جلد پورے غزہ کا مکمل کنٹرول حاصل کرلیں گے؛ نیتن یاہو کی دھمکی
اشاعت کی تاریخ: 19th, May 2025 GMT
اسرائیلی فوج کی غزہ کی پٹی پر پیشقدمی تیزی سے جاری ہے اور متعدد علاقوں پر قابض ہوچکی ہیں اور اس دوران وزیراعظم نیتن یاہو کے ایک بیان سے ان کے جارحانہ عزائم کھل کر سامنے آگئے۔
عالمی خبر رساں ادارے کے مطابق اسرائیلی وزیرِ اعظم بینجمن نیتن یاہو نے سوشل میڈیا پر جاری اپنے ایک ویڈیو پیغام میں غزہ پر مکمل کنٹرول کرنے کا اعلان کیا ہے۔
اسرائیلی وزیراعظم نے مزید کہا کہ شدید لڑائی جاری ہے اور ہم پیشقدمی کر رہے ہیں۔ غزہ کی پٹی کے تمام علاقوں کا "مکمل کنٹرول" حاصل کریں گے۔
انھوں نے مزید کہا کہ ہم کسی صورت پیچھے نہیں ہٹیں گے۔ ہمیں اسی انداز میں آگے بڑھنے دیں۔ اگر ہمارے راستے میں رکاوٹ نہیں ڈالی گی تو جلد کامیابی حاصل کرلیں گے۔
اسرائیلی وزیراعظم نیتن یاہو کا یہ بیان اُس وقت سامنے آیا ہے جب اسرائیلی فوج نے غزہ میں اپنی فوجی کارروائیوں کا دائرہ وسیع تر کر دیا ہے۔
اسی دوران اسرائیلی فوج نے جنوبی غزہ کے شہر خان یونس اور قریبی علاقوں بنی سہیلا اور عبسان کے شہریوں کو فوری انخلا کا حکم دیا ہے۔
غزہ پر اسرائیلی فوج کے زمینی اور فضائی حملے جاری ہیں۔ انسانی حقوق کی تنظیمیں اور بین الاقوامی مبصرین پہلے ہی ان کارروائیوں کے نتیجے میں شہری ہلاکتوں اور انسانی بحران پر تشویش کا اظہار کر چکے ہیں۔
ادھر اسرائیلی وزیراعظم کے دفتر نے بتایا کہ قطر کے دارالحکومت دوحہ میں جنگ بندی اور قیدیوں کے تبادلے سے متعلق مذاکرات جاری ہیں جس کے لیے قطر، مصر اور امریکا ثالثی کا کردار ادا کر رہے ہیں۔
.
ذریعہ: Express News
کلیدی لفظ: اسرائیلی فوج نیتن یاہو
پڑھیں:
آسان کاروبار فنانس و کاروبار کارڈ، وزیرِاعلیٰ پنجاب کی درخواستوں کا پراسیس جلد مکمل کرنے کی ہدایت
وزیراعلیٰ پنجاب مریم نواز — فائل فوٹووزیرِاعلیٰ پنجاب مریم نواز کی زیرِ صدارت اجلاس میں آسان کاروبار فنانس اورکاروبار کارڈ کے لیے زیرِ غور درخواستوں کا پراسیس جلد مکمل کرنے کی ہدایت جاری کردی گئی۔
وزیراعلی پنجاب مریم نوازکی زیر صدارت اجلاس ہوا جس میں بریفنگ کے دوران بتایا گیا کہ چیف منسٹر آسان کاروبار فنانس اسکیم کے تحت 3 ہزار 10 افراد کو 18 ارب روپے کا قرضہ جاری کردیا گیا ہے۔
بریفنگ میں بتایا گیا کہ ٹرانسپورٹیشن کاروبار کےلیے ایک ہزار 312 افراد نے 3 ارب 91 کروڑ روپے کا قرضہ حاصل کیا ہے۔
وزیراعلیٰ پنجاب گندم پیکیج کے حوالے سے ترجمان پنجاب حکومت نے کہا کہ وزیراعلی مریم نواز نے گندم کے کاشتکا روں کیلئے پیکیج کا اعلان کر دیا۔
اسی طرح ٹریڈنگ اینڈ ڈسٹری بیوشن کےلیے 175 افراد نے 3 ارب 94 کروڑ روپے کا قرضہ حاصل کیا۔
ٹریڈنگ کےلیے 24 ہزار 522 افراد نے 10 ارب 75 کروڑ روپے کا قرض حاصل کیا گیا۔
ایگری سمال بزنس کےلیے 10 ہزار 699 افراد نے 3 ارب 69 کروڑ روپے کا قرضہ حاصل کیا۔
وزیراعلیٰ مریم نواز نے ایکسپورٹ اور مینو فیکچرنگ سیکٹر قرضے کےلیے پلان طلب کرلیا۔
وزیراعلیٰ کی جانب سے آسان کاروبار فنانس اور کاروبار کارڈ کیلئے زیرِ غور درخواستوں کا پراسیس جلد مکمل کرنے کی ہدایت بھی کی گئی۔
پاک فوج نے 6 اور 7 مئی کی درمیانی شب بھارتی جارحیت میں شہید افسران اور شہریوں کی تعداد جاری کردی