نیش کپ اسکواش ٹورنامنٹ، پاکستان نے فائنل جیت لیا
اشاعت کی تاریخ: 28th, September 2025 GMT
اوٹاوا: پاکستاں نے کینیڈا میں ہونے والا نیش کپ اسکواش ٹورنامنٹ کا فائنل جیت لیا۔
کینیڈا میں ہونے والے نیش کپ اسکواش ٹورنامنٹ کے فائنل میں نور زمان نے سیکنڈ سیڈ مصر کے مصطفیٰ السرطی کو شکست دی۔
نور زمان اور مصطفیٰ السرطی کے درمیان سنسنی خیز میچ 52 منٹ تک جاری رہا۔
پہلے گیم میں متعدد گیم پوائنٹس کے بعد نور زمان 19-17 سے جیتے۔ جبکہ دوسرا اور تیسرا گیم نور زمان نے 11-7 اور 11-9 سے جیت کر تین صفر کی فتح حاصل کی۔
کینیڈا میں ہونے والے پی ایس اے ورلڈ کوپر ایونٹ نیش کپ کی مجموعی انعامی رقم 31 ہزار 250 ڈالرز تھی۔
ذریعہ: Daily Mumtaz
کلیدی لفظ: نیش کپ
پڑھیں:
ابو ظہبی میں کرکٹ کا میدان سج گیا
ابوظہبی، :ابوظہبی ٹی 10سیزن 2025 کے آغاز سے پہلے کرکٹ کے سب سے بڑے نام ابوظہبی میں جمع ہو گئے ہیں۔ زاید کرکٹ اسٹیڈیم میں پری ٹورنامنٹ پریس کانفرنس میں تمام آٹھ فرنچائز ٹیموں کے آئیکون کھلاڑی اور کپتان موجود تھے، جن میں کیرون پولارڈ (یو اے ای بُلز)، تھیسارا پیریرا (ناردرن واریئرز )، شکیب الحسن (رائل چیمپس)، فاف ڈو پلیسی (وسڈا رائیڈرز)، سیم بلنگز ( اسپنز سٹیلئنز)، لیام لیونگ اسٹون (کوئٹہ کیولری)، نکولس پوران (دکن گلیڈیئٹرز)، اور معین علی (اجمان ٹائٹن) شامل تھے۔کھلاڑیوں نے ٹی 10کے مختصر مگر انتہائی دلچسپ فارمیٹ میں حصہ لینے کے لیے اپنے جوش و خروش کا اظہار کیا اور کہا کہ یہ فارمیٹ شائقین کو ہر گیند پر سنسنی فراہم کرتا ہے۔ انہوں نے اس موقع پر عالمی سطح کے ٹیلنٹ کو ایک جگہ جمع کرنے والی ٹورنامنٹ کی بھی تعریف کی۔ٹی 10گلوبل اسپورٹس کے چیئرمین شجی الملک نے کہا کہ ہم ابوظہبی ٹی 10کے ایک اور سیزن کا آغاز کرنے پر خوش ہیں۔ یہ فارمیٹ دن بہ دن مقبول ہورہا ہے اور اس سال بھی کرکٹ کے بڑے سپر اسٹارز اس میں حصہ لے رہے ہیں، جس سے یہ سیزن پہلے سے بھی زیادہ یادگار ہوگا۔ ابوظہبی کرکٹ اینڈ اسپورٹس ہب کے سی ای او میٹ بوچر نے کہا کہ ہم شائقین کو 2025 کے ابوظہبی ٹی 10میں خوش آمدید کہتے ہیں۔ اس ٹورنامنٹ میں دنیا کے بہترین کھلاڑی شریک ہوتے ہیں اور یہ ہر سال کرکٹ کے شائقین کے لیے دلچسپ تجربہ فراہم کرتا ہے۔ ٹورنامنٹ میں کل 32 میچز کھیلے جائیں گے، ہر ٹیم صرف 10 اوورز کی بیٹنگ کرے گی، جس سے 90 منٹ کے تیز رفتار مقابلے ہوں گے۔ افتتاحی میچ میں کوئٹہ قوالری اور ناردرن واریئرز کے درمیان مقابلہ ہوگا، جبکہ دفاعی چیمپئن ڈی کن گلیڈی ایٹرز اور یو اے ای بلزکے درمیان بھی دلچسپ ٹکراؤ متوقع ہے۔
کرپشن اسکینڈل؛ پنجاب بھر کے لائسنسنگ سینٹرز کا اسپیشل آڈٹ کرنے کا فیصلہ