بلاول بھٹو زرداری نے پاکستان کا بیانیہ کامیابی سے پیش کیا، شازیہ مری
اشاعت کی تاریخ: 19th, May 2025 GMT
ایک بیان میں ترجمان پیپلز پارٹی نے کہا کہ عالمی سطح پر پاکستان کا مقدمہ پیش کرنے کے حوالے سے بلاول بھٹو کی نامزدگی بھارت کے گھڑے ہوئے بیانیے کے لیے بڑا خطرہ ہے، پاکستان کا کیس مضبوط ہے اور سچ ہمیشہ جھوٹ کو بے نقاب کرتا ہے۔ اسلام ٹائمز۔ پاکستان پیپلز پارٹی پارلیمنٹرینز کی مرکزی ترجمان شازیہ مری نے کہا ہے کہ ایک طرف پاک فوج نے سرزمین کا بہترین دفاع کیا، دوسری طرف بلاول بھٹو نے عالمی سطح پر پاکستان کا مؤقف مؤثر انداز میں پیش کیا ہے۔ ایک بیان میں انہوں نے کہا کہ بلاول بھٹو زرداری کی عالمی سطح پر واپسی پر بھارتی حکومت بوکھلاہٹ کا شکار ہے، بلاول بھٹو نے مودی سرکار کی جانب سے پاکستان پر لگائے گئے جھوٹے اور بے بنیاد الزامات کو بے نقاب کیا، بھارتی سرکار دنیا کے سامنے پاکستان کے خلاف پروپیگنڈے بیچتی آئی ہے۔ ان کا مزید کہنا تھا کہ عالمی سطح پر پاکستان کا مقدمہ پیش کرنے کے حوالے سے بلاول بھٹو کی نامزدگی بھارت کے گھڑے ہوئے بیانیے کے لیے بڑا خطرہ ہے، پاکستان کا کیس مضبوط ہے اور سچ ہمیشہ جھوٹ کو بے نقاب کرتا ہے۔
.ذریعہ: Islam Times
کلیدی لفظ: عالمی سطح پر پاکستان کا بلاول بھٹو
پڑھیں:
27ویں آئینی ترمیم کے باضابطہ ڈرافٹ پر اب تک کوئی کام شروع نہیں ہوا: وزیر مملکت برائے قانون
—فائل فوٹووزیر مملکت برائے قانون بیرسٹر عقیل ملک کا کہنا ہے کہ 27ویں آئینی ترمیم کے باضابطہ ڈرافٹ پر اب تک کوئی کام شروع نہیں ہوا لیکن وقتاً فوقتاً اس پر بات چیت ضرور ہوتی رہتی ہے۔
جیو نیوز سے بات کرتے ہوئے بیرسٹر عقیل نے کہا کہ آرٹیکل 243 میں ترمیم کا مقصد معرکہ حق اور آپریشن بنیان المرصوص کی کامیابی کے بعد آرمی چیف کو دیے گئے فیلڈ مارشل کے عہدے کو آئین میں شامل کرنا اور اسے تحفظ دینا ہے۔
انہوں نے کہا کہ دہشت گردی اور انتہا پسندی سمیت دیگر اہم مسائل سے متعلق آگہی کے لیے مرکزی تعلیمی نصاب ہونا ضروری ہے۔
بلاول بھٹو زرداری نے کہا ہے کہ مسلم لیگ کے وفد نے وزیرِاعظم شہباز شریف کی سربراہی میں صدر آصف علی زرداری اور اِن سے ملاقات کی ہے۔
بیرسٹر عقیل کا کہنا ہے کہ آئینی عدالتوں کا قیام 26ویں ترمیم کا بھی حصہ تھا اب بھی اس پر بات ہوئی ہے، آبادی پر کنٹرول کے لیے بھی مرکزی سوچ کا ہونا بہت اہم ہے۔
واضح رہے کہ چیئرمین پاکستان پیپلز پارٹی (پی پی پی) بلاول بھٹو زرداری نے کہا ہے کہ وزیرِاعظم شہباز شریف نے پیپلز پارٹی سے 27ویں ترمیم کی حمایت کی درخواست کی ہے، ترمیم میں آئینی عدالت کا قیام، ایگزیکٹو مجسٹریٹس اور ججز کے تبادلے شامل ہیں۔
سوشل میڈیا پر اپنے بیان میں بلاول بھٹو زرداری نے کہا تھا کہ مسلم لیگ (ن) کے وفد نے وزیرِاعظم شہباز شریف کی سربراہی میں صدر آصف علی زرداری اور اِن سے ملاقات کی ہے۔
بلاول بھٹو زرداری نے کہا کہ این ایف سی میں صوبائی حصے کا تحفظ ختم کرنا بھی ترمیم میں شامل ہے۔ تجاویز میں آرٹیکل 243 میں ترمیم، تعلیم اور آبادی کی منصوبہ بندی وفاق میں واپسی بھی ترمیم میں شامل ہیں۔
ڈی جی این سی سی اے وقارالدین سید کو ہٹا دیا گیا، سید خرم علی تعینات