آصف رضا میر کی پہلی بار احد اور سجل کی علیحدگی پر لب کشائی
اشاعت کی تاریخ: 19th, May 2025 GMT
پاکستان کے سینئر اداکار آصف رضا میر نے پہلی بار اپنے بیٹے احد رضا میر اور سابقہ بہو سجل علی کی علیحدگی سے متعلق لب کشائی کی ہے، جس میں انہوں نے غیر معمولی وقار اور پیشہ ورانہ رویہ اختیار کیا حال ہی میں ایک انٹرویو کے دوران آصف رضا میر نے انکشاف کیا کہ وہ سجل علی کے ساتھ آنے والے بڑے پراجیکٹ "میں منٹو نہیں ہوں" میں ان کے والد کا کردار ادا کر رہے ہیں۔ انہوں نے بتایا کہ دونوں فنکاروں نے ذاتی رشتے سے بالاتر ہو کر اپنے پیشہ ورانہ سفر کو اہمیت دی ہے آصف رضا میر کا کہنا تھا:"ہم دونوں نے فیصلہ کیا کہ ہم پروفیشنل آرٹسٹ ہیں۔ رشتے ختم ہو سکتے ہیں مگر احترام باقی رہنا چاہیے۔ سجل کا یہ قدم حوصلے اور ذہانت کا ثبوت ہے، اور دونوں نے ماضی کو پیچھے چھوڑ کر فن کی راہ پر چلنے کا عزم کیا ہے۔"ان کے اس بیان نے نہ صرف سوشل میڈیا پر مداحوں کو متاثر کیا بلکہ اُن لوگوں کو بھی مثبت پیغام دیا جو تعلقات کے اختتام کے بعد کشیدگی کا شکار ہو جاتے ہیں۔سجل اور احد کی شادی کے بعد علیحدگی ایک عرصے سے زیر بحث رہی ہے، اور حالیہ ایوارڈ شو میں دونوں کو ایک ہی مقام پر دیکھ کر مداحوں کی پرانی یادیں بھی تازہ ہو گئی تھیں آصف رضا میر نے مزید کہا "ہماری فیملی میں اتنی پختگی ہے کہ ہم سوشل میڈیا کی افواہوں کو سنجیدہ نہیں لیتے۔ رشتے بننا اور ٹوٹنا زندگی کا حصہ ہیں، اصل عظمت یہ ہے کہ پرانے زخموں کو نہ چھیڑا جائے بلکہ وقار سے آگے بڑھا جائے ان کا یہ بیان پاکستانی شوبز انڈسٹری میں ایک مثبت مثال بن کر سامنے آیا ہے جسے مداحوں اور ناقدین نے یکساں طور پر سراہا ہے
ذریعہ: Nawaiwaqt
پڑھیں:
کراچی: ٹرالر کی ٹکر سے موٹر سائیکل سوار طالب علم بحق، دوسرا زخمی
کراچی:(اسٹاف رپورٹر)ماڑی پور میں ٹریفک حادثہ میں ایک طالب علم جاں بحق دوسرا زخمی ہوگیا۔چھیپا حکام نے بتایا کہ ماڑی پور ٹرک اڈا گیٹ نمبر 6 کے قریب ٹرالر نے ایک موٹر سائیکل کو ٹکر ماردی، حادثہ میں موٹر سائیکل پر سوار ایک نوجوان جاں بحق اور دوسرا زخمی ہوگیا۔ جاں بحق شخص کی لاش اور زخمی نوجوان کو طبی امداد کے لیے سول اسپتال منتقل کیا گیا۔جاں بحق ہونے والے بائیک سوار کی شناخت 18 سالہ عصمت ولد اعجاز اور زخمی کی شناخت 18 سالہ نوید ولد ستورو کے ناموں سے ہوئی۔
چھیپا ترجمان چوہدری شاہد حسین کے مطابق دونوں نوجوان غلامان عباس اسکول کے طالب علم اور ہاکس بے کے رہائشی ہیں۔ دونوں اسکول سے چھٹی کے بعد گھر واپس جارہے تھے کہ ماڑی پور ٹرک اڈے کے گیٹ پر حادثہ ہوگیا۔ابتدائی اطلاع کے مطابق موٹر سائیکل پر سوار دونوں نوجوانوں کو ٹرالر نے ٹکر ماری ہے یا اس کی زد میں آئے ہیں تحقیقات کررہے ہیں۔پولیس نے ٹرالر کو تحویل میں لے کر تھانے منتقل کردیا۔ ٹرالر کا ڈرائیور فرار ہے۔ پولیس ڈرائیور کی گرفتاری کے لیے کارروائی کررہی ہے۔
افغانستان دہشت گردوں کو پاکستان پر حملوں سے نہیں روک سکتا تو کیسا بھائی چارہ، طاہر اشرفی