مہدی حسن میراز پی ایس ایل پلے آف مرحلے کیلئے لاہور قلندرز میں شامل
اشاعت کی تاریخ: 19th, May 2025 GMT
لاہور:
لاہور قلندرز نے پی ایس ایل 10 کے پلے آف مرحلے کیلئے بنگلادیش کے آل راؤنڈر مہدی حسن میراز کو اسکواڈ میں شامل کرلیا۔
بنگلادیش کرکٹ بورڈ (بی سی بی) نے انہیں شرکت کے لیے این او سی جاری کر دیا ہے اور انکی منگل کو لاہور آمد متوقع ہے۔
پی ایس ایل کے پلے آف میچز بدھ سے شروع ہو رہے ہیں جبکہ لاہور قلندرز جمعرات کو ایلیمینیٹر میچ میں ایک نامعلوم حریف کے خلاف میدان میں اتریں گے۔
مہدی حسن میراز نے کرک انفو سے گفتگو کرتے ہوئے کہا کہ وہ لاہور قلندرز کا حصہ بننے پر پرجوش ہیں، اگرچہ ان کا یہ قیام ممکنہ طور پر صرف ایک میچ تک محدود ہو سکتا ہے۔
انہوں نے کہا کہ پی ایس ایل ایک اعلیٰ معیار کی لیگ ہے اور میں پہلے بنگلادیش پریمیئر لیگ (BPL) میں اچھا پرفارم کر چکا ہوں، اس لیے پر اعتماد ہوں کہ یہاں بھی بہترین کارکردگی دکھاؤں گا۔
مہدی کا کہنا تھا کہ وہ اس موقع کو استعمال کرتے ہوئے بنگلادیش کی ٹی ٹوئنٹی ٹیم میں دوبارہ جگہ بنانے کے خواہاں ہیں۔ وہ اس وقت نہ تو متحدہ عرب امارات کے خلاف جاری سیریز کا حصہ ہیں اور نہ ہی پاکستان کے خلاف آئندہ پانچ میچز کی ٹی ٹوئنٹی سیریز کے اسکواڈ میں شامل کیے گئے ہیں۔
لاہور قلندرز میں مہدی اپنے تجربہ کار ساتھی شکیب الحسن کے ساتھ ٹیم کا حصہ بنیں گے۔ شکیب نے حالیہ میچ میں پشاور زلمی کے خلاف اپنا پہلا میچ کھیلا، تاہم وہ پہلی گیند پر صفر پر آؤٹ ہوئے اور دو اوورز میں 18 رنز دے کر کوئی وکٹ نہ لے سکے۔
واضح رہے کہ پاکستان اور بھارت کے درمیان کشیدگی کے باعث پی ایس ایل کچھ دن معطل رہا، جس کے بعد قلندرز نے سکندر رضا کو دوبارہ ٹیم میں شامل کیا، مگر وہ صرف ایک میچ کھیل کر انگلینڈ چلے گئے جہاں انہیں انگلینڈ کے خلاف ٹیسٹ میچ کے لیے زمبابوے کی ٹیم کا حصہ بننا ہے۔
ڈیوڈ ویزے اور سیم بلنگز بھی پاکستان واپس نہیں آئے، جس کے بعد شکیب الحسن اور بھانوکا راجپکسا کو اہم مرحلے کے لیے بلایا گیا۔
اس سے قبل بنگلادیش کے رشاد حسین لاہور قلندرز کا حصہ تھے، جب کہ ناہید رانا کراچی کنگز سے وابستہ تھے۔ لٹن داس بھی کنگز کی نمائندگی کر رہے تھے، تاہم ٹریننگ کے دوران زخمی ہونے کے باعث وہ واپس چلے گئے۔
.
ذریعہ
ذریعہ: Express News
کلیدی لفظ: لاہور قلندرز پی ایس ایل کے خلاف کا حصہ
پڑھیں:
جماعت اسلامی کے سیکریٹری جنرل امیرالعظیم انتقال کرگئے
لاہور(ڈیلی پاکستان آن لائن)جماعت اسلامی پاکستان کے سیکریٹری جنرل امیرالعظیم لاہور میں انتقال کرگئے۔جماعت اسلامی پاکستان کی جانب سے سماجی رابطے کی ویب سائٹ پر جاری بیان میں بتایا گیا کہ امیرالعظیم صاحب اللہ کے حضور پیش ہوگئے۔
سیکریٹری جنرل جماعت اسلامی امیر العظیم طویل عرصے سے علیل اور کینسر کے مرض سے نبرد آزما تھے۔امیرالعظیم کی نماز جنازہ کا اعلان بعد میں کیا جائے گا۔امیرالعظیم جماعت اسلامی کے سیکریٹری جنرل کے علاوہ زمانۂ طالب علمی میں اسلامی جمعیت طلبہ پاکستان کے ناظم اعلیٰ بھی رہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
لاہور میں 1958 میں پیدا ہونے والے امیرالعظیم نے پنجاب یونیورسٹی سے ایم بی اے کی ڈگری حاصل کی اور اسلامی جمعیت طلبہ کے ناظم اعلی رہے۔جماعت اسلامی پاکستان کے سابق امیر سراج الحق نے انہیں 2019 اور 2024 میں موجودہ امیر جماعت اسلامی حافظ نعیم الرحمان نے مرکزی مجلس شوریٰ کے مشورے سے انہیں مرکزی سیکریٹری جنرل مقرر کیا۔
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار