نوجوان پاکستانی اسکواش اسٹار نور زمان نے کینیڈا میں نیش کپ 2025 جیت لیا
اشاعت کی تاریخ: 28th, September 2025 GMT
پاکستان کے نوجوان اسکواش اسٹار نور زمان نے ایک اور شاندار کارنامہ سرانجام دیتے ہوئے کینیڈا کے شہر لندن میں کھیلے گئے نیش کپ 2025 کا ٹائٹل اپنے نام کر لیا۔
پشاور سے تعلق رکھنے والے 21 سالہ نور زمان، جو پاکستان کے عظیم اسکواش گھرانے کی تیسری نسل سے تعلق رکھتے ہیں، نے فائنل میں مصر کے دوسرے نمبر کے سیڈ مصطفی السیرتی کو حیران کن انداز میں اسٹریٹ گیمز میں 0-3 سے شکست دی۔
دلچسپ اور سنسنی خیز 52 منٹ تک جاری رہنے والے میچ کے اسکورز 19-17، 7-11 اور 9-11 رہے۔
یہ بھی پڑھیے: بلوچستان کے اسکواش کھلاڑی شاہد مسعود خان نے یورپ و امریکا میں کامیابی کے جھنڈے گاڑدیے
30 ہزار ڈالر انعامی رقم کے اس کاپر لیول ٹورنامنٹ میں 5ویں سیڈ نور زمان نے شاندار مہارت، برداشت اور اعصاب پر قابو پاتے ہوئے شائقین کو متاثر کیا۔ سیمی فائنل میں انہوں نے کولمبیا کے ماتیاس کنیڈسن کو باآسانی شکست دے کر فائنل کے لیے کوالیفائی کیا تھا۔
ایک اور نوجوان پاکستانی کھلاڑی محمد اشاب عرفان نے بھی سیمی فائنل تک رسائی حاصل کرکے ملک کا نام روشن کیا، جو پاکستان میں اسکواش کے بڑھتے ہوئے ٹیلنٹ کی عکاسی کرتا ہے۔
نور زمان، سابق برٹش اوپن چیمپئن اور اسکواش لیجنڈ قمر زمان کے پوتے ہیں۔ وہ اپنے دادا کے نقشِ قدم پر چلتے ہوئے عالمی سطح پر نمایاں کارکردگی کا مظاہرہ کر رہے ہیں۔ ان کی یہ کامیابی پاکستان کے اسکواش میں دوبارہ عروج حاصل کرنے کی امیدوں کو تازہ کر گئی ہے۔
پاکستان اسکواش فیڈریشن (پی ایس ایف) نے نور زمان کی اس شاندار فتح پر مبارکباد دی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
پڑھیں:
رواں مالی سال کے دوران زرعی شعبے کی شرح نمو 2.9 فیصد، رقبہ کم ہونے کے باوجود پیداوار بہتر رہی
رواں مالی سال26-2025 کے دوران زرعی شعبے کی شرح نمو 2.9 فیصد رہی اور قابل کاشت رقبہ 3.6 فیصد کم ہونے کے باوجود پیداوار بہتر رہی اور اہم فصلوں کی مجموعی پیداوار میں 0.6 فیصد اضافہ ہوا ہے۔
قومی اقتصادی سروے 26-2025 کے اہم نکات کے مطابق گندم کاشت رقبہ 4.4 فیصد اور پیداوار4.3 فیصد بڑھ کر 2 کروڑ 96 لاکھ ٹن رہی۔
مالی سال 26-2025 کے دوران چاول کی پیداوار میں 2.8 فیصد اضافہ ہوگیا، گنے کی پیداوار میں 6.2 فیصد اضافہ ہوا اور مجموعی پیداوار8 کروڑ 94 لاکھ ٹن ریکارڈ کی گئی۔
رپورٹ کے مطابق مکئی کی پیداوار میں 2.7 فیصد کمی آئی تاہم کاشت کا رقبہ گزشتہ سال کے برابر رہا، کپاس کی پیداوار میں بھی 0.5 فیصد کمی رہی اور کاشت کا رقبہ بھی 1.5 فیصد کم ہوگیا۔
دیگر فصلوں میں 2.4 فیصد نمواور پیداوار میں ریکارڈ 50.4 فیصد اضافہ ہوگیا، آلو کی پیداوار 27.6 فیصد، آم 11.6 فیصد اور کیلے کی پیداوار 30.8 فیصد بڑھ گئی۔
اسی طرح ہلدی کی پیداوار میں 25.1 فیصد مرچوں کی پیداوار میں 9.2 فیصد، کاٹن جننگ اور متفرق زرعی شعبوں کی شرح نمو صرف 0.1 فیصد رہی اور لائیو اسٹاک شعبے کی شرح نمو 3.8 فیصد رہی۔
وزارت آئی ٹی نے 1.67 ارب روپے سے زاید کے فنڈز طلب کرلیے