برآمدات، سرمایہ کاری کا فروغ: وزیراعظم نے درآمدی محصولات میں کمی کی منظوری دیدی
اشاعت کی تاریخ: 17th, May 2025 GMT
اسلام آباد (آئی این پی، نوائے وقت رپورٹ) وزیراعظم محمد شہباز شریف نے برآمدات اور سرمایہ کاری کے فروغ کیلئے درآمدی محصولات میں نمایاں کمی کی منظوری دیتے ہوئے کہا ہے کہ ملک کی معاشی بہتری ان کی اولین ترجیح ہے۔ حکومت مضبوط معیشت کے حصول، روزگار کے مواقع کی فراہمی اور مہنگائی کے دیرپا اور مکمل خاتمے کے لیے کوئی کسر اٹھا نہ رکھے گی۔ ملکی و غیر ملکی ماہرین معیشت سے سیر حاصل مشاورت کے بعد بنیادی معاشی اصلاحات کے لیے ایک جامع منصوبہ تشکیل دیا جا چکا ہے۔ وزیراعظم کی زیر صدارت نیشنل ٹیرف پالیسی کے حوالے سے اہم اجلاس وزیر اعظم ہائوس میں ہوا جس میں وزیر اعظم نے ایک تاریخی قدم اٹھاتے ہوئے درآمدی محصولات (ٹیرِف) میں بتدریج مگر نمایاں کمی کی منظوری دے دی ہے۔ اس اقدام کو معاشی بہتری کے حصول کی جانب ایک اہم سنگِ میل قرار دیا جا رہا ہے جو کہ برآمدات پر مبنی ترقی کو ممکن بنائے گا۔ زیرِ نظر فیصلے سے نہ صرف بے روزگاری پر قابو پانے میں مدد ملے گی بلکہ مہنگائی کی شرح کو بھی قابو میں رکھا جا سکے گا۔ مزید برآں اس کے نتیجے میں بین الاقوامی سرمایہ کاری کو فروغ ملے گا، جس سے روزگار کے نئے مواقع پیدا ہوں گے۔ حکومت عوام کو روزگار کی فراہمی اور خاص طور پر تعلیم یافتہ نوجوانوں کو باعزت روزگار مہیا کرنے کے لیے کوشاں ہے۔ وزیرِ اعظم نے اپنے اس عزم کا اعادہ کیا ہے کہ حکومت مضبوط معیشت کے حصول، روزگار کے مواقع کی فراہمی اور مہنگائی کے دیرپا اور مکمل خاتمے کے لیے کوئی کسر اٹھا نہ رکھے گی۔ ملکی و غیر ملکی ماہرینِ معیشت سے سیر حاصل مشاورت کے بعد بنیادی معاشی اصلاحات کے لیے ایک جامع منصوبہ تشکیل دیا جا چکا ہے۔ اجلاس میں وزیر اعظم نے اضافی کسٹمز ڈیوٹی (جو اس وقت 2 فیصد سے 7 فیصد کے درمیان ہے) اور ریگولیٹری ڈیوٹی (جو اس وقت 5 فیصد سے 90 فیصد تک ہے) کو اگلے چار سے پانچ سال میں مکمل طور پر ختم کرنے کی ہدایت دی ہے۔ اس کے ساتھ ساتھ، وزیراعظم نے کسٹمز ڈیوٹی کو زیادہ سے زیادہ 15 فیصد تک محدود کرنے کے حق میں فیصلہ کیا ہے، جب کہ فی الحال بعض اشیاء پر یہ شرح 100 فیصد سے بھی تجاوز کر سکتی ہے۔ کسٹمز ڈیوٹی کی شرحوں (سلیبز ) کو چار تک محدود کر دیا گیا ہے، جس سے درآمدات سے متعلق قانونی پیچیدگیوں میں نمایاں کمی آئے گی اور مختلف صنعتوں کو برابر کے مواقع میسر آ سکیں گے۔ وزیر اعظم کے اس تاریخی فیصلے سے معیشت غیر ملکی سرمایہ کاری کے لیے کھلے گی اور ملکی صنعتوں کو خام مال، درمیانی اشیاء اور سرمایہ جاتی سامان بآسانی اور سستے داموں دستیاب ہوگا۔ اس کے علاوہ مسابقت میں اضافے کی وجہ سے مقامی صنعتیں زیادہ موثر اور مسابقتی بنیں گی، جو ملک کے لیے برآمدی آمدنی بڑھانے میں مدد دے گا۔ اس طرح مہنگائی اور کرنسی کی قدر میں کمی پر قابو پانے میں بھی مدد ملے گی۔ وزیر اعظم نے اس تجویز کے تمام پہلوئوں کا بغور جائزہ لیا، ٹیرف میں کمی نہ صرف جاری کھاتے کے خسارے کو مستحکم کرے گی بلکہ کسٹمز ڈیوٹی سے زیادہ محصولات حاصل کرنے میں بھی مددگار ثابت ہوگی۔ اسی اجلاس میں وزیر اعظم نے ایک عمل درآمد کمیٹی بھی تشکیل دی ہے۔ وزیر اعظم نے اعادہ کیا کہ ملک کی معاشی بہتری ان کی اولین ترجیح ہے۔ وزیراعظم شہبازشریف سے برطانوی وزیر خارجہ ڈیوڈ لیمی نے ملاقات کی۔ وزیراعظم نے جنگ بندی کو برقرار رکھنے کیلئے پاکستان کے پختہ عزم کا اعادہ کیا۔ کہا بھارتی الزامات بلااشتعال، جارحیت کے سامنے صبروتحمل کا مظاہرہ کیا اور کہا ہر قیمت پر اپنی خود مختاری اور علاقائی سالمیت کا دفاع کریں گے۔ پاکستان جنوبی ایشیا میں امن کا خواہاں ہے۔ وزیراعظم نے کنگ چارلس سوم اور برطانوی وزیراعظم کیلئے نیک خواہشات کا اظہار اور پاک برطانیہ تعلقات کی مثبت رفتار پر اطمینان کا اظہار کیا۔ انہوں نے تمام شعبوں میں دو طرفہ تعاون بڑھانے کی خواہش کا اعادہ کیا۔ برطانوی وزیر خارجہ نے جنگ بندی مفاہمت پر وزیراعظم کو مبارکباد دی۔ ڈیوڈ لیمی نے کہا کہ برطانیہ خطے میں امن و استحکام کیلئے تعمیری کردار ادا کرتا رہے گا۔
.ذریعہ: Nawaiwaqt
پڑھیں:
پاکستان کے ارب پتی بزنس ٹائیکون کی فہرست منظر عام پر آگئی
امیر ترین شخص’’ بیسٹ وے گروپ ‘‘کے ’’سر انور پرویز‘‘ پاکستان کی امیر ترین کاروباری شخصیت ہیں، سر انور پرویز نے پاکستان میں 3 ارب 62 کروڑ ڈالرز کی سرمایہ کاری کی ہے۔ فہرست کے مطابق ’’فوجی فاؤنڈیشن گروپ ‘‘پاکستان کا دوسرا بڑا امیر ترین گروپ ہے، اس گروپ کی سرمایہ کاری 2 ارب 25 کروڑ ڈالرز ہے، جبکہ ’’ ٹبہ گروپ‘‘ پاکستان کا تیسرا امیر ترین کاروباری خاندان ہے۔ اسلام ٹائمز۔ پاکستان کے ارب پتی بزنس ٹائیکون کی فہرست منظر عام پر آگئی۔ معاشی تھنک ٹینک اکنامک پالیسی اینڈ بزنس ڈویلپمنٹ نے رپورٹ جاری کر دی۔ رپورٹ کے مطابق فہرست میں امیر ترین شخص’’ بیسٹ وے گروپ ‘‘کے ’’سر انور پرویز‘‘ پاکستان کی امیر ترین کاروباری شخصیت ہیں، سر انور پرویز نے پاکستان میں 3 ارب 62 کروڑ ڈالرز کی سرمایہ کاری کی ہے۔ فہرست کے مطابق ’’فوجی فاؤنڈیشن گروپ ‘‘پاکستان کا دوسرا بڑا امیر ترین گروپ ہے، اس گروپ کی سرمایہ کاری 2 ارب 25 کروڑ ڈالرز ہے، جبکہ ’’ ٹبہ گروپ‘‘ پاکستان کا تیسرا امیر ترین کاروباری خاندان ہے، ٹبہ گروپ 1 ارب 88 کروڑ ڈالرز کی سرمایہ کاری کیساتھ تیسرا امیر ترین گروپ ہے۔
لِسٹ میں چوتھا نام’’ ٹوبیکو گروپ پاکستان ‘‘کا ہے، جو امیر ترین کاروباری گروپ ہے، ٹوبیکو نے ایک ارب 18 کروڑ ڈالرز کی سرمایہ کاری ہے اور لِسٹ میں چوتھے نمبر پر اپنی جگہ بنائی ہے۔ تفصیلات کے مطابق ’’ابراہیم گروپ‘‘ کے’’ میر شکیل‘‘ پاکستان کی پانچویں امیر ترین کاروباری شخصیت ہیں، اس گروپ نے ایک ارب ڈالر کی سرمایہ کاری کر رکھی ہے۔ لِسٹ میں چھٹا گروپ’’ آغا خان گروپ‘‘ ہے، جس نے 954 ملین ڈالرز کی سرمایہ کاری کے ساتھ چھٹا امیر ترین گروپ کہلوانے کا عزاز حاصل کیا ہے،’’ میاں منشاء‘‘ پاکستان کی ساتویں امیر ترین کاروباری شخصیت ہیں، میاں منشاء نے پاکستان میں 920 ملین ڈالرز کی سرمایہ کاری کر کے اپنا نام کمایا ہے۔ رپورٹ کے حساب سے ’’سید بابر علی‘‘ کا شمار 40 ارب پتی کاروباری خاندانوں میں پہلے نمبر ہے، ’’پیکیجز گروپ‘‘ کے سید بابر علی 1 ارب 60 کروڑ ڈالرز کے مالک ہیں۔
مزید تفصیلات کے مطابق ’’فاطمہ گروپ‘‘ کے ’’فواد مختار‘‘ دوسری بڑی کاروباری شخصیت رہے ہیں،’’ گوہر اعجاز‘‘ پاکستان کی پانچویں بڑی کاروباری شخصیت رہے ہیں، ’’لیک سٹی ہولڈنگ‘‘ کے مالک ’’گوہر اعجاز‘‘ 2 ارب 50 کروڑ ڈالرز کے کاروباری مالک ہیں، جو پاکستان کے امیر ترین بزنس ٹائکونز کی لسٹ میں آتے ہیں۔
جرمنی کی نئی دفاعی حکمت عملی، نیشنل سکیورٹی کونسل کے قیام کا منصوبہ