وزیر داخلہ محسن نقوی سے قطری سفیر کی ملاقات
اشاعت کی تاریخ: 19th, May 2025 GMT
تصویر سوشل میڈیا۔
وزیر داخلہ محسن نقوی سے قطر کے سفیر علی مبارک علی عیسیٰ الخطیر نے اسلام آباد میں ملاقات کی۔ ملاقات میں پاکستان اور قطر کے درمیان تعلقات سمیت دو طرفہ امور پر تبادلہ خیال کیا گیا۔
اس موقع پر وزیر داخلہ محسن نقوی کے حالیہ دورہ قطر سے متعلق بھی گفتگو کی گئی۔ پاکستان اور بھارت کے درمیان سیز فائر کے بعد کی صورتحال پر بھی بات چیت کی گئی۔
وزیر داخلہ محسن نقوی نے کہا کہ پاکستان ہمیشہ امن کا داعی رہا ہے اور ہم خطے میں پائیدار امن چاہتے ہیں، قطر کا حالیہ دورہ انتہائی کامیاب رہا۔
انھوں نے کہا قطر کے وزیراعظم، نائب وزیراعظم اور وزیر داخلہ سے دوطرفہ تعاون بڑھانے پر اتفاق ہوا۔
محسن نقوی نے کہا کہ انسدادِ منشیات، انسداد دہشتگردی، سیکورٹی تعاون اور تربیتی پروگرامز پر بھی تفصیلی بات ہوئی۔
وزیر داخلہ نے کہا تمام شعبوں میں قطر کے ساتھ تعاون کو فروغ دینا پاکستان کی ترجیح ہے، قطر کے اعلیٰ حکام نے فالواپ وزٹ پر جلد پاکستان آنے پر اتفاق کیا ہے۔
محسن نقوی نے کہا وفاقی سیکریٹری داخلہ کی قیادت میں اعلیٰ سطح کا وفد بھی قطر کا دورہ کرے گا، وفد میں وزارت داخلہ کے ماتحت اداروں کے سربراہاں شامل ہوں گے۔
انھوں نے کہا قطر پاکستان کا قابل اعتماد شراکت دار ہے، تعلقات کو قابلِ فخر اثاثہ سمجھتے ہیں۔
.ذریعہ: Jang News
پڑھیں:
ایران اسرائیل جنگ بندی کے پیچھے بھی وردی ہے: محسن نقوی
اسکرین گریبوفاقی وزیر داخلہ محسن نقوی نے کہا ہے کہ ایران اسرائیل جنگ بندی کے پیچھے بھی وردی ہے۔
محرم الحرام کے حوالے سے تمام مکاتب فکر کے علمائے کرام اور وزیر مملکت داخلہ طلال چوہدری کے ہمراہ میڈیا سے گفتگو کرتے ہوئے محسن نقوی نے کہا کہ ایران اسرائیل جنگ بندی میں وزیر اعظم شہباز شریف کا بڑا کردار ہے۔
محسن نقوی کا کہنا تھا کہ پاکستان نے جب بھارت کی طرف میزائل فائر کیے ان میں ایک میزائل میں فائر کرتے وقت فرق آگیا، ہمیں پریشانی ہوئی کہ یہ میزائل تو آبادی پر گر جائے گا، اللّٰہ کی طرف سے مدد آئی وہی میزائل بھارت کے سب سے بڑے آئل ڈپو پر لگا۔
یہ بھی پڑھیے ایران کا اسرائیل کے جنگ بندی پر عملدرآمد پر شک و شہبات کا اظہار ایران نے اسرائیل سے جنگ بندی کے بعد فضائی حدود کھول دیںوفاقی وزیر نے کہا کہ بھارت نے ایک بیس پر تقریباً 11 میزائل فائر کیے، وہاں ہمارے 9 یا 11 طیارے تھے، بھارت کے میزائل ایک بیس کے آگے گرا ایک پیچھے گرا، کوئی میزائل اندر نہیں گرا، یہ دو مثالیں غیبی مدد کو بالکل ثابت کرتی ہیں۔
انہوں نے کہا کہ پاکستانی قیادت نے عالمی رہنماؤں سے ملاقاتیں کیں، انہیں قائل کیا، ہمیں اس پر فخر ہونا چاہیے۔ قیام امن میں علماء نے ہمیشہ اہم کردار ادا کیا، محرم الحرام میں ہم آہنگی کا فروغ انتہائی ضروری ہے۔
اس موقع پر گفتگو کرتے ہوئے وزیر مملکت داخلہ طلال چوہدری نے کہا ہے کہ دہشت گردی کے خلاف جنگ میں ہم سب کو متحد ہونا ہوگا، ہم نے نفرت اور فرقہ واریت کا شکار نہیں ہونا۔
پاکستان پر جارحیت کرنے والوں کو عبرتناک شکست ہوئی: عبدالخبیر آزادچیئرمین مرکزی رویت ہلال کمیٹی عبدالخبیر آزاد نے کہا کہ قیام امن سے متعلق ہم حکومت کا ہر طرح سے ساتھ دے رہے ہیں۔
انہوں نے کہا کہ پاکستان پر جارحیت کرنے والوں کو عبرتناک شکست ہوئی، معرکہ حق میں اتحاد، یقین اور مضبوط عزم کے ساتھ کامیابی ملی۔
برطانوی خفیہ ایجنسی کی خاتون سربراہ کو اپنے ’دادا‘ سے دور رہنے کی ہدایت