لاہور : ڈمپر نے 3رکشوں ِ، 2موٹر سائیکوں کو روندڈالا ، 2طالبات سمیت 5افراد جاں بحق
اشاعت کی تاریخ: 15th, May 2025 GMT
لاہور(نامہ نگار) صوبائی دارالحکومت لاہور میں ہونے والے خوفناک ٹریفک حادثے میں سکول کی 2کمسن طالبات سمیت 5افراد جاں بحق جبکہ 4زخمی ہو گئے ،حادثہ ڈمپر کی بریک فیل ہونے کی وجہ سے پیش آیا جس نے 3رکشوں اور 2موٹرسائیکلوں کو روند ڈالا، بتایا گیا ہے جی ٹی روڈ پر آخری منٹ اسٹاپ پر تیز رفتار ڈمپر نے 3رکشوں اور 2موٹرسائیکلوں کو روند ڈالا، رکشہ سواریوں سمیت ڈمپر کے نیچے دب گیا، حادثے میں 5افراد جاں بحق اور 4شدید زخمی ہوگئے۔ریسکیو حکام کے مطابق حادثہ ڈمپر کی بریک فیل ہونے کے باعث پیش آیااور حادثے کا باعث بننے والا ڈمپر ایل ڈبلیو ایم سی کا ہے، حادثے کے بعد تیز رفتار ڈمپر الٹ گیا جبکہ ایک رکشہ مکمل طور پر تباہ ہوگیا، حادثے کے بعد لاشوں اور زخمیوں کو ہسپتال منتقل کردیا گیا۔جاں بحق افراد کی عمریں 20سے 30سال کے درمیان ہیں۔حادثے میں جاں بحق ہونے والوں میں 50سالہ دائود، 60سالہ رفاقت ، 7سالہ حفظہ ، 11سالہ امہ شکیل اور 22سالہ حافظہ رابعہ شامل ہیں ۔ عینی شاہدین کے مطابق رکشہ مکمل طور پر ڈمپر کے نیچے دبنے سے پانچ افراد موقع پر ہی دم توڑ گئے۔اطلاع ملتے ہی پولیس موقع پر پہنچ گئی جس نے تحقیقات کا آغاز کر دیا ہے ۔پولیس کی ضروری کارروائی کے بعد لاشیں ایدھی ایمبولینس کے ذریعے مردہ خانہ منتقل کر دی گئیں ۔وزیر اعلیٰ مریم نواز شریف نے حادثے میں 5افراد کے جاں بحق بحق ہونے پر گہرے دکھ و رنج کا اظہار کرتے ہوئے سوگواران سے ہمدردی و اظہار تعزیت کیا ہے ۔وزیر اعلیٰ مریم نواز شریف نے زخمیوں کو بہترین طبی سہولتیں فراہم کرنے کا حکم دیا ہے ۔ جبکہ آئی جی پنجاب ڈاکٹر عثمان انور نے بھی نوٹس لیتے ہوئے سی سی پی او لاہور سے رپورٹ طلب کر لی ۔انہوں نے ڈی آئی جی آپریشنز لاہور کو حادثے کے ذمہ داران کا تعین کرکے سخت ایکشن لینے کا حکم دیتے ہوئے کہا کہ غفلت کے مرتکب ڈمپر ڈرائیور کو فوری گرفتار کرکے، سخت قانونی کاروائی عمل میں لائی جائے۔
.ذریعہ: Nawaiwaqt
پڑھیں:
شکارپور میں خوفناک حادثہ، تیز رفتار ٹرک نے سوئے مزدوروں کو روند دیا، 7 جاں بحق
data-id="863a0a8" data-element_type="widget" data-widget_type="theme-post-content.default">
شکارپور کے قریب قومی شاہراہ بائی پاس پر افسوسناک حادثے نے کئی گھروں کا سکون چھین لیا۔
تیز رفتار ٹرک نے سڑک کنارے سوئے ہوئے مزدوروں کو روند ڈالا۔ دل خراش واقعے میں 7 افراد موقع پر جاں بحق ہوگئے جبکہ 6 افراد شدید زخمی ہوئے جنہیں فوری طور پر سول اسپتال منتقل کیا گیا۔
اسپتال ذرائع کے مطابق زخمیوں میں سے بعض کی حالت تشویشناک ہے، جنہیں بہتر علاج کے لیے دیگر شہروں کے اسپتالوں میں ریفر کرنے پر غور کیا جا رہا ہے۔
پولیس کے مطابق حادثے کا شکار افراد محنت کش تھے جو دن بھر کام کے بعد سڑک کنارے آرام کر رہے تھے۔ اسی دوران سبزی سے لدا ایک تیز رفتار ٹرک بے قابو ہوکر مزدوروں پر چڑھ دوڑا۔ حادثے کے بعد علاقے میں کہرام مچ گیا اور شہری بڑی تعداد میں موقع پر پہنچ گئے۔
پولیس حکام نے جائے وقوع پر پہنچ کر ٹرک کو تحویل میں لے لیا جبکہ ڈرائیور موقع سے فرار ہوگیا، جس کی تلاش جاری ہے۔
پولیس کا کہنا ہے کہ ابتدائی شواہد سے حادثہ تیز رفتاری کے باعث پیش آنے کا امکان ظاہر کرتا ہے، تاہم مکمل تحقیقات کے بعد ہی حتمی وجوہات سامنے آئیں گی۔
نیش کپ اسکواش ٹورنامنٹ، پاکستان نے فائنل جیت لیا