وزیرِ اعظم شہباز شریف سے برطانوی وزیرِ خارجہ کی ملاقات
اشاعت کی تاریخ: 17th, May 2025 GMT
وزیراعظم شہباز شریف اور یرطانوی وزیرِ خارجہ ڈیوڈ لیمی کی ملاقات—تصاویر بشکریہ سوشل میڈیا
وزیرِ اعظم شہباز شریف سے پاکستان کے دورے پر آئے ہوئے برطانوی وزیرِ خارجہ ڈیوڈ لیمی نے ملاقات کی ہے۔
اسلام آباد میں ہونے والی ملاقات میں وزیرِ اعظم شہباز شریف نے جنگ بندی کو برقرار رکھنے کے لیے پاکستان کے پختہ عزم کا اعادہ کیا۔
وفود کی صورت میں ہونے والی ملاقات میں نائب وزیرِ اعظم سینیٹر اسحاق ڈار، آرمی چیف جنرل سید عاصم منیر اور دیگر حکام بھی موجود تھے۔
اس موقع پر وزیرِ اعظم نے کہا کہ پاکستان نے بھارت کے بے بنیاد الزامات اور بلااشتعال جارحیت کے سامنے تحمل کا مظاہرہ کیا ہے۔
شہباز شریف نے کہا کہ اپنے دفاع کے حق کے استعمال میں پاکستان کا ردِعمل متناسب اہداف پر مبنی تھا۔
دورانِ ملاقات وزیرِ اعظم نے ملکی خود مختاری، علاقائی سالمیت کے دفاع، جنوبی ایشیاء میں امن کے لیے مضبوط عزم کا اعادہ بھی کیا۔
شہباز شریف نے کنگ چارلس کے ساتھ ساتھ وزیرِ اعظم کیئر اسٹارمر کے لیے بھی نیک خواہشات کا اظہار کیا اور دونوں ممالک کے تعلقات پر اطمینان کا اظہار کیا۔
دورانِ گفتگو برطانیہ کے وزیرِ خارجہ نے جنگ بندی میں مفاہمت پر وزیرِ اعظم کو مبارک باد دی۔
.
ذریعہ
ذریعہ: Jang News
کلیدی لفظ: اعظم شہباز شریف
پڑھیں:
مصر کے وزیرِ خارجہ کا اسحاق ڈار کو ٹیلیفون، خطے کی تازہ ترین صورتحال پر تبادلہ خیال
سٹی 42 : نائب وزیرِ اعظم و وزیرِ خارجہ اسحاق ڈار سے مصر کے وزیرِ خارجہ بدر عبدالعاطی کا ٹیلیفونک رابطہ ہوا ۔
ترجمان دفتر خارجہ کے مطابق دونوں رہنماؤں نے خطے کی تازہ ترین صورتحال پر تبادلہ خیال کیا ۔ اسحاق ڈار اور مصر کے وزیرِ خارجہ بدر عبدالعاطی کی جانب سے امن اور استحکام کے فروغ کے لیے مسلسل سفارتی روابط کی ضرورت پر زور دیا گیا ۔
ترجمان دفتر خارجہ کا کہنا ہے کہ دونوں فریقین نے قریبی رابطے میں رہنے پر اتفاق کیا ۔
لاہور بورڈ کا بڑا فیصلہ، داخلہ فارم مکمل طور پر آن لائن کرنے کی تجویز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ