جماعت اسلامی کا بدامنی کے خلاف سندھ بھر میں احتجاجی مظاہروں کا اعلان
اشاعت کی تاریخ: 18th, May 2025 GMT
اجلاس سے خطاب کرتے ہوئے امیر جماعت اسلامی سندھ کاشف سعید شیخ نے کہا کہ مقامی بااثر ظالم وڈیروں، ڈاکوؤں اور پولیس میں موجود کالی بھیڑیوں کے کٹھ جوڑنے سندھ میں اغوا برائے تاوان کو ایک منافع بخش کاروبار بنادیا ہے، پانی پر ڈاکہ، زمینوں اور وسائل پر قبضے کی سازش سے لے کر ڈاکو راج تک صوبہ سندھ چاروں طرف مافیاز کے گھیرے میں ہے۔ اسلام ٹائمز۔ جماعت اسلامی سندھ کا صوبہ میں بڑھتی ہوئی بدامنی و ڈاکو راج کے خلاف جمعہ 23 مئی کو کراچی تا کشمور سندھ بھر میں احتجاجی مظاہرے کرنے کا اعلان، عوام سے بھرپور شرکت کی اپیل، پانی پر ڈاکہ اور کارپوریٹ فارمنگ کے خلاف جدوجہد تیز کرنے کا فیصلہ، امیر جماعت اسلامی سندھ کاشف سعید شیخ نے لوئر سندھ کے ضلعی امراء کے اجلاس سے خطاب کرتے ہوئے مزید کہا کہ گذشتہ سترہ سال سے تسلسل کے ساتھ برسر اقتدار پیپلز پارٹی کی صوبائی حکومت کراچی تاکشمور قیام امن میں ناکاک ثابت ہوئی ہے، اس وقت پورا صوبہ بدامنی کی لپیٹ میں ہے، خاص طور پر کشمور، گھوٹکی، شکارپور اور جیکب آباد میں بدترین بدامنی نے عوام کی زندگی اجیرن بناکر رکھ دی ہے، مقامی بااثر ظالم وڈیروں، ڈاکوؤں اور پولیس میں موجود کالی بھیڑیوں کے کٹھ جوڑنے سندھ میں اغوا برائے تاوان کو ایک منافع بخش کاروبار بنادیا ہے، پانی پر ڈاکہ، زمینوں اور وسائل پر قبضے کی سازش سے لے کر ڈاکو راج تک صوبہ سندھ چاروں طرف مافیاز کے گھیرے میں ہے۔
ان کا کہنا تھا کہ بدامنی کی وجہ سے تعلیم سے لے کر کاروبار، معیشت اور تہذیب و ثقافت کو ناقابل تلافی نقصان پہنچ رہا ہے، اس وقت بھی درجنوں لوگ ڈاکوؤں کے چنگل میں ہیں خاص طور پر ہندو اقلیتی برادری کو پریشان کیا جارہا ہے جس کی وجہ سے ہزاروں ہندو خاندان اپنا کاروبار اور گھر چھوڑ کر ہجرت کرنے پر مجبور ہوگئے ہیں۔انہوں نے کہا کہ جماعت اسلامی نے اس سے پہلے اس سنگین و اہم مسئلے پر آل پارٹیز کانفرنس، دھرنے بھی دیئے ہیں، عوامی احتجاج اور حکام بالا کو بارہا توجہ دلانے کے باوجود ان کے کانوں پر جون تک نہیں رینگتی جوکہ بے حسی کی انتہا ہے، امن دینے کی بجائے امن کی بھیک مانگنے کے لیے پرامن احتجاج کرنے والوں پر دہشتگردی کے مقدمات حکمرانوں کا شرمناک عمل اور بدترین فسطائیت ہے۔ صوبائی امیر نے زور دیا کہ عوام جمعہ کو بدامنی کے خلاف احتجاجی مظاہروں میں بھرپور شرکت کرکے بیداری کا ثبوت دیں۔
ذریعہ: Islam Times
کلیدی لفظ: جماعت اسلامی کے خلاف
پڑھیں:
لاہور، اسرائیلی جارحیت کیخلاف جماعت اسلامی کا احتجاجی مظاہرہ
رہنماوں کا کہنا تھا کہ صدر ٹرمپ نے غزہ کے حوالے سے جو20 نکاتی معاہدہ پیش کیا ہے، وہ کسی بھی صورت قابل قبول نہیں۔ یہ منصوبہ سراسر دھوکہ اور اسرائیل کو تحفظ دینے کے سوا کچھ نہیں۔ اسلام ٹائمز۔ غزہ میں جاری نسل کشی، صمود فلوٹیلا کے پُرامن قافلے پر اسرائیلی حملہ اور سابق سینیٹر مشتاق احمد خان کی گرفتاری کیخلاف لاہور میں ملتان روڈ پر احتجاجی ریلی نکالی گئی۔ ریلی کا اہتمام جماعت اسلامی لاہور کی جانب سے کیا گیا۔ احتجاجی ریلی میں سیکرٹری جنرل جماعت اسلامی لاہور ذکر اللہ مجاہد، سیکرٹری جماعت اسلامی ضلع لاہور غربی طلحہ ادریس ، ڈپٹی سیکرٹری لاہور عبدالعزیز عابد،امیر زون 168محمد شفیق ملک ، صدر جے آئی یوتھ لاہور غربی احمد فرحان سلیمی سمیت دیگر نے شرکت کی۔
احتجاجی ریلی سے خطاب کرتے ہوئے ذکراللہ مجاہد کا کہنا تھا کہ پوری قوم فلسطین کیساتھ ہے اور اس سلسلے میں کل بروز ہفتہ بھیکھے وال موڑ پر غزہ مارچ کیا جائے گا، جس میں اہل لاہور کثیر تعداد میں شرکت کریں گے۔ دیگر رہنماوں کا کہنا تھا کہ اسرائیل جس طرح غزہ کے مظلوم مسلمانوں کی نسل کشی کر رہا ہے، اس پر دنیا بھر میں مظاہرے ہو رہے ہیں، جبکہ صمود فریڈم فلوٹیلا پر اسرائیلی حملے اور جماعت اسلامی کے رہنما سابق سینیٹر مشتاق احمد کو بھی گرفتار کر لیا گیا ہے، جس کی مذمت کرتے ہیں۔ رہنماوں کا کہنا تھا کہ صدر ٹرمپ نے غزہ کے حوالے سے جو20 نکاتی معاہدہ پیش کیا ہے، وہ کسی بھی صورت قابل قبول نہیں۔ یہ منصوبہ سراسر دھوکہ اور اسرائیل کو تحفظ دینے کے سوا کچھ نہیں۔
افغانستان کی سرزمین کسی دوسرے ملک کیخلاف استعمال نہیں ہونے دی جائے گی، عبوری حکومت