بھارتی مسلمان نے پاکستان مخالف نعرہ لگانے سے انکار کر دیا، ویڈیو وائرل
اشاعت کی تاریخ: 18th, May 2025 GMT
نئی دہلی : پاکستان کے خلاف بھارتی میڈیا اور حکومت کے شدید پراپیگنڈے کے باوجود ایک بھارتی بزرگ مسلمان نے پاکستان مخالف نعرہ لگانے سے انکار کر کے سب کو حیران کر دیا۔
یہ واقعہ اس وقت سامنے آیا جب بھارتی میڈیا عوام سے زبردستی پاکستان کے خلاف نعرے لگوانے کی کوشش کر رہا تھا۔
ذرائع کے مطابق بزرگ شہری نے نہ صرف پاکستان مخالف نعرہ لگانے سے انکار کیا بلکہ بھارت کے حق میں نعرہ لگانے سے بھی گریز کیا۔ ان کا کہنا تھا کہ "نعرے لگانا مسئلے کا حل نہیں، سچ بولنا اصل فرض ہے۔"
سیاسی تجزیہ کاروں کا کہنا ہے کہ بھارتی مسلمانوں پر اس دباؤ کا مقصد مودی سرکار کی پاکستان کے ہاتھوں رسوائی کو چھپانا ہے۔ بھارتی میڈیا کی یہ زبردستی بھارت کے اندر مسلمانوں کے ساتھ امتیازی سلوک اور دو قومی نظریے کی حقانیت کو مزید واضح کرتی ہے۔
حالیہ کشیدگی کے دوران بھارتی میڈیا کی جانب سے پاکستان مخالف جذبات کو ہوا دینے کی ناکام کوششوں نے دنیا بھر میں بھارت کی جمہوریت پسندی پر سوالیہ نشان لگا دیا ہے۔
ذریعہ
ذریعہ: Express News
کلیدی لفظ: پاکستان مخالف نعرہ لگانے سے بھارتی میڈیا
پڑھیں:
آزاد کشمیر الیکشن کے حوالے سے میڈیا کیلیے ضابطہ اخلاق جاری
الیکشن کمیشن آزاد کشمیر نے انتخابات 2026 کے لیے نیا میڈیا ضابطہ اخلاق جاری کر دیا، پالیسی کا مقصد انتخابی عمل میں شفافیت، غیرجانبداری اور ذمہ دارانہ صحافتی روایات کو یقینی بنانا ہے۔
الیکشن کمیشن کے مطابق تمام میڈیا اداروں کو ہدایت کی گئی ہے کہ وہ انتخابی کوریج کے دوران مکمل غیرجانبداری کا مظاہرہ کریں اور ضابطہ اخلاق پر سختی سے عمل درآمد کریں۔
اعلامیے میں کہا گیا ہے کہ پولنگ اسٹیشن کے اندر صرف مجاز میڈیا نمائندوں کو کوریج کی اجازت ہوگی تاہم پولنگ بوتھ کے اندر ووٹنگ کی خفیہ کارروائی کی کسی بھی قسم کی ریکارڈنگ یا فوٹوگرافی سختی سے ممنوع ہوگی۔
الیکشن کمیشن نے پولنگ ختم ہونے سے قبل کسی بھی قسم کے ایگزٹ پول، نتائج یا رجحانات نشر کرنے پر مکمل پابندی عائد کر دی ہے۔ نفرت انگیز، اشتعال انگیز یا فرقہ وارانہ مواد نشر کرنے سے گریز کرنے کی تاکید کی ہے۔
اسی طرح غلط، غیر مصدقہ یا گمراہ کن معلومات نشر کرنا بھی ممنوع قرار دیا گیا۔تمام امیدواروں کو انتخابی کوریج میں مساوی اور منصفانہ نمائندگی دینے کی ہدایت کی گئی ہے۔
الیکشن کمیشن نے واضح کیا ہے کہ ضابطہ اخلاق کی خلاف ورزی پر متعلقہ میڈیا ادارے کی ایکریڈیٹیشن منسوخ کی جا سکتی ہے اور قانونی کارروائی بھی عمل میں لائی جائے گی۔
کمیشن نے تمام میڈیا اداروں سے اپیل کی ہے کہ وہ انتخابی ضابطہ اخلاق پر مکمل عمل درآمد یقینی بنائیں تاکہ انتخابی عمل کے اعتماد اور شفافیت کو برقرار رکھا جا سکے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا