کے پی اسمبلی، پی اے سی اجلاس؛ معدنیات والے کارخانوں کو فوری نوٹس جاری کرنیکی ہدایت
اشاعت کی تاریخ: 20th, May 2025 GMT
پشاور:
خیبر پختونخوا اسمبلی میں پبلک اکاؤنٹس کمیٹی کے اجلاس میں چیئرمین پی اے سی نے سیکریٹری معدنیات کو تمام کارخانوں کو فوری نوٹس جاری کرنے کی ہدایت کر دی۔
اجلاس کی صدارت کنوینر ادریس خٹک نے کی، جس میں محکمہ اطلاعات اور محکمہ معدنیات کے آڈٹ پیراز پر بحث ہوئی۔ دونوں محکموں کے اعلیٰ افسران نے اجلاس میں شرکت کی۔
چیئرمین پبلک اکاؤنٹس کمیٹی نے کہا کہ معدنیات والے کارخانوں کو دو سالوں سے ٹیکسز کی وصولی کا کوئی نوٹس جاری نہیں ہوا۔ سیکریٹری معدنیات مطاہر ذیب نے بتایا کہ یہ محکمے کی غفلت ہیں، اپنی غلطی تسلیم کرتے ہیں۔
چیئرمین پی اے سی نے سیکریٹری معدنیات کو تمام کارخانوں کو فوری نوٹس جاری کرنے اور محکمے سے دو سالوں میں ٹیکس نوٹسز جاری نہ کرنے کی بھی تحقیقات کروانے کی ہدایت کر دی۔
سیکریٹری معدنیات نے فوری نوٹسز جاری اور معاملے کی تحقیقات کروانے کی یقین دہانی کروا دی۔
مائنز اینڈ منرل سے متعلق معاملات زیر بحث
اجلاس کے دوران ہری پور میں سیمنٹ فیکٹریوں کی جانب سے 16 کروڑ 23 لاکھ روپے ٹیکس کی عدم ادائیگی پر آڈٹ پیرا پیش کر دیا گیا۔
سیکریٹری مائنز نے بتایا کہ ہری پور میں 5 سیمنٹ فیکٹریوں نے کتنی کھدائی کی؟ یہ نہیں بتا رہی اور یہ معلوم کرنا بہت مشکل ہوتا ہے کہ کس فیکٹری نے کتنی کھدائی کی ہے، تمام سیمنٹ فیکٹریاں یہ نہیں بتاتیں کہ اس نے کتنی کھدائی کی ہے۔
چیئرمین کمیٹی نے سوال کیا کہ تین سال قبل آپ لوگوں کو حکم دیا تھا، آپ نے نوٹس کیوں نہیں دیا؟ سیکریٹری مائنز مطاہر زیب نے کہا کہ تاخیر پر اپنے ادارے کے خلاف انکوائری کروں گا۔
ڈائریکٹر آڈٹ نے کہا کہ ہماری تجویز ہے کہ سیمنٹ فیکٹریوں پر ٹن کے بجائے بیگ کے حساب سے ٹیکس لگایا جائے۔ کمیٹی چیئرمین کی جانب سے آڈٹ پیرا کو مؤخر کر دیا گیا۔
چترال میں معدنیات کھودنے کا معاملہ
چترال میں معدنیات کھودنے سے متعلق 2 کروڑ 16 لاکھ روپے کا آڈٹ پیرا پیش کیا گیا۔
سیکریٹری مائنز کے مطابق 2023 میں ٹونی پاک نامی کمپنی نے چترال میں ٹیسٹنگ کے لیے کان کنی کی، بعد میں پتہ چلا کہ کمپنی میں ٹیسٹنگ کے نام پر معدنیات کمرشل مقاصد کے لیے استمال کیے جا رہے ہیں۔
ڈائریکٹر آڈٹ نے سوال اٹھایا کہ اس کمپنی نے 413 ٹن مال چین بیچا تھا محکمہ کیوں خاموش رہا؟
ایم پی اے اکرام اللہ غازی نے کہا کہ اسی کمپنی نے مانسہرہ میں گزشتہ دو سال میں 82 ہزار 567 ٹن کان کنی کی ہے، مانسہرہ کے 7ہزار ٹن معدنیات کو چین میں بھی بیچا گیا ہے، کھدائی ہوتی ہے اور محکمہ مکمل طور پر خاموش رہتا ہے۔
چیئرمین کمیٹی ادریس خٹک نے ہدایت کی کہ محکمہ ٹیسٹ کے لیے مقدار کا تعین کرے۔ چیئرمین کمیٹی نے آڈٹ پیرا کو مؤخر کر دیا۔
چترال میں معدنیات
چترال میں معدنیات سے متعلق 2 کروڑ مالیت سے زائد کا آڈٹ پیرا کمیٹی میں پیش کیا گیا۔
سیکریٹری مائنز نے کہا کہ چترال میں 6 کمپنیوں نے غیر قانونی طور پر کان کنی کی ہے، تمام کمپنیوں کو دو کروڑ روپے جرمانہ کیا گیا لیکن وہ عدالت چلے گئے۔
چیئرمین کمیٹی نے سوال کیا کہ کیا محکمے کے پاس معدنیات کی اسسمنٹ کے لیے کوئی سائنسی آلہ ہے؟
سیکریٹری مائنز نے بتایا کہ ہمارے محکمے کے سالانہ ترقیاتی پروگرام کا فنڈ صرف 13 کروڑ 70 لاکھ روپے ہے، اتنی رقم میں نہ کوئی آلہ خریدا جا سکتا ہے اور نہ ہی سائنسی جائزہ لیا جا سکتا ہے۔
چیئرمین کمیٹی نے یہ آڈٹ پیرا بھی مؤخر کر دیا۔
Tagsپاکستان.
ذریعہ
ذریعہ: Al Qamar Online
کلیدی لفظ: پاکستان سیکریٹری معدنیات چیئرمین کمیٹی نے سیکریٹری مائنز کارخانوں کو نوٹس جاری فوری نوٹس نے کہا کہ آڈٹ پیرا کے لیے کر دیا
پڑھیں:
ملکی برآمدات میں اضافہ نہیں ہو رہا، کپیسٹی چارجز کے سبب بجلی کی قیمتیں زیادہ ہیں، قائمہ کمیٹی تجارت
اسلام آباد:قومی اسمبلی کی قائمہ کمیٹی برائے تجارت کے چیئرمین جاوید حنیف خان کا کہنا ہے کہ ملک میں زیادہ تر ٹیکسز آئی ایم ایف کی شرائط کے تحت عائد کیے جاتے ہیں اور سب کو معلوم ہے کہ ملکی برآمدات میں اضافہ نہیں ہو رہا جبکہ کپیسٹی چارجز کی وجہ سے بجلی کی قیمتیں بہت زیادہ ہیں۔
ایکسپریس کے مطابق قومی اسمبلی کی قائمہ کمیٹی برائے تجارت کا اجلاس چیئرمین جاوید حنیف خان کی زیر صدارت منعقد ہوا جس میں گزشتہ بیس برس کے دوران ملکی برآمدات میں خاطر خواہ اضافہ نہ ہونے کی وجوہات پر تفصیلی غور کیا گیا۔
جاوید حنیف خان نے کہا کہ سب کو معلوم ہے کہ ملکی برآمدات میں اضافہ نہیں ہو رہا جبکہ کپیسٹی چارجز کی وجہ سے بجلی کی قیمتیں بہت زیادہ ہیں۔ انہوں نے یہ بھی کہا کہ ملک میں زیادہ تر ٹیکسز بین الاقوامی مالیاتی فنڈ (آئی ایم ایف) کی شرائط کے تحت عائد کیے جاتے ہیں۔
اجلاس میں رکن کمیٹی عالیہ کامران نے کہا کہ پاکستان کی صرف ایک فارماسیوٹیکل کمپنی کو بین الاقوامی سطح پر تسلیم کیا گیا ہے۔ انہوں نے سوال اٹھایا کہ آلو جلد خراب ہو جاتے ہیں انہیں برآمد کرنے کے لیے کیا اقدامات کیے جا رہے ہیں؟ عالیہ کامران نے مزید کہا کہ ملک میں حلال فوڈ اتھارٹی تو موجود ہے لیکن تاحال اس کے قواعد و ضوابط مرتب نہیں کیے گئے جبکہ ایسا سازگار ماحول بھی پیدا نہیں ہو رہا کہ بیرونی سرمایہ کار پاکستان آ کر سرمایہ کاری کریں۔
قائمہ کمیٹی کے اجلاس میں لائف انشورنس نیشنلائزیشن ترمیمی بل 2026ء بھی زیر بحث آیا۔ اس موقع پر سیکریٹری تجارت جواد پال نے بتایا کہ کمپنی کا نام اسٹیٹ لائف انشورنس لمیٹڈ رکھا جائے گا۔ کمیٹی کے رکن مرزا اختیار بیگ نے استفسار کیا کہ آیا یہ کمپنی پبلک پرائیویٹ لمیٹڈ ہوگی یا سرکاری ادارہ ہوگا اس پر حکام نے وضاحت کی کہ اگر حکومت کے پاس 51 فیصد شیئرز ہوں گے تو کمپنی پبلک شمار ہوگی، بصورت دیگر اسے پرائیویٹ تصور کیا جائے گا۔
سیکریٹری تجارت جواد پال نے مزید بتایا کہ کمپنی وزارت کے ماتحت ہی رہے گی تاہم اس کا بورڈ آزاد ہوگا اس پر کمیٹی کے ایک رکن نے رائے دی کہ اگر بورڈ کو آزاد بنانا مقصود ہے تو اسے آزادانہ طور پر کام کرنے کی بھی اجازت ہونی چاہیے۔
چیئرمین جاوید حنیف خان نے کہا کہ یہ کمپنی بہرحال ایس او ایز ایکٹ کے تحت قائم کی جائے گی۔
سیکریٹری تجارت نے واضح کیا کہ کسی پبلک لمیٹڈ کمپنی کے غیر محدود شیئرز نہیں ہو سکتے۔
اجلاس کے دوران صوبائی قوانین اور اثاثوں کی منتقلی کے معاملات پر بھی گفتگو ہوئی چیئرمین جاوید حنیف خان نے کہا کہ پراپرٹی یا اثاثوں کی منتقلی پر صوبائی قوانین نافذ ہوتے ہیں لہٰذا یہ سوال پیدا ہوتا ہے کہ اس بل کے ذریعے صوبائی قانون کو کیسے بائی پاس کیا جا سکتا ہے؟ انہوں نے خبردار کیا کہ اسٹیمپ ڈیوٹی یا متعلقہ فیسوں کے حوالے سے صوبے کسی بھی وقت سوال اٹھا سکتے ہیں۔
ان کا کہنا تھا کہ صوبوں میں انشورنس کے تقریباً دو ٹریلین روپے کے اثاثے موجود ہیں اس لیے اندازہ لگایا جا سکتا ہے کہ اتنے بڑے اثاثوں پر اسٹیمپ ڈیوٹی کی مالیت کتنی ہوگی؟چیئرمین کمیٹی نے اس بات پر زور دیا کہ کوئی بھی ایسا قانون نہیں بنایا جا سکتا جو صوبوں کے مفادات کو متاثر کرتا ہو۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ