تل ابیب، آذربایجانی وزیر دفاع کی سفاک اسرائیلی وزیر جنگ کیساتھ ملاقات
اشاعت کی تاریخ: 19th, May 2025 GMT
اسرائیلی میڈیا نے اعلان کیا ہے کہ ''دوست و وفادار'' ملک آذربائیجان کے وزیر دفاع نے اسرائیلی رژیم کیساتھ ''دو طرفہ اسٹریٹیجک تعلقات و باہمی تعاون'' میں زیادہ سے زیادہ توسیع کیلئے آج تل ابیب میں اسرائیلی وزیر جنگ کیساتھ ملاقات و گفتگو کی ہے! اسلام ٹائمز۔ غزہ میں جاری غاصب و سفاک صیہونی رژیم کے کھلے جنگی جرائم کے باوجود ''ممتاز اسلامی ممالک'' کی جانب سے جعلی اسرائیلی رژیم کی حوصلہ افزائی کا سلسلہ جاری ہے۔ تفصیلات کے مطابق غاصب و سفاک اسرائیلی رژیم کے ساتھ ''دو طرفہ تزویراتی تعلقات و باہمی تعاون'' میں زیادہ سے زیادہ توسیع کے مقصد سے آذربائیجان کے وزیر دفاع ذاکر حسن اوف نے آج تل ابیب میں سفاک اسرائیلی وزیر جنگ اسرائیل کاٹز کے ساتھ ملاقات و گفتگو کی ہے۔ اس بارے یہ اعلان کرتے ہوئے کہ اسرائیل کے ''دوست و وفادار'' ملک اذربائجان کے وزیر دفاع نے ''باہمی تعلقات میں توسیع'' کے لئے تل ابیب کا دورہ کیا ہے، صیہونی میڈیا نے مزید بتایا کہ اس ملاقات میں کہ جس میں متعدد آذربائیجانی و اسرائیلی اعلی فوجی حکام بھی موجود تھے، باکو اور تل ابیب نے باہمی دلچسپی کے متعدد امور کے ساتھ ساتھ ''دو طرفہ فوجی تعاون'' میں بھی زیادہ سے زیادہ توسیع پر تاکید کی ہے۔ واضح رہے کہ سفاک اسرائیلی رژیم اور اسلامی ملک آذربائیجان کے درمیان قائم ''دیرینہ دوستانہ تعلقات'' کے میدان میں اس وقت دفاعی، سکیورٹی و اقتصادی تعلقات عروج پر ہیں کہ جس کے تحت جمہوری آذربائیجان، فلسطین پر قابض سفاک اسرائیلی رژیم سے انواع و اقسام کے ڈرون طیاروں و میزائل سسٹمز سمیت پیشرفتہ اسلحہ خریدتا ہے جس کے جواب میں فلسطینی بچوں و نہتی خواتین کی قاتل سفاک اسرائیلی رژیم بھی اپنی ضرورت کا 60 فیصد تیل آذربائیجان سے درامد کرتی ہے!
ذریعہ: Islam Times
پڑھیں:
وزیراعلیٰ پنجاب سے جرمن رکن پارلیمنٹ کی ملاقات، دو طرفہ تعلقات پر تبادلہ خیال
لاہور:وزیراعلیٰ پنجاب مریم نواز شریف سے جرمن پارلیمنٹ کی رکن دِریا تُرک نَخباؤر (Derya Türk-Nachbaur) نے ملاقات کی۔
ملاقات میں دو طرفہ تعلقات، پارلیمانی تعاون، ویمن ایمپاورمنٹ، تعلیم، یوتھ ایکسچینج پروگرام، ماحولیات اور کلین انرجی کے منصوبوں پر تفصیلی تبادلہ خیال کیا گیا، وزیر اعلیٰ پنجاب نے جرمنی کی جانب سے حالیہ سیلاب کے دوران اظہار یکجہتی پر شکریہ ادا کیا۔
مریم نواز کا کہنا تھا کہ پنجاب کے تاریخی اور ثقافتی دل لاہور میں جرمنی کے معزز مہمانوں کا خیرمقدم کرنا میرے لیے باعث اعزاز ہے، انہوں نے جرمنی کی فریڈرک ایبرٹ فاؤنڈیشن کی 100 ویں سالگرہ پر مبارکباد پیش کرتے ہوئے پاکستان میں 35 سالہ خدمات کو سراہا۔
مریم نواز نے کہا کہ فریڈرک ایبرٹ فاؤنڈیشن نے پاکستان اور جرمنی میں جمہوریت، سماجی انصاف اور باہمی مکالمے کے فروغ میں نمایاں کردار ادا کیا۔ فلڈ کے دوران اظہار ہمدردی و یکجہتی پاک جرمن دیرینہ دوستی کی عکاسی ہے۔ پاکستان اور جرمنی جمہوریت، برداشت اور پارلیمانی طرزِ حکمرانی پر یقین رکھتے ہیں جو ترقی و امن کی بنیاد ہیں۔
انہوں نے کہا کہ پنجاب اور جرمن پارلیمان کے تبادلوں سے وفاقی تعاون اور مقامی خود مختاری کے جرمن ماڈل سے سیکھنے کا موقع ملے گا۔ پارلیمانی تعاون عوامی اعتماد اور باہمی تفہیم کا پُل ہے جو پاک جرمن تعلقات کو مضبوط بناتا ہے، جرمنی 1951 سے پاکستان کا قابلِ اعتماد ترقیاتی شراکت دار رہا ہے۔
مریم نواز نے کہا کہ جرمن تعاون نے پنجاب میں ماحولیات، ٹریننگ، توانائی، صحت اور خواتین کے معاشی کردار کے فروغ میں اہم کردار ادا کیا ہے۔ انہوں نے نوجوانوں کی صلاحیت میں اضافے کے لیے جرمنی کے ڈوال ووکشینل ٹریننگ ماڈل کو اپنانے کی خواہش کا بھی اظہار کیا۔
وزیراعلیٰ پنجاب نے کہا کہ پاکستان اور جرمنی کے درمیان تجارت کا حجم 2024 میں 3.6 ارب امریکی ڈالر تک پہنچنا خوش آئند ہے، جرمنی کی رینیو ایبل انرجی، زرعی ٹیکنالوجی، آئی ٹی سروسز اور کلین مینوفیکچرنگ کے شعبوں میں مزید سرمایہ کاری کا خیرمقدم کرتے ہیں۔ تعلیم حکومت پنجاب کے اصلاحاتی ایجنڈے کا بنیادی ستون ہے، پنجاب حکومت نصاب کی جدت، ڈیجیٹل لرننگ اور عالمی تحقیقی روابط کے فروغ پر کام کر رہی ہے۔
مریم نواز نے کہا کہ جرمن اداروں کے ساتھ مشترکہ فن و ثقافت منصوبوں کا خیرمقدم کرتے ہیں، پاکستان اور جرمنی امن، ترقی اور انسانی وقار کی مشترکہ اقدار کے حامل ہیں، پارلیمانی روابط، پائیدار ترقی اور تعاون کے ذریعے پاک جرمن دوستی کو مزید مضبوط بنانے کے لیے پُرعزم ہیں۔
جعلی بینک اکاؤنٹس کیس: 12 ارب کے منجمد شیئرز ڈی فریز کرنے کا فیصلہ معطل کرنے کی استدعا مسترد