھر بھی ہمیں صرف 14 پیسے فی روپیہ ملتا ہے۔ انہوں نے کہا کہ اگر ضروری ہوا تو قانونی کارروائی کا سہارا لیں گے، جیسا کہ ہم نے پچھلی بار کیا تھا۔
کپل شرما سے بھتہ مانگنے والا گینگسٹر گرفتار