مالاکنڈ: پہاڑی علاقوں میں پانچ روز سے لگی آگ تاحال بے قابو
اشاعت کی تاریخ: 17th, May 2025 GMT
عبدالشہید پراچا: مالاکنڈ کے پہاڑی سلسلے میں لگی آگ پانچویں روز میں داخل ہو گئی ہے اور تاحال قابو نہیں پایا جا سکا۔ آگ کی شدت میں مزید اضافہ ہو گیا ہے جس کے باعث یہ تقریباً 12 کلومیٹر تک پھیل چکی ہے۔
ترجمان ریسکیو کے مطابق آگ نے تھانہ نوگران شکارو، گنیار اور آلہ ڈھنڈ ڈھیری کے پہاڑی علاقوں کو بھی اپنی لپیٹ میں لے لیا ہے۔ آگ بجھانے کی کارروائی میں ریسکیو 1122، لیویز فورس اور مقامی افراد حصہ لے رہے ہیں تاہم دشوار گزار راستوں اور شدید گرمی کے باعث اہلکاروں کو شدید مشکلات کا سامنا ہے۔
آج کے گوشت اور انڈوں کے ریٹس -جمعہ16 مئی , 2025
ریسکیو ترجمان کا کہنا ہے کہ آگ سے جنگلات اور جنگلی حیات کو بڑے پیمانے پر نقصان پہنچا ہے اور مزید پھیلاؤ کو روکنے کے لیے ہر ممکن اقدامات کیے جا رہے ہیں۔
دوسری جانب مقامی آبادی نے صوبائی حکومت سے فوری طور پر ہیلی کاپٹر آپریشن شروع کرنے کا مطالبہ کیا ہے تاکہ آگ پر بروقت قابو پایا جا سکے اور مزید نقصان سے بچا جا سکے۔
اب تک کی اطلاعات کے مطابق آگ کے پھیلاؤ میں مسلسل اضافہ ہو رہا ہے جبکہ ریسکیو ٹیمیں بھرپور جدوجہد میں مصروف ہیں۔
پھلوں اور سبزیوں کی آج کی ریٹ لسٹ -جمعہ 16 مئی ، 2025
ذریعہ: City 42
پڑھیں:
پنجاب بھر میں پانچ روزہ بارشوں کا الرٹ شہریوں کی تشویش میں اضافہ
محکمہ موسمیات نے پنجاب بھر میں آئندہ پانچ روز تک موسلا دھار بارشوں کی پیش گوئی کرتے ہوئے الرٹ جاری کر دیا ہے لاہور سمیت مختلف شہروں میں پری مون سون بارشوں کا نیا سسٹم داخل ہو چکا ہے جس کے باعث کہیں ہلکی اور کہیں تیز بارشیں متوقع ہیں لاہور میں آج شدید حبس کے ساتھ بارش کی بھی پیش گوئی کی گئی ہے موسمیاتی ماہرین کے مطابق شہر کا درجہ حرارت کم سے کم 26 اور زیادہ سے زیادہ 32 ڈگری سینٹی گریڈ تک رہنے کا امکان ہے جس سے موسم مرطوب اور غیر آرام دہ محسوس ہوگا اس سسٹم کے زیر اثر تیز ہواؤں اور مزید بارشوں کا سلسلہ آئندہ چند روز تک جاری رہنے کی توقع ہے دوسری جانب شہر میں جاری ترقیاتی کاموں کے حوالے سے شہریوں میں خدشات بڑھتے جا رہے ہیں لاہور ڈویلپمنٹ پروگرام اور بلدیہ عظمیٰ کے مختلف منصوبے 30 جون تک مکمل کیے جانے تھے تاہم واسا نے ان منصوبوں کی تکمیل کے لیے نئی ڈیڈ لائن 31 جولائی مقرر کی ہے شہریوں کا کہنا ہے کہ اگر ترقیاتی کام بروقت مکمل نہ ہوئے تو مون سون کی بارشوں کے دوران سڑکوں پر پانی جمع ہونے سے ٹریفک کی روانی متاثر ہوگی اور عوام کو شدید مشکلات کا سامنا کرنا پڑے گا ایم ڈی واسا کے مطابق بارش کے پانی کی نکاسی کو یقینی بنانے کے لیے آپریشنل سٹاف کو فیلڈ میں تعینات کر دیا گیا ہے تاکہ کسی بھی ہنگامی صورتحال سے فوری طور پر نمٹا جا سکے
ایس سی او کانفرنس: خواجہ آصف کے بعد بولنے کی بھارتی وزیر دفاع کی درخواست مسترد