اسرائیلی فوج کا غزہ کے علاقوں پر قبضے اور حماس کو مکمل ختم کرنے کے لیے وسیع آپریشن کا اعلان
اشاعت کی تاریخ: 17th, May 2025 GMT
غزہ(اردوپوائنٹ اخبارتازہ ترین-انٹرنیشنل پریس ایجنسی۔ 17 مئی ۔2025 )اسرائیلی فوج نے غزہ کے کئی علاقوں پر قبضے اور حماس کو شکست دینے کے لیے ایک وسیع آپریشن کا اعلان کیا ہے ”ایکس“ پر اسرائیلی دفاعی فورسز نے عبرانی زبان میں پیغام دیا کہ اس نے غزہ کے پٹی کے سٹریٹیجک علاقوں پر قبضے کے لیے فوجی دستے فعال کیے ہیں.
(جاری ہے)
اسرائیلی فوج کا کہنا ہے کہ اس کا آپریشن اس وقت تک ختم نہیں ہوگا جب تک حماس کا خطرہ نہ ٹل جائے اور تمام یرغمالی واپس نہ آجائیں اس نے گذشتہ 24 گھنٹوں کے دوران غزہ کی پٹی میں دہشت گردی کے 150 ٹھکانوں کو نشانہ بنانے کا دعویٰ بھی کیا ہے. غزہ میں جنگ بندی اور مذاکرات کے لیے عالمی دباﺅ کے باوجود اسرائیل کی غزہ پر بمباری جاری ہے اسرائیل نے سرحد کے قریب فوجی دستوں کو الرٹ کیا ہے آپریشن کے اعلان سے بظاہر یہ تاثر ملتا ہے کہ جنگ بندی اور مذاکرات کی کوششیں ناکام ہوئی ہیں جریدے” ٹائمز آف اسرائیل“ کا کہنا ہے کہ اس آپریشن کے تحت اسرائیلی فوج غزہ کے کئی علاقوں پر قبضہ کرے گی، عام شہریوں کو جنوبی غزہ منتقل کیا جائے گا، حماس پر حملے کیے جائیں گے اور حماس کی جانب سے امدادی سامان پر قبضے کو روکا جائے گا. رواں ماہ اسرائیلی وزیر اعظم نیتن یاہو نے کہا تھا کہ اسرائیل غزہ میں کئی علاقوں پر قبضے کی تیاری کر رہا ہے ان کی حکومت نے کہا ہے کہ یہ آپریشن ٹرمپ کا دورہ مشرق وسطیٰ مکمل ہونے کے بعد شروع کیا جائے گا صدر ٹرمپ جمعے کو ہی یہ دورہ مکمل کر چکے ہیں اقوام متحدہ انسانی حقوق کے چیف وولکر ٹرک نے متنبہ کیا کہ اسرائیل کی جانب سے تناﺅمیں حالیہ اضافے کو بین الاقوامی قانون کی خلاف ورزی سمجھا جائے گا. امریکی سیکرٹری خارجہ مارکو روبیو نے کہا ہے کہ امریکہ کو اس صورتحال پر تشویش ہے پیر کو اقوام متحدہ کے حمایت یافتہ جائزے میں یہ بات سامنے آئی تھی کہ غزہ کی آبادی قحط کے خطرے سے دوچار ہے اسرائیلی حکومت نے غزہ میں خوراک کی کمی کے دعوﺅں کی تردید کی ہے حماس کے سات اکتوبر 2023 کے حملے کے بعد اسرائیل نے غزہ میں فوجی مہم شروع کی تھی حماس کی جانب سے یرغمال بنائے گئے 251 میں سے 57 افراد اب بھی اس کی تحویل میں ہیں.
ذریعہ: UrduPoint
کلیدی لفظ: تلاش کیجئے علاقوں پر قبضے اسرائیلی فوج جائے گا غزہ کے کے لیے
پڑھیں:
حماس نے اسرائیل کے ساتھ غزہ میں جنگ بندی کے لیے نئے مذاکرات کی تصدیق کردی
حماس نے اسرائیل کے ساتھ غزہ میں جنگ بندی کی نئے مذاکرات کی تصدیق کردی ہے۔
حماس کے عہدیدار طاہر النونو کے مطابق حماس اور اسرائیل کے درمیان غزہ میں جنگ بندی کے مذاکرات کا ایک نیا دور قطر کے دارالحکومت دوحا میں جاری ہے۔
طاہر النونو نے کہا کہ دونوں فریق بغیر کسی پیشگی شرائط کے تمام مسائل پر بات چیت کر رہے ہیں، حماس مذاکرات کو کامیاب بنانے میں ثالثوں کی مدد کرنے کے لیے تمام ضروری کوششیں کرنے کی خواہش مند ہے، تاہم مذاکرات کی میز پر کوئی خاص پیشکش نہیں تھی۔
یہ بھی پڑھیں: غزہ جنگ بندی میں توسیع کے لیے اسرائیل اپنا وفد قطر بھیجنے کے لیے تیار
یاد رہے کہ یہ مذاکرات اسرائیل کی جانب سے غزہ کی پٹی میں کارروائیوں کو بڑھانے کی تیاری کے باوجود ہوئے ہیں، اسرائیل جنگ زدہ علاقوں کے کچھ علاقوں میں ’آپریشنل کنٹرول‘ کی تلاش میں ہے۔
مذاکرات میں واپسی اس وقت بھی ہوئی جب امریکی صدر ڈونلڈ ٹرمپ نے جمعہ کو مشرق وسطیٰ کا دورہ ختم کیا جس میں نئی جنگ بندی کی جانب کوئی واضح پیشرفت نہیں ہوئی، حالانکہ انہوں نے غزہ کے بڑھتے ہوئے بھوک کے بحران اور امداد کی فراہمی کی ضرورت کو تسلیم کیا۔
یہ بھی پڑھیں: حماس کا اسرائیلی وزیر اعظم پر غزہ جنگ بندی کو سبوتاژ کرنے کا الزام
غزہ کی محکمہ صحت کا کہنا ہے اسرائیلی فوج کی جانب سے غزہ جنگ بندی معاہدہ یکطرفہ توڑنے کے بعد سے حملوں میں اب تک 3 ہزار کے قریب فلسطینی شہید اور 8 ہزار سے زائد زخمی ہوئے ہیں۔
یاد رہے کہ یہ جنگ 7 اکتوبر 2023 کو حماس کے اسرائیل پر حملے کے بعد شروع ہوئی تھی، جس میں تقریباً 1200 اسرائیلی مارے گئے اور حماس نے تقریباً 250 اسرائیلی اور دیگر غیر ملکیوں کو قید کرلیا تھا۔
یہ بھی پڑھیں: حماس نے ہمارے 2 فوجی مار دیے، نیتن یاہو حواس باختہ
غزہ کی وزارت صحت کے مطابق، غزہ پر اسرائیل کی جنگ میں کم از کم 54 ہزار کے قریب شہری جاں بحق اور ایک لاکھ 19 ہزار 919 افراد زخمی ہوئے ہیں۔
غزہ کے سرکاری میڈیا آفس نے شہادتوں کی تعداد 61 ہزار 700 سے زیادہ بتائی ہے، اور کہا ہے کہ ملبے کے نیچے لاپتا ہونے والے ہزاروں افراد کے جاں بحق ہونے کا خدشہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسرائیل جنگ بندی حماس طاہر النونو غزہ فلسطین
پاک فوج کے جذبۂ ایمانی نے بھارت کے اربوں کے دفاعی نظام کو دھول چٹا دی