کراچی: آپریشن بنیان مرصوص کی کامیابی پر یومِ تشکر، مزارقائد اور دیگر مقامات پر تقریبات
اشاعت کی تاریخ: 16th, May 2025 GMT
تصاویر بشکریہ سوشل میڈیا
آپریشن بنیان مرصوص کی کامیابی پر منائے جانے والے یومِ تشکر کے موقع پر کراچی میں مزارِ قائد اور دیگر مقامات پر تقریبات کا انعقاد کیا گیا۔
کور کمانڈر کراچی لیفٹیننٹ جنرل اویس دستگیر، گورنر سندھ کامران ٹیسوری و دیگر نے مزارِ قائد پرحاضری دی اور فاتحہ خوانی کی، سندھ سیکریٹریٹ میں وزیرِ اعلیٰ سندھ نے پرچم کشائی کی۔
آپریشن بنیان مرصوص کی کامیابی کے حوالے سے مزارِ قائد پر یومِ تشکر کی تقریب ہوئی، کور کمانڈر کراچی لیفٹیننٹ جنرل اویس دستگیر ، گورنر سندھ کامران ٹیسوری اور دیگر نے مزارِ قائد پر پھول رکھے اور فاتحہ خوانی کی اور مہمانوں کی کتاب میں تاثرات بھی قلم بند کیے۔
گورنر سندھ نے کہا کہ دشمن نے رات کے اندھیرے میں ہم پر جنگ مسلط کی، اللّٰہ تعالیٰ نے ہمیں سرخرو کیا، افواجِ پاکستان نے وہ جواب دیا کہ دشمنوں کے دانت کھٹے کر دیے، پوری قوم آج فتح کا جشن منا رہی ہے۔
سندھ سیکریٹریٹ میں پرچم کشائی کی تقریب سے خطاب کرتے ہوئے وزیرِ اعلیٰ مراد علی شاہ نے کہا کہ ہمارے جوانوں نے بھارتی جارحیت کا منہ توڑ جواب دیا ہے، مادرِ وطن کا دفاع ہر پاکستانی کا اولین فریضہ ہے، وطن کی عزت پر کوئی سمجھوتا نہیں ہو گا۔
انہوں نے آپریشن بنیان مرصوص کے شہداء کے لیے 1، 1 کروڑ روپے جبکہ زخمیوں کے لیے 10، 10 لاکھ روپے دینے کا اعلان بھی کیا۔
کمشنر کراچی سید حسن نقوی کی زیرِ قیادت ریلی کا انعقادکیا گیا، جس سے خطاب کرتے ہوئے انہوں نے کہا کہ سندھ طاس معاہدے کی خلاف ورزی کسی صورت قبول نہیں، پاکستان کے پانی پر کوئی سمجھوتا نہیں ہو سکتا۔
جامعہ کراچی میں دعائیہ تقریب ہوئی جس میں وطنِ عزیز کی سلامتی اور شہداء کے درجات کی بلندی کے لیے خصوصی دعائیں کی گئیں۔
کراچی میٹروپولیٹن یونیورسٹی، داؤد انجینئرنگ اور ڈاؤ یونیورسٹیز میں بھی یومِ تشکر کی تقریب کا انعقاد کیا گیا۔
.ذریعہ: Jang News
کلیدی لفظ: آپریشن بنیان مرصوص
پڑھیں:
آپریشن بنیان مرصوص کی شاندار کامیابی پر یوم تشکر منانے کا اعلان
پاکستانی عوام اور افواج پاکستان کو خراج تحسین پیش کرنے اور معرکہ حق میں تاریخی فتح پر ملک بھر میں 16 مئی 2025ء کو یوم تشکر منانے کا اعلان کیا گیا ہے۔ یوم تشکر کے موقع پر دن کا آغاز مسجدوں میں قرآن خوانی اور خصوصی دعاؤں سے کیا جائے گا۔ اسلام ٹائمز۔ حکومت نے آپریشن "بُنْيَانٌ مَّرْصُوْص" کی شاندار کامیابی پر قومی سطح پر یوم تشکر منانے کا اعلان کر دیا۔ پاکستانی عوام اور افواج پاکستان کو خراج تحسین پیش کرنے اور معرکہ حق میں تاریخی فتح پر ملک بھر میں 16 مئی 2025ء کو یوم تشکر منانے کا اعلان کیا گیا ہے۔ یوم تشکر کے موقع پر دن کا آغاز مسجدوں میں قرآن خوانی اور خصوصی دعاؤں سے کیا جائے گا، وفاقی دارالحکومت میں 31 جبکہ صوبائی دارالحکومت میں 21 توپوں کی سلامی دی جائے گی۔ مزار قائد اور مزار اقبال پر گارڈز کی تبدیلی کی تقریب کا انعقاد کیا جائے گا، پرچم کشائی کی تقریبات وفاقی اور صوبائی دارالحکومت میں منعقد کی جائیں گی۔
ملک بھر میں یادگار شہداء پر پھول رکھے جائیں گے اور دعائیہ تقاریب منعقد ہوں گی، آپریشن بنیان مرصوص کے شہداء کو خراج عقیدت پیش کرنے کے لیے ان کے لواحقین سے خصوصی ملاقاتیں کی جائیں گی۔ یوم تشکر کی نمایاں تقریب کل رات پاکستان مونومنٹ اسلام آباد میں منعقد ہوگی، تقریب میں تمام مکاتب فِکر سے اہم شخصیات شرکت کریں گی۔ تقریب کے مہمان خصوصی وزیراعظم ہوں گے جبکہ چیئرمین جوائنٹ چیفس آف سٹاف کمیٹی اور مسلح افواج کے سربراہ بھی تقریب کا حصہ ہوں گے۔
دریاؤں اور آبی ذخائر میں پانی کی صورتحال ہے؟